🦋 إسكريبتات شروق حسام 🦋

الجزء الرابع 🦋

بقلم شروق حسام 🦋

بعد أسبوع

كان بيتكلم وهو بيحسس علي صورتها الكبيرة اللي بعرض الحيطة

_" أنتِ ليا أنا وبس عمري ما أسمح لحد انه يأخدك مني أنا بحبك مش بعد كل اللي عملته "

كمل بحزن " عارف إنِ كنت هغلط غلط كبير بس أنا إتصرفت وكله هيبقي تمام "

كمل بهوس " كله شهر وأقل وهبقي معاكِ ومش هسيبك ولما هتشوفي عشقي ليكِ هتعشقيني فسامحيني علي اللي هعمله مهما كان لازم أبعده عنك هبعد كل البشر عنك أنتِ زي الجنية مينفعش أي حد يشوفها غيري ومينفعش حد يقرب منك أو يلمسك غيري أنا وبس "

_" أنا بعشقك يا عشق القلب والروح "

بص للصورة لآخر مرة وإبتسم وخرج برا الأوضة خالص وهو بيفكر في طريقة يبعده فيها عن حبيبته أو يبعد هو عنها وينتزع حبها من قلبه بس ده مستحيل بالنسبة له

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد ساعة

دخل ريان من باب الفيلا وفيه في إيديه واحدة أقل ما يقال عنها عارضة أزياء أو ملكة جمال بشعرها الأسود الطويل

عائشة كانت بتقرأ كتاب ولما شافته وهو داخل مهتمتش

بصت لهم بطرف عينيها وهي كانت عايزة تولع فيه وفيها بالأخص هو

_" تعالي يا حبيبتي أدخلي يلا عشان نطلع علي أوضتنا عشان ناخد راحتنا كده كده مفيش حد موجود هنا غير الخدم ومنهم عائشة لو عايزة أي حاجة نادي عليها "

عائشة سمعت كده إتجننت وكانت هتتكلم بس إفتكرت إنها المفروض خارسة ومش بتتكلم

ريان طلع وفي إيده البنت وعائشة إبتسمت بغضب وراحت ناحية الجراچ جابت منه جردل بنزين وبعدين طلعت في الدور اللي فوق وسمعت صوت ضحك عالي فرمت الجردل كله قدام الأوضة فالبنزين إتسرب للأوضة من جوا بعدين بعدت شوية ومسكت علبة الكبريت وولعت واحدة ورمتها علي الأرض فالنار إشتعلت بقوة

بصت للأوضة بغضب وهي بتتوعد له بحاجات كتير علي الحركة اللي هو عملها دي سواء بقصد أو من غير

ثواني وسمعت صوت صرخات فإبتسمت بتشفي ونزلت علي تحت وقعدت مكانها وفضلت تدندن بأغاني كتير

بعد أكتر من 30 دقيقة

كان نزل بعد ما طفي الحريف بالعافية وهو علي وشه علامات سوداء وفيه خصلات من شعره محروقة وأجزاء من هدومه كمان محروقة

_" عائشة عاااااائشة "

قرب منها وحط إيده علي كتفها فإبتسمت وبصت له وهي شمتانه فيه رغم إنها بتموت فيه بس لحد هنا و stop  جايب بنات في بيتهم لا وألف لا

حركت إيديها بمعني " نعم عايز حاجة "

ريان كان هيتكلم ويشخط فيها ويسألها بس رجع في كلامه وسابها وراح علي أوضة من أوض الضيوف عشان يغير فيها هدومه

عائشة بهمس " ولسه اللي جاي تقيل صبرك عليا يا عشقي "

في الفترة كان المجهول وقف الرسايل اللي كان بيبعتها لريان ودي حاجة خلت ريان يستغرب ويقلق في نفس الوقت

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بليل

كان واقف في البلكونة وبيتكلم بحدة وعصبية

_" إياكِ ترجعي فاهمة إياكِ كل حاجة خططتلها هتبوظ لو رجعتي "

_" أنا قرفت يا ريان أنا عايزة أرجع دي بلدي ومش عايزة أبعد عنها كل ده "

_" من غير كلام كتير اللي أقوله يتسمع أنا اللي بقول اللي لازم ومش لازم يحصل مش أنتِ كله بحسابه وأنا عملت لك اللي أنتِ عايزاه وزيادة "

إتنهد بتعب " هي فترة وكل حاجة هتنتهي وساعتها أبقي أعملي اللي أنتِ عايزاه "

إتنهدت بتعب وهي عارفة إن كل كلمة قالها معاه حق فيها

عائشة كانت سامعة صوته العالي بس مكنتش عارفة هو بيتكلم عن إيه الحاجة الوحيدة اللي لفتت إنتبهها إنه بيكلم واحدة ودي حاجة لوحدها كفيلة تحرق دمها مش كفاية أنثي الأخطبوط بتاعة الصبح

#هوس_حد_الجنون
#شروق_حسام