الفصل الثاني والأربعون
قبل القرائة سوو تصويت ومتابعة للحساب كلبي حتى تشجعوني وانطوني رأيكم 🤭❤️
*********************************
بقلمي : زينب أنمار ✨
الانسان كائن هش رغم كل قوته الي يظهرها ورغم صلابته التي يبنيها لكن في النهاية هو من لحم ودم ويسهل كسره بأقل الامور
من طبينا للغرفة جانت لازمه راسها وتبجي وعيونها شاخصة بمكان معين ركضت لزمتها وصرت اهز بيها : ترانيم شبيج شصار
ماجاوبت عليه ونظراتها نفس الشي رفعت راسي اتسأل من لمار الي واكف وصافن عليها مثلي رجعت اهز بيها : ترانيم لا تخوفيني هسه ادك على شفع اخلي يجي
هزت راسها برفض ورفعت راسي تباوعلي صراحة خفت من نظرتها وحسيت جاي تشوفني
لمار : سمعتي شي لو حلمانة
ترانيم : حلمانة لا تخاف هسه أصير زينة
ترددت للحظة بس خليت ايدي كدام وجهها احركة بس جر لمار ايدي وصار يخزرني
ترانيم : اسفة خوفتكم
لمار : ماصار شي تريدين اوديج للمستشفى يوجعج شي
ترانيم : لا مابيه شي
رجعت تمددت غطيتها وطلعت ورا لمار الي اشرلي
اول ماسديت البال جرني من ايدي وكال بصوت ناصي حتى لا تسمعنا طيرة : شنو جان هذا التصرف الي سويتي
: والله خفت حسيتها صدك تشوف من باوعت لوجهي
لمار : شنو هذا الحجي درة اذا سويتي هاي الحركة كدام احد شيكلولج ليش ماتعرفين تتصرفين
: تره ماسويت شي
لمار : اذا شفع شافج تهزين ايدج كدام عيونها شيسوي بيج؟
نزلت راسي وغمضت عيوني : اسفة
لمار : مااريد تسوين هاي الحركة مرة ثانية تمام
هزيت راسي بايجاب رجع كال : هسه نجي على سالفة همام
رفعت عيوني راسا من ذكر اسمه وهو مثل الي انزعج من ردة فعلي وكمل حجيه : درة مااريد اي تواصل تتواصلين ويا وحتى كلام ماتحجي مفهوم
: مفهوم
لمار : اني مجاي افرض عليج شي بس هذا الإنسان ماتحجين ويا اي شي ولا تجين يمه
: لا والله مثل ماتكولون وحتى لو ماكتلي هم مااجي يمه لان الي خان ابويه مره يخونه مره ثانية مثل هيجي انسان ماينفعنا وبعدين اني هسه متزوجة ليش احجي ويا واحد غريب وزوجي موجود
أبتسم وبعثر شعري : عندج لسان متكلم مدامتي
رجعتله الابتسامة : الي يعيش ويا الهجرس يتعلم ماستر
أنت تقرأ
ذراري الهجرس
ChickLitعرفنا بمكرنا وحيلنا قيل عنا الغدر والخذلان لكن ما الهجراس التي ولدت فينا الا نتيجة وقع الزمان علينا وازهاق البشر لاروحنا في ازقة المعتقدات والظلامات ابنتي كوني قويه كوني هجرسية فخوف الناس منكي افضل من استعبادهم لك
