عصر رمضان٢٧
البنات يتجهزون لعزيمة ام ظافر
ميار :بنات البس الازرق
ملاك:لا عاري البسي شيء بسيط لأن ماراح نطول
ميار :خلاص
لبسو البنات وكانت كشختهم بسيطه
راحو قبل الاذان ودخلو البنات يسلمون على حفيدات ام ظافر وراحو يساعدون البنات
قامت ملاك :بنات ماتحسون بتعب
لمى ضحكت:كذا ولا كذا بتكرفين
ميار:تحملو باقي شوي ويأذن
شالت ميار الصحون وقالت لها لمى تروح تزين السفره بمجلس الرجال شالت ميار السفره ودخلت المجلس
ترتبه وتنظفه وفرشت السفره وهي تفرش دخل عليها سلطان شاف ميار وصد :معليش يا اختي دخلت بالغلط
ميار شافته ورفعت الطرحه:عادي اصلا شوي واطلع
سلطان:خلاص انتظرك لان الرجاجيل بيدخلون كلن بيروح بس استوقفه صوت ميار الي رد روحه
ميار:سلطان لحظه
سلطان:امريني
ميار:شكرا انك ساعدتني بذاك اليوم لو ماجيت ماكنت ادري وش ص…….قاطعها سلطان لما جا وحط يده على فمها :الي راح راح خلاص لا تتذكرين الموقف كل يوم عيشي حياتك
كانت ميار تطالع عيونه وهو يطالع بعيونها بعد كانت ميار تطالع بعيون سلطان الي اخذت قلبها كانت عيونه وسيعه رموشه كبار وكان لونه بني غامق وسلطان منبهر من طلة ميار ويطالع بعيونها الي نفس عيونه بس لونها بني فاتح
استوعب وبعد :اسف
ميار:لا عادي
راح سلطان وهو ينتظرها برا وميار وهي تتنفس بسرعه
وسلطان يتذكر ملامحها الهاديه ويبتسم
رتبت المجلس وطلعت وراحت عند البنات
————————
قسم الرجال
محمد كان واقف ويفكر بمستقبله مع ملاك ويفكر هل ملاك بتتقبله او لا هل بيتقبلها هو او لا قعد يسأل نفسه اسئله كثير قاطعه عبدالله الي جا وحط يده على كتف محمد
عبدالله:هلا بمعرسنا
ضحك محمد:اي معرس يا رجال مطول انا
عبدالله:مو انت بكتب كتابي قعدت تضحك وتقول مين باقي يتزوج هيا شوف الله بلاك وبتودع العزوبيه
محمد:لا انا مطول عروستي ثانوي ويمكن زواجنا بعد الثانوي
عبدالله:الله يوفقكم
محمد:الله يستر من عمي سعود خايف يقدم الزواج مدري ليه مستعجل
جاهم نواف:يا عيال جيعان
محمد:حتى انا جيعان يا عضيدي
نواف:يا عيال شفت عوض يدخل اكب يا عيال ريحته تجنننننن
محمد:تمزح؟
نواف:وربي
محمد:يا رب ناكله ويطلع لذيذ
عبدالله يطالع فيهم:الله يبلشكم الناس صايمه وانتم تفكرون بالاكل
محمد:اذا مافكرنا بالاكل نفكر بمين محد عندنا صح يا ولد العم
نواف:صحين يا ولد العم
جاهم سلطان وهو مشوش
محمد:عضيدي الثاني جا
سلطان كان يهوجس بميار محمد:سلطان شفت الاكل الي دخله عوض بيتكم
سلطان بهمس :شفت منظر احلى من منظر الاكل والله
محمد:وش قلت
سلطان:لا ولا شيء قلت انه ايه دخل شكله حلو
نواف مسك على بطنه:انكتمو خلاص لا اجوع زياده
——————-
قسم الحريم
دخلو البنات الفطور الغرفه
دخلوه البنات والكل قعد كانو عائلة آل سعود وعائله آل محمد الي هم ام ظافر وعيالها
افطرو البنات وراحو يصلون ودخلو ينظفون المواعين خلصو وقعدو يتقهون حلا وقهوه وسوالف بنات
دخلت عليهم منيره:بنات يلا عمي عبدالله برا
ملاك :يلا
قامو البنات يلبسون عباياتهم
وودعو البنات وراحو
كانو البنات مايتغطون كلنو طالعين والطرحه على اكتافهم كانت ملاك تمشي وهي تهوجس بملكتها من شخص ماتبيه وانها ماتبي تتزوج وهي تمشي جا من وراها محمد ورما الطرحه على راسها ملاك لفت :عمى بسم الله لا جبت طاريك جيت براسي
محمد غمز لها:يا حليلك تفكرين فيني
ملاك :انا افكر فيك تخسي
محمد:اي واضح اسمعي لا تزوجنا ماتطلعين كذا تتحجبين
ملاك ضحكت:لا انت شكلك ابوي مو خطيبي عمى شدخلك
محمد:هاذاك انتي قلتيها خطيبك وبعد كم ايام بتصيرين حلالي يعني كيفي
ملاك تطالع فيه من فوق لتحت وراحت
مشو البيت ولقو سيارات عند بيتهم تقدمو البنات مستغربين
ميار:وش ذي السيارات
ملاك:والله بنات فخمه تجننن
ملاذ:اي والله
تقدمو وطلعو منها سبع بنات وعايلتهم
تعالو نعرف فيهم
عائله آل زيدان
الجد:ناصر عمره74
الجده:مزنه:عمرها73
عيالهم ماعندهم
عندهم بنات
نور:عمرها 44عيالها
عقاب:عمره27محامي
عساف:عمره22يدرس جامعه
بشرى:عمرها20 اول سنه جامعه
بشاير:طالعه ثالث ثانوي عمرها18
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
