قامت ملاك الساعه ١الظهر وراحت تتروش وتتذكر أمس وتبكي وكلام ابوها لسا ناشب برأسها خلصت شاور وراحت تصلي الظهر وتدعي ربها أن ابوها يلين قلبه عليها ونامت على السجاده صحت الساعه ٣صحتها امها
ام عبدالرحمن وجهها شاحب من الي صار مع بنتها أمس قومتها:ملوكتي قومي ساعدينا بالفطور يا عيوني
ملاك :ماما وحظنتها
ام عبدالرحمن بكت :يا بنتي سامحيني رحت وخليتك لحالك
ملاك :ماما لا تلومين نفسك ماصار شيء عادي
ام عبدالرحمن:بقعد عندك اليوم
ملاك ضحكت :ماما بروح اليوم المسجد معكم
ام عبدالرحمن :صدق
ملاك :ايه
ام عبدالرحمن ابتسمت أن بنتها مو خايفه من بعد أمس
قامت ملاك غلست وجهها وصلت العصر ونزلت المطبخ دخلت :السلام عليكم
البنان قامو:عليكم السلام
تقدمت ايلاف:كيف صرتي يا عيوني
ملاك :الحمدلله بخير احس براحه كبيره
ليلى :ايه تحسين براحه لأن في رجال قرب منك
لفت عليها ملاك :نعم
ليلى :الي سمعتي
ملاك :والله حبيبتي لا تنسين انك انتي الي وصيتيه علي يعني انتي راعية العيال مو انا
ليلى قامت معصبه :شقصدك بعدين تستاهلين ماجاك
مسكتها ملاك من بلوزتهغ وطلعتها من المطبخ :
اقول ذلفي بس ذلفي اهم وجهك مو سنه انتي وجهك رفله يا الرفله
ليلى: احسن لاني تعبت
ملاك :اللهم اني صايمه بس
طلعت ليلى وكملو البنات شغل
ملاذ تقدمت عند ملاك وبهمس :ملوكتي
ملاك :عيونها
ملاذ :لسا متضايقه من أمس
ملاك ابتسمت :ماعطيته اهميه ودام ابوي شاف اني طاهره ارتحت وماعطيته اهميه اهم شيء أنه ما لمسني
ملاذ :ملاك اسفه خليتك أمس
ملاك :بنت عادي قدر ومكتوب
إيلام جت عندها :اليوم بنقعد عندك
ملاك :لا اصلا بروح معكم المسجد
إيلام :الله وناسه بعدين في شيء ببالي تذكرتيه
ملاك ضحكت :ايه تذكرته وقربت بهمس سوني صح
إيلام :ايههه
ملاك :تم اليوم موعدنا
إيلام :تم
ايلاف :شموعده
ملاذ :شيء خاص بين بنت سعود وبنت عمر
ملاك :صح عليك
ضحكو البنات
نارين :ملاك غني
نجد :استغفرالله بعصر رمضان تغني مهبوله انتي
نارين :عادي مافي موسيقى تغني
ملاك :وش تبون
ميار :ميمي نبي سلطان
ملاذ :ايه نبيه
ملاك ضحكت : شعندكم مو انتم تحبونه
ميار :صرنا نحبه
ضحكو البنات وقالت ملاك :
لا بغني شيله توصفني الحين
ملاذ تم
بدت ملاك تغني وهي تشتغل
على الطريق الي نهايات بدايات انطلاق
ـ
يبداء الخيال يعيش جوه والقديم يجدده
ـ
خلوني اخذ راحتي وارتاح من ضيق الخناق
ـ
محتاج لي سجه قعيد الراحه المستبعده
ـ
ياخذني التفكير لابعد مرحله وابعد نطاق
ـ
واعيش في غربه عن الواقع ورحله مجهده
ـ
منها يمر البال في ضيقه وهم ما يطاق
ملاذ دمعت يوم درت أن ملاك تخطت الي صار أمس وابتسمت
ميار :ملوكتي
ملاك :عيونها
ميار :لازم يعطونك شهاده على ذا الصوت ماشاءالله
ايلان :وين بمدرسه حن
ضحكو البنات
جت البنات اشعارات دخلو لقى عوض مدخل العيال والبنات بقروب عشان يسولفون ملاك شافته وما اهتمت وحطته كتم ولا ارسلت شيء عكس البنات الي كلو وحده تكتب وش ذا القروب
ــــــــــــــــ
قسم الرجال
محمد يمشي بالمزرعه ويفكر بأمس وكيف ملاك استفزعت فيه
كان يهوجس فيها وجاه من ورا نواف :
عضيدي
محمد :هلا
نواف :وش تفكر فيه بأمس؟
محمد:ايه
نواف:خلاص انسى
محمد:كيف انسى يا نواف صوتها يوم استفزعت فيني لسا بذاكرتي وكيف قالت أنا في وجهك يا محمد
نواف:اخخخ وربي تكسر الخاطر
مشو وكانو يسولفون وجاهم محمود:شلونكم
العيال بخير ومشو وجوهم مراد ومتعب
نواف:محمد عطنا بيت شعر من عندك
محمد :ابشر على خشمي
تذكر ملاك وكيف قالت إنها ماتحبه
والله إن حبك مع الوقت ماينقص
ـ
يزيد في غيابك لك محبه ولك شوق وونين في
ـ
حضورك شف عيوني كلامي مايفيد
ـ
ودعتك وانا خاطري فيك
ـ
محمود :الله عليك يا ولد ابوي
محمد :تسلم
مراد :مين مضيق صدري
محمد ضحك :خلها سر يا رجال
ضحكو العيال وجا وليد :
يالله يا عيال شوي ويأذن امشو معي
ــــــــــــــــــــــ
نروح عند عبدالملك
كان يمشي في البيت يدور ملاك يبي يتطمن عنها
طلعت بوجهه ملاذ :
ميار اسمعي طلعي الفيمتو عشان ابوي مايحب البرتقال
طالعت لقته عبدالملك :بسم الله الرحمن الرحيم
عبدالملك ابتسم بصوته المتعوب :وين ملاك
ملاذ تطالع فيه بوجهه التعبان :شفيك ؟
عبدالملك :يهمك
ملاذ :ايههه يهمني شفيك بسرعه
عبدالملك :وإذا ماعلمتك وش بتسوين
ملاذ :وقتها بتعب
عبدالملك :بسم الله عليك تتعبين عشاني
ملاذ:لا طبعا ملاك بذيك الغرفه روح عندها راحت بتروح وحشرها عبدالملك بالزاويه :
وين هاجه
ملاذ:بعد عني لحد يشوفك
عبدالملك :وإذا شافوني عادي حرمتي
ملاذ:لا يا شيخ ابعد بس
راحت ملاذ وعبدالملك راح عند ملاك دخخل عليها وهي بالمطبخ حظنها من ورا :
هلا بآنسة قلبي
ضحكت ملاك :هلا بأخوي
عبدالملك :اشتقت لك
ملاك :حتى انا
عبدالملك :ملاك ماعليك من كلام ابوي لا تزعلين
ابتسمت ملاك :اصلا عادي نسيت الي صار أمس
عبدالملك ؛قولي والله نسيتي
ملاك:وربي
جلس عبدالملك عندها يسولف لها
اذن المغرب وكل واحد أفطر
الجده كانت تفطر وتطالع بملاك:
شلونتس يا بنيتي اليوم
ملاك :الحمدلله يا قلبي
جت ارجوان عند ملاك وبهمس :ملاك ابيك تساعديني
ملاك بنفس الهمس :وش بغيتي
ارجوان :وليد يبغاني اطلع معه اتمشى وأبيك تظبطيني
ملاك ابتسمت:ابشري يا عيوني اذا خلصنا من صلاة التراويح اخليك تطلعين مززززهه اخلي وليد يطيح من جمالك
ارجوان:كفو
افطرو
ـــــــــــــــــ
قسم الرجال
كانو يفطرون وقام سعود :
انا غلطت بحق بنتي أمس وابي تسامحني
الجد :الله يرضى عليك يا وليدي
سعود :انا بزوج بنتي لمحمد
محمد غص والكل قام من مكانها
عبدالملك :والله يا يبه محمد والنعم فيه لكن ناخذ شور اختي
سعود : ملاك لمحمد ومحمد لملاك
محمد:بس يا عم....قاطعه سعود:انا قلت كلمتي وتتنفذ راح من عندهم بيصلي بالمسجد والكل كملو يفطرون الا محمد حس بشعور غريب
نواف همس بأذنه:اقعد يا البطل جاتك حبيبتك الين عندك
محمد:بس انا ماصرت احبها
نواف:كيف
محمد:ايه انا نسيتها من بعد ذاك اليوم
نواف:خلاص مافي مجال للرفض عمي سعود اذا قال كلمه تتنفذ
محمد:الله يعين
عبدالله :الله يهدي قلب سعود اخوي
عبدالمجيد :اول مره أتفق مع ابو عبدالرحمن بشيء
عبدالملك لف عليه :شقصدك
عبدالمجيد :اقصد أن ملاك محد يستحقها الا ولد عمنا محمد
عبدالملك :وإذا رفضت ملاك
عبدالرحمن:مافي مجال ابوي بيقولها شيء وملاك ماتحب تكسر كلمته
عبدالمجيد:الله يستر عليها
خلصو وراحو يصلون المغرب
ـــــــــــــــــــــ
خلصت ملاك من صلاتها وجتها ايلام
ملاك ملاك ملاك
ميار:اخبار السودان جت
ضحكو البنات
إيلام :عمي سعود يبيك في المجلس عند جدتي
البنات قامو وملاك قالت :طيب الحين انزل
اخذت سجادتها وحطتها بالدرج وراحت عند ابوها دخلت وسلمت
ردو عليها السلام قعدت عند ابوها :
آمرني
سعود :بنيتي يا ملاك سامحيني اني فهمتك غلط تمس وكل الكلام الي قلته أمس طلع ساعة غضب
ملاك :بس كلام الإنسان صادق إذا كان معصب
سعود :لا انتي مو كذا وانتي افضل النعم الي نزلت علي
كان سعود يقولها كلام كثير ويعتذر
بكت ملاك وباست رأسه :يبه انا مو زعلانه منك
الجده :الله يرضى عليتس يا بنيتي
سعود :يا بنيتي ابي اقولك شيء واتمنى ماترديني
ملاك :سم يا ابوي
سعود :ترا خطبتك لمحمد ووافقت واعرف أنه أفضل الرجال
ملاك انصدمت :بس يا يبه انا .....قاطعها أبوها:تكفين يا بنيتي لا ترديني وتزوجي محمد اذا مو عشان نفسك عشاني
ملاك ماحبت ترد ابوها و
وقالت :موافقه يا ابوي عشانك بس
فرح سعود والجده تزغرططط
ملاك كان فيها غصه لأن ماتبي تتزوج الحين لسا صغيره وثاني شيء ماتحب محمد
طلعت غرفتها وراحت تبكي :
ما ابيه يبه مابيه قعدت تبكي بعدين مسحت دموعها :
يمكن يكون خيره لي راحت تتوضأ ولبست عبايتها ونزلت بيروحون لصلاة التراويح راحو صلو وسجدت ملاك وبكت وطلعت كل الي كانت كاتمته من ليلة أمس ودعت ربها بالهدايه وان الله يفرج همها قعدت ساجده وتدعي ربها أن ابوها يبطل يزوجها محمد خلصو صلاه وكان رتح يرجعون بيتهم كانو يمشون وكانت ملاك وملاذ
ملاك:ملاذ
ملاذ :عيوني
ملاك :ابوي يبي يزوجني
ملاذ:ايششش
ملاك :ايوه ويبيني اتزوج محمد ووافقت
ملاذ:يا مجنونه ليه توافقين
ملاك :عشان ما اكسر كلمة ابوي
ملاذ:تدرين انك بتتزوجين زواج اجباري وانتي قلتي لي انك ماتحبينه
ملاك :شسوي بوافق عشان ابوي
ملاذ :الله يلين قلب عمي سعود عليك
ملاك :آمين
مشو ووصلو البيت ودخلو كلهم الا ملاك جا عندها محمد :
ليش وافقتي عليي؟
ملاك :عشان ابوي
محمد :واو يعني بتتزوجين زواج اجباري ؟
ملاك :ايه انا مو متقبلتك
محمد :ولا انا بس وافقت عشان ما اكسر كلمة عمي
ملاك :حلو خلاص نتزوج سنه سنتين ونتطلق
محمد:الأمور كذا سهله عندك يرضيك تتطلقين بعمر صغير
ملاك :ماهمني راحت بتورح بس مسكها محمد :
ترا انا يوم اعترفت لك ورفضتيني صرت اعتبرك زي اختي وماصرت احبك وبتزوجك وبعتبرك اختي ولا تتوقعين شيء ثاني
ملاك :يعجبني ذا الكلام خلاص اتفقنا نصير متزوجين بس بالاسم
دخلت ملاك البيت
وراح محمد المجلس وهو يسأل نفسه ليش انا سويت كذا ليش انا قلت كذا
دخلت ملاك وجت عندها ميار تحظنها :مبروككك يا عيوني مبروكككك
ملاك :على ايش ؟
ميار :خطوبتك من محمد
ملاك ضحكت :هدي ترا ماصار شيء لحد الان
ميار :ايه بس فرحانه انك بتتزوجين اخوي واصلا انا شبكتكم مع بعض من زمان
ضحكت ملاك وهمست بأذنها :عقبالك انتي وسلطان وراحت وميار تناديها:يا حيوانه ما احبه ضحكت ملاك وراحت عند ارجوان
ملاك :أرجواني
ارجوان :ارحبي بعروستنا
ملاك :حتى انتي دريتي
ارجوان :اكيد علمتني اخبار السودان
ملاك :اكيد إيلام
ارجوان :صح
ملاك :لسا ماحددو شيء خفو علي
ارجوان :يلا تعالي وش البس اي عبايه
ملاك :اممممممم البسي العبايه الي جاتك هديه من وليد البسي اسود مطرز اعرف وليد مايحب العبايات الملونه
ارجوان :كيف عرفتي
ملاك :اخوي اكيد بعرفه
ارجوان :الله يديمكم لي
ملاك :ويديمك لنا يا عيوني
تقدمت ملاك تجهز ارجوان وخلصت
ملاك طالعت بأرجوان:اخخخخخ تهبلين يا حيوانه
ارجوان :يعني حلو
ملاك :خلاص وليد طايح على خشمه اكيد
ارجوان :بسم الله عليه
ملاك :ودلبس الخوافه على زوجها
ارجوان :بس خلاص
راحت ارجوان مع وليد
وليد :افف هاذي زوجتي
ارجوان ضحكت:ايه
وليد :ما اصدق
ارجوان :صدق طيب
أخذ يدها وباسها:
اجمل بنات حواء حرمتي ابتسمت ارجوان وراحو يتمشون ويقضون يوم حلو دخلت ملاك مرهقه من التباريك الي جتها من كل مكان دخلت الغرفه وطفت الانوار انسدحت ونامت الين الساعه 1الليل وتصحى
ـــــــــــــــــــ
قسم الرجال
كانو قاعدين العيال كلهم ماعدا وليد
كانو قاعدين حول النار وكل واحد بفروته
عبدالملك :يا عيال طفش
محمد :اي والله
عبدالمجيد :افا لحد يزعل زوج اختي
ضحكو العيال ومحمد ابتسم
محمد:يا عيال بغني
نواف:افف طلع زوجي شاعر ومغني بعد
عبدالملك :خلاص من اليوم والرايح ماهو بزوجك زوج اختي
نواف:الحقيقه المؤلمه
ضحكو العيال
عوض:يلا محمد ابهرنا
محمد رجع للماضي يوم ملاك استفزعت فيه :
فتحت قلبي لها صادق بكل امتنان
ـ
قلت اقلطي يا بعدهم كلهم وارحبي
ـ
قالت ابي منك امان وقلت كلي امان
ـ
انتي فامان الله وفي وجهي وفي شنبي
ـ
عشنا سوى ثم راحت كن ماشي كان
ـ
شابت عيوني وراسي شاب وانا صبي
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
