السلام عليكم غزيلاتي 🦌
وياگم الكاتبة فاطـمة الشمريروايـة تجبر الرماد " الجزء الثاني" 🔥
صلو على محمد وال محمد قبل لا نبدي بالبارت
وحضرو النمنميات حتى تستمتعون ✨واترككم مع الروايـة
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، في العالمين إنك حميد مجيد 🤍
ـــــــــــــــــــــــــــــــــــــــــــــــــــــــــــــــــ
" زهرة "
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه ببير يوسف وياهو الي يطلعه
صبح خشبه الكَلب يتونس عالنار
حرك هندام روحي وياهو الي يصلحهعـشت الخوف الضياع الوحدة بشوارع ما بيوم مريتها ذيچ اليله جانت رعب
صفيت لا فلوس لا موبايل ولا عنوان ولا اكدر ارجعهواي تدخلو يردون يعرفون وين بيتي هواي حالو يعرفون منو ابو التكسي عالم زينة بس محد كدر
كمت اسمع حچي مو زين " مسوية مصيبة وشاردة " شاردة من اهلها ويا حبيبها " حچي هواي اثر بية وخلاني متدمرة افكر شوصلني لهل حاله والمكان ؟
مـر ثلاثة أيام بنفس المكان جان اكو حجي جبير بالعـمر ما جنت ارتاح لاي صنف من الزلم جان يبيع لبلبي وفلافل يجي ينطيني ما اخذ منه اخاف انرعب يعوفها يمي ويروح من الجوع اضطر اكل
اغفى على الشارع كل شوية افز ادعي يرجع ابو التكسي وينطيني فلوسي هيج جنت فطيرة عبالي صدك يرجع
ما شبعانة نوم تعبانة والوجع بجسمي ما يتحمل احس بوجع بايدي وبفخذي وبضهري قوي لدرجة ما اكدر اضل كاعدة اضطر اتمدد واني استحي من العالم
كل ما اغمض عيني اريد انام ينعاد كلشي سوو بيه وارجع افز اتلفت خايفة اشوف وجوهم بكل رجال اباوعله مدنكة وجهي اغمض عيني بتعب وجع جسمي وخاصا ضهري انقسم احس البرد يضرب بعضامي
ـ عمو شنو سالفتچ انت ؟ شعندچ هنا
رفعت راسي بسرعة خايفة شـفت نفس الرجال الي كاعدة كبال محله رجال جبير وضخم كال بنفاذ صبر ـ
ـ عمو لخاطر الله شني ماكو غير محلي مكابلتني وكاعدة ندرري احنا شمسوية من عمله العالم تجي تحجي اشكال والوان
ـ عـ عمو بـ بس فلـوسي ....
قطع كلماتي الخايفة والمتوترة بنترة ـ
ـ يااا فلوووس عموو هل سوالف هيا هيا نفسها ما تغيرونها الله اعلم شمسويه وشتبيعين وجاية هنا تبليين عالم
