🦋 إسكريبتات شروق حسام 🦋

الجزء الثالث 🦋

بقلم شروق حسام 🦋

كانت واقفة في المطبخ وبتتطبخ ومركزة جدًا في اللي بتعمله

قرب منها ومسكها من إيديها ودخلها علي أقرب أوضة

بصت له بإستغراب من اللي بيعمله ومرة واحدة لقته بيحط إيده علي رقبتها وبعدين نزل كتف التيشيرت اللي لابساه شوية وإتصدم لما شاف الوحمة اللي كانت ممتدة من آخر رقبتها لحد كتفها

ضربته علي إيده ورفعت التيشيرت وشاورت له بإيديها بمعني

_" أنت إتجننت في عقلك ولا إيه "

ريان إنفجر فيها بغضب " أنتِ كنتِ فين ها إنطقي كنتِ في البيت هنا من الصبح مش كده أنتِ أنتِ اااااااه أنا هتجنن مش كنتِ نايمة بتعملي إيه في المطبخ "

_" مش فاهمة حاجة إتكلم ببطئ شوية "

_" لا وأعمل اللي أنا عايزه أنتِ مجرد خدامة متجوزها مش أكتر فكلامي يتنفذ من غير نقاش كتير "

خلص كلامه وخرج وسابها تحت إستغرابها منه ومن كمية الكلام الغير مفهوم اللي قاله

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدي شهر

والحرب بقت مشتعلة بين ريان وعائشة وبين ريان والمجهول اللي بيهدده وبيبعت له كل مرة صورة لجزء من جسم عائشة وبقي هيتجنن إزاي بيبعت الصور دي وهي أصلًا 24 ساعة في البيت ومبتخرجش غير معاه لدرجة انه هحط كاميرات مراقبة في الشقة عشان يتأكد وطلع مفيش حاجة

_" إيه يا ريان مش عايز تصدق لحد دلوقتي الكلام اللي بقوله أقتلهالك عشان تصدق "

ريان ببرود شديد " أقتلها عايز أشوف جثتها النهاردة قبل بكرا قدامي "

رد بصدمة " أنت بتقول إيه مش دي مراتك بردوه "

_" اه بس مش أنا اللي أتهدد أنا بهدد بس "

_" امممم فعلًا أنت من نوعية الرجالة الخسيسة هههه وللصدفة أنا من نفس النوعية "

_" خلال دقيقتين هيكون مبعوت لك فيديو حلو لمراتك وهي لابسة هههه هسيبك تتخيل أنت "

قفل وريان بص للموبايل بصدمة مستحيل حاجة زي كده تحصل دي مهما كان مراته وعلي اسمه

وفعلًا بعد دقيقتين بالتمام كان مبعوتله فيديو لعائشة وهي لابسة لبس قصير إتصدم من اللي شافه وعرف إن كل اللي بيقوله حقيقي بس مش معقولة تكون دي عائشة أكيد واحدة شابهها أو أختها التؤام بس هي معندهاش أخوات تؤام مسك شعره وشده بقسوة وبقي علي حافة الجنون

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" بطلي جنون وهوس بقي حرام عليكِ نفسك هو مش بيحبك ولا بيفكر فيكِ فوقي دلوقتي عشان متندميش في الآخر "

_" يوسف أنت اه أخويا وكل حاجة بس متدخلش بيني وبينه ده حب حياتي وما صدقت إننا قربنا كل ده من بعض حتي لو مش بيحبني أنا هخليه يعشقني "

يوسف برفعة حاجب " لا والله واللي أنتِ بتعمليه ده هيحببه فيكِ ده ممكن يقتلك فيها فأخرسي ونقطينا بسكاتك "

_" مش هرد علي آخر جملة بس كل اللي هقولهولك سيبك أنا عارفاه كويس رغم كل صفاته بس مش بيصدق حاجة من غير دليل "

يوسف بخوف وقلق " الله يستر أنا مش مطمن خالص للمصيبة اللي بتعمليها "

_" متقلقش كله تحت السيطرة حتي هو هيبقي تحت سيطرة حبي الكبير ليه "

يوسف بص لها وحاول يطمن نفسه بس مش قادر اللي بتعمله هيوديها للهلاك مش هي بس هي وهو معاها

#هوس_حد_الجنون
#شروق_حسام