الجزء الرابع عشر

2.9K 375 171
                                    

#طريق_يؤدي_اليك

بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
.
الكتمان مؤذي  والبوح يحتاج إلى قلب يستمع
لا أحد يفهم معنى أن تقابل الصدمات بصمت تام
.
.
.
.
.
بثينة
__________________

مشاعر من ماضي قديم
عاشت بي ويانة شخصية
حنونة ودافية
تركت برحيلهة أثر عميق

بالباب
ماد ايدة لخد توتة
وعيني منة وهو يشاقيهة

-ولج بت خالي شو انت مو معزبة گليلي تفضل

-لا لازم اصيح امي بالأول متقبل ندخل غرباء

-والنعم منننج ومنهة

فتحت الباب بشكل كامل
وأبتسمت

-توتة ماما انت مو تعرفين عمة فاتن

-ايييي

-هو مو گلج هو أبنهة گليلة تفضل

باوعلي بخجل

-شلونج خالة عذريني أجيت بدون سابق انذار

-بيتك خالة هلا بيك تفضل لتبقى بالباب

دخل للبيت گعدنة بالهول وهو خجلان

-جايج بطلب خالة ولو عيب أول مرة نلتقي
وأطلب منج

-عيوني الك گول

-صورة لأمي

گالهة ولمعت عينة وصوتة تكسر

گمت جبت الصور وكل الألبومات مال محيي واهلة
اللي بقت وية الأثاث اللي اشتريتة
تركتهم هو وتوتة ورحت اسوي الضيافة

متقابلين بالهول هو وتوتة فارشين
الگاع بالصور
وهي تطلع صور وتشوفة

-شووووف عمو هاية عمة فاتن بگدي مو

رفع راسة مبتسم

-اي وهوااااية تشبهيهة

رجع يگلب بالصور
قدمتلة الجاي والكليجة شرب وأكل شي بسيط
وسكت
منزل راسة مانطق أي حرف بعد ساعة
عدل كل شي
رتب الصور بالألبومات
وسدهن وخلاهن على جهة  بعد ما طلع كم صورة
على جهة

-خالة راح اخذ هالكم صورة وياية

-گدامك اخذ اي صورة تعجبك

صفن وهو منزل راسة شوية

-شلووون ماعرفتهة من أجت تشوفني
شلون ماأتذكرهة
شلون تحملت القهر والحزن وهي تشوفنة نصيح
لأمي وداد ماما
شنو من أحساس حستة وهي تسمعني وتشوفني
اگلهة خالة

-منو گلك على هالموقف

-ابوية حجالي خالي محيي حاجيلة بالفاتحة
من مختلفين بالرأي يگلة انت وجهالك سبب بحرگة
گلبهة وحاجيلة الموقف بالكامل
بس ابدددد حتى بعد مشفتهة حسيتهة شخص
عابر وانمحت صورتهة من عيني
كأن النسيان كتب عليهة من قبل أحبابهة

طريق يؤدي اليك حيث تعيش القصص. اكتشف الآن