ياوليف الرُوح ياحلو الوصايف

-الــنهـايـه -

بلق عيونه من جراءتها وبجاحتها رغم انها عارفه انه متزوج ونطق
تخسين لأبعد بنت عبدالله احد ولاقبلها، احد انتي سكرانه ولا مجنونه ؟
نفت بوجها لا سكرانه ولامجنونه أنا احبك وأبيك لي والكلبه ذيك خذتك
عقد حاوجبه يصرخ :انتبهي لـ كلامك تعرفين اني متزوج اللي احبها
صرخت :ليه هي ليه بذات اخترتها من بين البنات كلهم ؟
زفر بهدواء يأخذ نفس : ليلى تتذكرين وقت قلتي اني احبك ونتي صغيره وقتها وش قلت لك أنا ؟
ليلى :قلت انك ماتحب البنات ومستحيل تتزوج بس انك تزوجت !
اغمض عيونه وقال  : راعيت العيون الخضراء هي اللي غيرتني الهنوف هي مصدر سعادتي هي الاولى ولاحد غيرها هي بنتي ونا أبوها هي زوجتي ونا حبيبها لأقبلها احد ولابعدها احد افهمي اني متزوج
الحين أخذي سيارتك وروحي عن القصر عضت شفتها بقهررر
وحقد تنطق :ها القصر الكبير لها انت حقير وتافه قاطعها
حقير وتافهه لأني ماحبيتك؟ القلب اللي يختار ماهي النفس
وقلبي اختارها وحبها من بين البنات بـ ها العالم خذي سيارتك
وضفي وجهك عن قـصرها يكفي برساله اللي حذفتيها لاجل
ماتشوفها خاب مبتغاك وجتني باريس وتزوجتهاا اذلفي عن وجهي
قبضت كفوفها: بحرمك إياها يارعد بفرقكم عن بعض
ضحك رعد بسّخريه: حاولي بس تعرفين وقتها وش بيصير ،
ركبت سيارتها تصيح وتشغلها تروح عن القصر شدت شعرها
تبكي تضرب الدركسون وقفت عند البيت تصيح منهاره قهر
طلعت شقصى بروعه وش بلاك يابنت ناضرتها ليلى تضحك بجنون
ودموع ارمشت أمها وش بلاك تضحكين مثل المجنونه بنت !
شدت ليلى شعرها تصيح وتصيح رعد رفضني وطردني يايم
رفعت أمها يدها تضربها كف : كيف رحتي له بآخر اليل !!
شهقت ليلى : مايخصك توقف وين جسّار وينه هو اللي بينتقم منهم
هو طلع جسّار ليلى وش فيه!
ليلى :تكفى جسّار أذبح الهنوف اقتلها خلها تنمحي عن الوجود
اقهرها خلاه تبكي دم دم صرخ جسّار لاتبكين بكره موتهم كلهم
——
الـصباح قصر رعـد ~
ضحكت تركض لسرير بين ماهو نايم انحنت تقبل عينه
ابتسم من حس بـ ثغرها يلامس عينه يفتحها مدت تحليل الحمل قدام
وجهه فز يصيح يناضر بصدمه :هنوف ذا هزت راسها ايه رعد ايه
صرخ يشلها يـدور بهااا بصير أبو بصير أبو نزلها يحب جبينها
بيطير من الفرح والدنيا مش سايعته ضحكت تعتلي كفوفها معصمه
بتكون افضل آب واحنّ آب بـ ها الكون رعـد ضحك بسعاده
وسُرور احبك هنوف احبك نروح المستشفى نشوف حالك
ضحكت : شكلي توحمت على تراب المطر هههههه
رعد :أقول هرموناتك ملخبطه أثرك حامل يالله يارب مقدر أتحمل
امشي المستشفى لبست عبايتها تاخذ شنطتها يشيلها بين احضانه
صرخت تضحك هههههه ولد نزلني بمشي عادي
ابتسم يركبها السياره اخاف عليك حتى من نسمه الهواء وذا مشيتي
واجد بتتعبين يسكر الباب يركب يتجه المستشفى،،
العياده :
دخلت تمشي وهو محتضن كتفها بذراعه بخوف عليها ينطق
هنوف انتبهي في بطنك أميره التفت فيه تضحك الاهتمام اللي
الله لايحرمني منه طلعت الدكتوره تنادي الهنوف عبدالله ادخلي
دخلت الهنوف وبجنبها رعد اللي مركز انتبه عليها تجلس
الدكتوره :حامل ؟
الهنوف :ايوه بس ماعرف الشهر كم
ناضرت الدكتوره لرعد :انت زوجها ؟
رعـد:ايوه
ضحكت الدكتوره :شفيك متوتر بنسوي لها سونار ونشوف
صحت البيبي ونبضه لاتخاف تفضلي على السّرير
انسدحت الهنوف على السرير تكشف عن بطنها بتوتر
مسك رعد كف يدها لاتوترين رفعت الدكتوره السونار تمرره على بطنها
تناضر للاجهاز بلع رعد ريقه من قو التوتر ها يادكتوره !
الدكتوره :دقيقه ارتكزت انضارهم اثنينهم للاجهاز بعد ماتحمست
الدكتوره وصرخت مبروك تؤام ماشاللة تبارك الله
شهق رعد يرمش بعيونه ماهو مصدق د د دكتوره تؤام تؤام
الدكتوره :ايه تؤام تؤام وحد ولد وثاني بنت الله يبارك فيهم
فزت الهنوف تصرخ تحضنه بشده ضحك يستوعب يصرخ
يشد بحضن الهنوف يحب راسها وعينها وكفوفها: ياسكرت قلبي
بيجي علينا مزايين هزت راسها والفرح والسعاده والسرور بداخلها
خبر الحمل اللي خلا منهم طيور تحلق بـ السماء من الفرح
الدكتوره :ألف مبروك حالتهم كويسه عليك ماتجهدين نفسك
وتتعبين ارتاحي بس التفت هنوف لها بتساؤل:بس ماطلع لي بطن
حتى توني دريت إني حامل في الشهر كم أنا ؟
ضحكت الدكتوره :شي طبيعي مايصير لك بطن في بنات يجون بـ الخامس مايطلع لهم حتى الوحم مايعرفونه لاتخافين انتي توك
بشهر الرابع اعتدلت هنوف توقف يخرجون من العياده
تقوله بسُرور :رعد أبي أقول لا بابا متحمسه
اكثر وحد يتمنى يشل عيالي بين يديه هو واخير بفرحهه واقول
له بيصر لك حفيد مره مبسوطه رعد رفع كفوفه يحاوط وجهها
ياشراين رعد وعيونه الثنتين انتي تتخيلين شكثر أنا فرحان
ومبسوط لدرجه إني بطير وحلق بها السماء فرحك هو فرحي
هنوف وش تنتضرين روحي لـ بوك وبشريه لمحتهم جوري
تتقدم اخوي وزوجته يامرحبا عسى مابه خلاف ؟
ابتسمو يناضرون بعض التفت تقرى عياده الحمل
صرخت تغطي ثغرها بـ كف يدها بصدمه:لا لا مستحيل هههه
تكفون اللي في بالي هز رعد راسه ايه ونطقت هنوف توأم بعد
رفعت ذرعينها تحتضنهم الاثنين مبروكككككك مبروككككك
يارب بصير عمه واخيرااااا ياللله يا الفرح شكرااا يارب
ابتسمت الهنوف تناضر رعـد : رعود بروح على سيارتك لابوي
تروح معي ؟
رعـد د :لا بتصل على خالد يأخذني مشغلني من اليوم
يبي يخلص اوراقه استودعك الله انتبهي على نفسك والطريق
جوري:بطلع معك هنوف منا اسلم على عمي عبود ومنا ارجع البيت
هنوف تمام اركبي يلا رعود باي
رعد:في ودايع الرحمن
ركبت الهنوف وجوري السياره حركو يتوسطون الشارع العام
اتصلت هنوف على ابوها مارد استغربت من عدم رده كررت تتصل
مره ومرتين و المره الثالثه فتح الخط ضحكت تكلم الوو بابا
تغيرت ملامح وجهها تبلع ريقها من سمعت صوت جسّار وضحكه
تسحب فرامل بنص الخط صرخت جوري :هنوف وش فيه !
رجف فمها يضلم كل شي حولها بوري السيارت هواش الناس
من حولها ماعد صارت تسمع ولا تشوف شي غير صوت جسّار اللي يتردد ونطق :بنت عبدالله جميلات الجميلات بتسدين حلقك
وتجين على الموقع اللي برسله لك الحالك ولا قطعت ابوك ورميته للكلاب
نزلت دموعهااا بشَده لدرجه العجز والانهيار نطقت بقله حيله
اابوي ضحك بجنون ايوه ابوك أغمضت عيونها تشهق من سمعت
صراخه بأسمها هنوف لاتجين لاتجين !!!
شهقت مرات متتاليه تنطق بعجز :ارسل الموقع لاتسوي له شي
ضرب جسّار عبدالله بضهره بسوط يسمعها صراخه
وقال بدون شفقه : هنوف لاتتأخرين بتسقبلينه جثه
طرحت الجوال تهز  اكتافهاجوري هنوف هنوف هنوف
كانت الهنوف تحت الصدمه صرخت جوري اصحي!!!
ناضرتها الهنوف وما في عقلها غير ابوها والموقع ناضرت جوري
بصراخ وقالت :انزلي جوري انزلي بسرعه !!!
وسعت جوري عيونها من غضبها وجنونها ودموعها اللي استحلتها
وعجزها تنفي مرح انزل وش فيه وش صاير ليه حالتك انقلبت
ضربت هنوف الدركسون جوري انزلي لاتسئلين انزلي
نزلت جوري وضغطت هنوف على البنزين تتجه على الموقع
لـ جسّار بدون وعي وإدراك
اتصلت ليان على ليلى :الووه ليلوه كيفك؟
ليلى :اوه بخير لدرجه ان اليوم يوم الانتقام
عقدت ليان حواجبها :وش قاعده تقولين وش انتقامه ؟
ليلى :البنايه ذيك فيها جسّار وأبو الكلبه وهي بتجيهم ويصفي
حسابي معها اليوم يوم السعد لياني يوم السعد بحرم
رعـد من الهنوف وبقتلها وبكيذا اقدر اعيش براحهه ههههه
ليان بنهيار :ليلى تكفين لا لا لا لاتعذبين نفسك وتقتلين نفس
ليلى :معد صار يفرق عندي بتجه للحفله تقفل الخط
وصلت الهنوف للموقع تشوف عماره قيد البنايه كلها سمنت
نزلت تركض تطيح  اقترب جسّار رفعت نضرها له توقف بصرخ
وين ااااابوي اااااابوي وينه سحبها بكتفها باشد قوه
يدخل المبنى يرميها بقوه شهقت تناضر ابوها المربط بـ السلاسل
وراه ثنين برشاشاتهم صرخت يبه يبه يبه تركض تحضنه وتبكي
بحضنه غمض ابوها عيونه تهل دموعه :ليه جيتي ليه ليه ليه ليه
نفت براسها كيف أخليك كيف يرف لي جفن بدونك سحبها
جسّار عن ابوها يرفع حواجبه :احب عجزك احب أشوفك توجعين
يروق لي الجو يرفع كفه لوجها يمسح دموعها اوه حرام ها العيون
الخضر ينزل الدمع منها مهُلكه ،صرخ عبدالله :لاتلمسهااااا
رفعت هنوف يدها لخد جسّار تضربه كف تدفه:شتبي شتبي
ضحك ههههه الانتقام أبيه  يأشر لشداد اقترب شداد يثبت يديها
حاولت تفلت ماقدارت نطقت بُحر وقهر : وش غايتك وش اترك ابوي
ماله دخل ولا له ذنب ماسو لك شي خاف الله فيه ضرب جسّار
اكياس السمنت انتي اللي هنتيني قدام سعد ورفضتي عرضي واستهنتي فيني وماتنازلتي عن امالكك ونا اليوم بقتلك بس قبل نبدا بيجي ضيف للحفله هزت راسها بنفي بنهيار،
غرقانه بدموعهاااتنطق بعجز :بتنازل بكل شي بعطيك شركاتي
وفلوسي وسيارتي لك اللي تبي بس فك ابوي فكه جسّار اترك ااابوي
ااااتركه خله يروح تشهق تصيح اتركه يارا تحتاجه ،
شد شداد على ذراعينها من تحركها وصراخها بين يديه
صرخ عبدالله : لاتلمس بنتي لاتقرب منهاااااا جسّاااار جسّاااار
بنتي خلها تروح اعتقها صف حسابك معي اناااا معي
بعطيك ورثي كله بس فكهااااا
صفق جسّار بيديه ببرود وستهزاء:واو واو الابو وبنته
دووو مشهد مؤثر ههههههه لاابي ورثك ولا املاكك ولا تدري
خطر لي فكره بخليها تسجل صوت بانها تنازلت عن أملاكها
لي وبسجل صوتك انك تنازلت بورثك لي بعدها بذبحكم
وأفوز أنا دخل سطام وصلت دخلت ليلى مثل المجنونه تضحك
واه جسّار ماقواك ياخوي والحين بصفي حسابي تقترب من الهنوف
دخلت ليان بيت عبدالعزيز بصرخ طلعت وئام وسارا ونوف
وش فيك مهبوله !!!
ليان :الهنوف ليلى وجسار بيذبحونها والعم عبدالله خذوه معهم
وهددوها به وراحت لهم تكفون تصرفووو دخلت جوري بعد ماسمعت
كلام ليلى تصرخ دريت دريت تتصل تعلم رعـد
صرخت نوف تنهار بكى ووئام تصيح وتصيح تتصل على خالد طاحت سارا على ركبها من الصدمه اتصل سعد على رعـد الووو رعـد جسّار خطف عبدالله وهدد زوجتك ورحت لهم على سيارتك وحنى
عندهم بس ننتضر الوقت المانسب لأجل نداهم
أنا وجلاد والعيال برشاشاتنا لاتشل هم عمي
قاطعه رعـد بخوف وانهيار وتعب :سعد تكفى ياسعد لايجيها شي
تكفى جايك انا ودوريات بس لايجيها شي لين أوصل لكم
زفر سعد :رعـد ماهو جايهم شي يقفل
اتصل بدر الووو اللوء رعـد تسمع !
رعـد :اسمع اسمع
بـدر :٢٠دوريه امنيه ١٠مباحث ودعم العساكر الامنيه كلها بتكون
هناك في غضون ٦دقائق لاتستعجل ولانسوي شي يخرب الخطه
ونخسر عبدالله وبنته ارجع لعقلك صحصح  لاتسوي شي
يخليك تندم طول عمرك زوجتك بتكون بخير بس لاتتهورر
رعـد رعـد  تسمع رعـد قفل رعـد يضغط البنزين باقصى سرعه
وهو في حاله اشبه بـ الاوعي فقد ماصار يحس ولا يقدم إلا على قتل جسّار اول وقتل كل اللي معها خوفه على الهنوف وتوأمه اللي ببطنها
يدعي بان مايصير لهاااا تحت خوفه الشديد وافكاره
رمقت هنوف انضارها لـ  ليلى : مختله مريضه ابتسمت ليلى
تمسك وجها بكفها بكل قوه ونطقت بكل خبث:جيتي بين يدي
رمقتها هنوف بقو نضراتها تحت انهمار دموعها :مختله
ضحكت ليلى :تصفقها كف فيك حيل بعد تردين
علي وانتي بـ ها الحاله؟ من وين تجيبين كل ها القوه ؟
أغمضت هنوف عيونها من قو الكف تفتحهاتركزها بعيون ليلى
ونطقت:لاصارت مطلع الشمس لاترجعين للضلال منحُطه بدون كرامه
سوي اللي تسوين مرح يهتز فيني شعره انتي مجرد حشره
خلت كبريئها وعزت نفسها وطاردت رجال متزوج ولا يبيها
مسكينه بخلي نوف تصدق عليك بشوي كرامه هنوف ذكرت اسم
نوف لاجل تستفزها وتقهرها لانها تكره نوف صرخت ليلى تضرب
الهنوف بصدرها شهقت هنوف تطيح على ركبها تكح من الألم
انجن عبدالله يصرخ بعجز يصرخ من عجزه ومن عدم قدرته يسوي
شي وبنته تضرب قدامه ينادي بحُر وقهر وغبنه: جسّااااار
ياااااكلب فكوهاااا خذني أنا اذبحني أنا وخل بنتي ياملعون
كحت هنوف تمسك صدرها بشَده من الألم تناضر في ابوها
وكبدها تحترق من قو صراخه ومن عجزهم الاثنين وقفت على رجليها
تشد نفسها وسعت ليلى عيونها بقهرر:كيف لك حيل تمشين !!
كيف لك حيل توقفين في وجهي كيف كيف وهي تلهث من اصرار
الهنوف وعدم استسلامها بلع شداد ريقه من قوتهاا رغم ان حالها
يرثى له من التعب وشفتها اللي تنزف دم من جرحتها ليلى بضفرها
ماتحمل جسّار يطلع سلاحه يحطه برأس عبدالله ينطق الهنوف !
رفعت أناضرها لاسلاح تبتل رموشها من قو وكثرت الدموع اللي
غطت عيونها ونفت بوجهها لا لا ابتسم جسّار بخبث :ايه ايه
احب أشوفك عاجزه احب أشوفك تبكين شوفي ياليلى ماتحمل
شي يجي ابوها ههههه انتبهت ليلى لضعفها اذ الموضوع يخص
ابوها وذا الاذى حوله رفعت حواجبها وقالت : تضعفين قدام
ابوك اذ هو غالي وتخافين عليه ،بس ارتاحي بنأخذ ابوك مثل
ماخذيتي رعـد مني تلتفت لـ جسّار أطلق على راسه فجر جبهته
شهقت بـ رجاء تنفي برأسها:لا تكفى جسّار تكفى ابوي لا جسّار
اااابوي لاااا لاترمي تتكفىىى تكفى تشهق وتون ببكاء تناضر ابوها وتنطق :يايبه أنا احبك ياااايبه سامحني لأني ماقدرت اسوي شي
ساااامحني لأني عاجزه وماقدرت أحميك اااه يابوي
انهلت دموع عبدالله من قو صراخ بنته وكلامها يصرخ يشد عمره
يوقف ويضرب سطام بوجه يناضر الهنوف لاااا ترجينه لاترجين جسّار
ابن الكلب ملعون الثوى يخسى لاترجينه رفع جسّار السلاح يضربه جلس عبدالله يطيح في الارض ورأسه
ينزف انجنت الهنوف تصرخ بأعلى نبرات صوتهااا صرخت
صراخ يقشعر الجسد من قوه لدرجه ان شداد نفسه تأثر
وشد على يدينها يثبتها من تحركها وصراخها اللي هز المكان هز
التفت سعد ينزل برشاشه من سمع حُر صراخ الهنوف نزل جلاد
والعيال يرمون
ونطق سعد :اخو جوري زوجت رعـد حامل حامل الله يلعن امكم
يثور رشاشه يرمي صرخت ليلى جسّار لاتكون الشرطه !
ارتجف جسّار يصرخ مخلد وش فيه !
دخل مخلد :جلاد وعصابته وسعد بن عبدالعزيز
ابتعد شداد عن الهنوف يعشق رشاشه يطلع يرمي وصرخ
الشرطه والمباحثثثثثث تكفى ياسطام انحش
صرخت ليلى جسّار وصلنا لنهايه ارمه اذبحه جسّار وش تحرى
داهمو الشرطه البنايه من كل الجهات دخل رعـد بسلاحه ينادي
الهنوف الهنوف ضغط جسّار الزناد بعد ماشاف رعـد
يـرمـي عـبـدالله ٣طلقات بـصـدره ،
انهاااارت الهنوف اشد واقوى انهيار صرختتتت بأعلى نبرات صوتها
وأقوها شدت شعرها تصيححح وتصيح من شافت ابوها غرقان
بدُمانه صوب رعـد السلاح على جسّار يرمي رأسه ويطلق عليه
6رصاصات ضغط على زناده وماوقف أطلق نار لين خلصت
الرصاصات اللي بسلاحه انجن ونهد حيله من شاف عمه طايح
طاح جسّار على الارض ،جلست ليلى بجنبه تبكي ماحسبت
حساب ان جسّار بيموت ولاتوقعت ان الأمور بتوصل كذا وان جشعها
وحقدها وكررهها هو اللي خلاها تفقداخوها وتفقد نفسها معه ،
ركضت الهنوف لعبدالله يوقف رعـد بوجها يمنعها لاجل ماتزيد انهيار من المنضر ضربت رعـد تصرخ تتقدم حضنها رعـد من الخلف يمنعها
دخل سعد وانهار من الدم يركض لـ عمه وجلاد وعوض والعيال
ماسكين سطام وشداد ومخلد بكى سعد من قو الموقف صار شبه
مجنون من شاف عمه بوسط دمه شله يبكي تكفى ياعم لاتموت تكفى
ياااااعم تكفى يااااعم ياوووو ياولولي ولاه ياولاولي ولاه عمي مات
دخل عبدالعزيز والجد سعود يطيح على ركبه ينهج ويبكي وينهار
وعبدالعزيز يضرب نفسه بدون شعور وكانّه تايه من شاف اخوه
بين يد ولده سعد صرخت الهنوف يغمى عليه أنهد حيلها وانهلت
حصونها شلها رعـد يغطيها بسترته العسكريه بين المئات من سيارت
الشرطه والاسعاف والأمن والمباحث طلع بها قدام الكل وهي بحضنه
وبين يديه قابله بـدر يناضر لعيونه اللي تمطرر دموع وزوجته بين يديه
قال بدر له :رعـد عبدالله مات !
شهق رعـد غمض بدر عيونه يصرخ يادافع ادخلو اخذو جثه جسّار
تقدم رعـد للإسعاف ينزل الهنووف ويتجهون للمستشفى،
وئام جالسه وبجنبها خالد وجوري مجهزه غرف العمليات وطاقم
كامل ماتعرف وش صار ونوف وموضي وفاطمه واقفين على الباب
ينتضرون الإسعاف وقف الإسعاف بـ عبدالله والاسعاف الثاني بـ الهنوف نزل رعـد مع الهنوف يدخلون المستشفى ونزل سعد مع أبوه
وجـده بـ عبدالله انجنت الجده وضحى تبكي وتصيح في المستشفى
شهقت وئام ونوف وسارا تنهار بكى من شافت الهنوف وقفت جوري
تصرخ عمي عبدالله تكفون ركض زياد يناضر لـ عجز جوري وصراخها
اشر لوتين أنا بسوي العمليه
وتين :وجوري !
زياد :شايفه حالها دخلوه بسرعه بسرعه دخل عبدالله غرفه العمليات
مع طاقم الاستشارين يركبون الاجهزه ويسون العمليه
اجتمعو الدكاتره وطاقم عند الهنوف يركبون جهاز الضغط
ويرتقبون البيبي رعـد :حامل يادكتور حامل شف صار لهم شي !
ماجد : لاتخاف استشاريت الولاده والنساء بتشوف حالها
سلمى :دكتوره كاترين كيف حال البيبي ؟
دكتوره كاترين:زفرت برتياح الحمدالله يارب ماصار لهم شي
ونبضهم طبيعي ضحكت سلمى بفرح يارب الحمدالله ببشر اهلها
طلع ماجد يكلم رعـد : وتجمعو البنات ناضر لخوفهم
حوله تعرضت لضربه بصدر سببت لها كدمه بسيطه
في ٣ايام بتتحسن انشالله حاليا هي تحت الصدمه بتجيها
نوبات هلع وهذا شي طبيعي حاول قدر الإمكان تبعدها عن
الضغط النفسي حاول تسعدها وماتذكر الاشياء الحزينه
بقدر الإمكان قدامها السلامه بعد مرور 25دقايقه بضبط
طلع زياد ووجه اسود وقف الجد سعود ووضحى ها بشر
تكفى قل انه حي تكفى انزل زياد انضاره ونطق
{عضم الله أجركم في فقيدكم عبدالله انتقل إلى رحمه الله }
جلس رعـد على الكرسي يبكي ويبكي تقفل كل شي
بوجهه مايدري وش يسوي انهار الجد سعود وعبدالعزيز ،
شهق رعـد يلتفت يمين يشوف صياح جدته وبكاها، ونهيار
سعد وسارا يلتفت يسار يشوف جده وابوه متلطمين ووجيهم سود من قو الموقف تحت دموعهم وصوت ونينهم اللي قطع كبده جلس خالد من جبنه يضمه لصدره بعد ضمت خالد له انفجر في حضنه يبكي ويشهق ويشد كفوفه بثوب ،بكى خالد من قو بكاء خويه رعـد ربت على ضهره يتكلم وهو يبكي يبي يواسيه ماقدر من كثر دموعه حاول ونطق
رعـد ياخوك رعـد ياخوك توكل على الله وقف على رجليك
وراك مره في بطنها عيالك تكفى يارعد لاتطيح وينهد حيلك
وقفت نوف تركض تشغل سيارتها ركضت وئام نوف وين !
نوف تكفين الهنوف تحتاجنا صرخت نوف بنتف ليلى تنتيف
تتجه لقسم الشرطه توقف سيارتها تشوف ليلى مقيده نزلت
تقترب منها وتشد شعرها وتضربها بوجهها أبعدوها سعيد
ومحمد نطق :هيه مهبوله تبين نحبسك بسجن !!
شهقت نوف تركب سيارتها بعد ماسطرت ليلى ترجع المستشفى
بعد مرور ساعات من اول يوم عزا تجمعو الناس في بيت الجد سعود
يعزونه هو وعبدالعزيز وجتمعو نساوين الديره والحاره عند وضحى
فتحت الهنوف عيونها تناضر في البنات نايمين بـ الغرفه معها
كلهم صرخت تنادي ااابوي وينه ااابوي دخل رعـد يحاوط
كفوفه لوجهها هنوف اهدي هنوف هنوف هزت راسها :رعـد
ابوي مامات صح تكفى قل ابوي حي تكفى قل بيجي الحين
ويضمني تكفى تكفى تكفى رفعت جوري يدها لفمها تنهار بكى
تخرج من الغرفه خرجو البنات وراها من هول وقو المـوقـف
شد رعـد على نفسه لاجل ماينهار معها ونفى بوجهه أغمضت
عيونها تشهق وتبكي انزل جبينه على جبينها ونطق
أنـا ابـوك وانـا أمـك انتي بنتي وزوجتي أنا لك اللي تبين
تكفين تماسكي شدت على ثوبه تمسكه تبتعد كنت بقول له
إني حامل وبفرحه كان يبي يشل عيالي بين حضنه ويحبهم
كنت بسمي الولد بسمه تضرب صدرها بوجع وقـهـر
تـكفى يااارعد قلبي يحترق يحترق اااه اااه ااه ياروحي
روحي تتقطع مسك يديها لاجل ماتزيد وتضرب صدرهاا
ونطق : تكفين لاتسوين فيني كذا وتقطعين كبدي لاتبكين
تماسكي يابنتي أنا معك حزنك حزني وفرحك فرحي
خليني أخذ وجعك شاركيني في دموعك
سندت راسها لكتفه: يارا يارا كيف
بتتحمل كيف كيف كيف ضمها لصدره أنا أبو يارا وأخوها وانتي أمها
طلع جواله وقال لها الهنوف يابنتي ابوك وصاني إني مافتح المقطع
إلا لين يجي الوقت وحان وقت إني اسمعه وتسمعينه معي شغل رعـد
المقطع ونطق عبدالله :السلام عليكم هاذي وصيتي لك بعد ماموت
ما ندري عن الدنياء وش تجيب ان صار لي شي وكتب الله لـي
الوفاه ترى بناتي في ذمتك شركاتي والورث واملاكي كلها للهنوف
ولـ يأرا سجلتها بأساميهم يارعد ياولدي لاتزعل الهنوف ولاتبكيها
تراها أغلى من روحي علي واستودعها الله دايم وقل لها لأمت
لاتبكي وتضيق هذا امر ربي وماكتيبه اهتمّ بدراسه يارا تراها
بنتك من اليوم هاذي وصيتي وآخر كلامي استودعتكم الله ..
وقفت الهنوف تصيح تطيح على ركبهااا تضرب نفسهاا
ياليتني مت بداله ياااليت ليت ليتني مُت بداله
يااارب يااارب جلس رعـد مقابلها
وهو عاجزز ،يمنعها من ضرب نفسهاا يضمّها لصدره
اضربيني أنا طلعي غضبك وحزنك فيني بس لاتضربين نفسك
هنوف لاتاذين نفسك مو عشاني عشان ابوك تكفين ياعيون البحر
تكفين قوي نفسك وقويني معك دخلت يارا تبكي تضم اختهاا
ضمتها الهنوف وهي تون حبت يارا راسها ونطقت : انتي صرتي
امي ورعد صار ابوي بابا عبدالله مات صح الله يرحمه
وانا متأكده انه اذ شافنا نبكي بيزعل تمسح دموعها وانا مارح
ابكي عشانه وانتي لاتبكين خلاص ياحبيبتي معد أبي ابكي
شهقت تحاول تقوي نفسها قدام يارا وتهدأ
تهز برأسهاا مارح ابكي يارا مارح ابكي ودموعها تسابق
كلامها مسح رعـد دموع الهنوف يحب رأسها  ...
بعد مرور 5اشهر من وفاه عبدالله ..
اجتمعو البنات في قصر رعـد عند الهنوف
بـ الجلسه وقهوة العصر يوم الجمعه ~
نزلت جوري فنجالها وقالت :بنات ليلى انجنت ودخلت
مستشفى الامراض العقليه وام جسّار شقصى في حاله نفسيه
نوف :جعلهم في زود هاذي نهايه الحقد الله لايرحم جسّار
وئام :بنات اقطعو الموضوع عشان هنوف لاجت ماتسمعنى وتتذكر ابوها زفرت سارا :الله يرحمك ياعمي عبود ويجعل روحك في الجنه
وئام :آمين يارب بنات أبي أقولكم شي بس لين تجي هنوف
ضحكت الهنوف :مايحتاج جيت تنزل الماء
نوف :هنوف لاتشلين الماء ثاني مره قدك عاد بتولدين
جلست الهنوف معليك ايه وش ياوئام ؟
ابتسمت وئام :بنات أنا حامل وفي الشهر الثاني
صرخو البنات يضحكون يضّمونها:مـبـروك
نوف :واخير بصير خاله يالله مره مبسوطه
جوري :والله دام وئام صرحت بحملها أنا اقولكم ان عرسي
الأسبوع ذا صرخو يضحكون ويصفقون
الهنوف :الله الله على الأخبار الحلوه ليتكم خليتوه لين أولد
سارا :هههه يابنتي زواج مختصر وسريع بياخذها بيدها
طبعا جوري اللي قالت له ماتبي زواج ودنياا تبي كل شي بسيط
وئام :ياااعمري صدق الله يوفقكم
سارا :طبعا حاليا أنا السنقله بينكم يازين حياه العزوبيه
نوف :هيه حبيبتي ونا المصوره السنقليه بعد
ضحكت جوري :لا انتي لـ سعد يبي يخطبك
ارمشت نوف بعيونها :مع نفسه والله بكسر راسه ترى
سارا :عادي هو يعرف لك وتعرفين له كلكم مجانين
فطست جوري ضحك :للحضه تذكرت وقت نتفتي رموش اميرههه
الهنوف وئام بضحك :وش السالفه تكفون ههههه
نوف :والله امير ولد ال نائل ذاك كان جالس جنبي في الطياره
المهم انه خلاني اعصب ونتفت رمشه ههههههه
الهنوف :والله انك مجنونه رغم ذلك احب جنونك
اتصل رعـد وهو بصاله ابتسمت هنوف ترد لبيه
رعـد:تعالي بصاله وقفت طيب تقفل بنات بروح لرعد واجي
نوف :أخذي راحتس ياحُب حياتي
دخلت هنوف الصاله اقترب يحب عيونها ويعطيها باقه الورد
الحمراء ابتسمت له وقالت :كل جمعه تجيب لي ورد مادريت
انك ورد روحي وبساتيني رفع كفه لبطنها ياغلى روحي كيف عيالنا ؟
مامدى رعـد يسئل إلا صرخت: رعـد ماء ماء عقد حواجبه يركض
يجيب لها علبه ماء صرخت لا يااااغبي التوأم جوواه اه ضهري 
نزل انضاره للارض يصيح ولاده ياوووو ركضت جوري وش فيه !
رعـد:جتها الولاده يركض يجيب السياره اقتربت جوري
هنوف أخذي نفس أخذي نفس صرخت الهنوف اه اه
ركضو البنات يصيحون جابت سارا العبايه تلبسها ياه
ساعدوها البنات تركب السياره ركبت سارا وجوري معها
التفت نوف وئام امشي بنلحقهم على سيارتي
الهنوف :رعـد استعجل ياااا ياسواق
جوري :رعـد اسرع اسرع
رعـد:يامسلمين طيب مسرع أنا عيون البحر تحملي وبحاسبك
على كلمه سواق اصبري تحمليييي..
صرخت هنوف :كل ترابب وأعجل الورعان جووو اخ
رعـد:اخو سارا أنا أكل تراب
جوري :ياااغبي فاضي تتجادلون اعجل
سارا :الله الله احس إني أنا اللي أتولد يمهه والله هنوف كنها سكرانه
الهنوف :ياااحمار رعـد يا حمار اه اه
رعـد وهو على اعصابه مايدري يلقها من سبها له ولا من هم ولادتها
فطست سارا ضحك :هههههه كفو سبيه سبيه
رعـد:والله ان انتف اذنيك ياسارا يا المروحه
جوري:الله يبلشكم البنت ماهي بوعيها من الالم وقف رعـد وصلنا وصلنا نزلوها يدخلونها غرفه الولاده ورعد يفرك يديه من التوتر
اتصلت سارا على اهلها وجو كلهم الجد سعود يالله ان تهون عليها
موضي :كم قد لها ؟
جوري ساعه ونص.
يارا بصراخ بصير خاله صح يارعد انحنى رعـد لها :ايه وأحلى خاله
يعتدل بوقفته شال هم يروح ويجي بوسط السيب من التوتر
ضحك أبوه :يارعد هون عليك ان شاءالله انها بخير
الجده وضحى :يالله ياربي انك تحفضها ونك تهون عليها وتيسر
ولادتهاا نوف وئام بجنبها يدعون معها طلعت الدكتوره
تبارك اللففف مبروك تؤام بنت أولد صرخو يباركون لبعض
ويضحكون دخل رعـد يشوفها الحمدالله على السلامه
زغرطت نوف لالالالالي الحمدالله مبروك علينا ومبروك ها التوأم
يابختنا بنصير خالات وانتو عمات ضحك سعد وقال لها عقبالنا
وسعت عيونها ترمش بعيونها :لاحجت البقره تزوجتك
سعد :ترى الملكه الجمعه الجايه استعدي وقول احمدي ربي إني
بصير زوجك ضحكت بستهزاء يامحوو الكون ياسعد تكفى ياخر حبه
ضحك :والله ان نأخذك وعينك تشوف يابنت حتى اخوس رئد كلمته
مدت لسانها تغيضه : انقلع بس
الدكتوره :تقدرون تشوفونها حالتها زينه بعد يومين تقدر تطلع
ضحك رعـد يشل عياله مبسوط لدرجه انه بيطير يأذن في اذانهم
{الله اكبر الله اكبر اشهد ان لااله إلا الله }
دخل الجد سعود يسلمون على الهنوف ويتحمدون على السلامه
سارا بضحكه :كيف طعم الولاده حلو صح
ابتسمت هنوف بتعب :مره يجنن بتجربه وئام
وئام :ياويلي ياليتني ماحملت يمه
ناضرو وئام :وفطسو ضحك
خذت الجده الولد من رعـد تحبه :استودعك الله ياربي انك تحفضه
شلت موضي :البنت تحبها وقالت عيونها خضر مثل عيون أمها
عبدالعزيز:هاذي ان الله احياني والله انتشوفون زينها يهرج به
البعيد والقريب ،
الجد سعود : البنيه ؟
عبدالعزيز:ايه سم الله عليها الله يحفضها
موضي :والولد بيجي كنه أبوه رجال جعل ربي يخليه لهم
يارا بطير فرح تحب عيال اختها وتضحك أنا بربيهم معك
ضحكت هنوف : تـم من الحين انتي لو تبين عيوني عطيتك
جوري : اجل مانطول عليك ارتاحي اذ احتجتي شي تعرفين رقمي
تنحني تشل يارا ويطلعو من عندهاا يرجعون البيت رجع سعد
لـ جلاد والعيال اللي في البر عند خيمه الجد سعود يسون عشاهم
جلس رعـد مقابل الهنوف وعيالهم بجنبهم ابتسم يحتضن كفها
ونطق :الـولـد عـبـدالـلـه ابتسمت ونطقت :والبنت وردعلى امي
انحنى يحب خدها وقال :-
ماجيتك ألعب بالمشاعر وأخليك
وماجيت لأجل أستغفلك وأستغلك