في هاذي الحضه دخل الحوش ابو وعد الي كان ناوي اليوم شر ويبغاء ياخذ وعد معه دخل ونطقت بصراخ: شاهينننن؟ خرجو العيال و الرجال وتليد وشاهين وتجمد مكانه شاهين من عرف ان اليوم الي ما يتمناه جاء
نطق ابو وعد: اعطيتك اشهر بس شكلها ما فادتك؟
زفر شاهين ينطق: العن الشيطان وكل شي بينحل؟
ابو وعد: ولله لاعنه قبل ما اشوف وجيهكم بس انتو ما ينفع معكم الكلام تبغون فعل؟
ابو شجاع بغضب: احترم نفسك دامنا محترمينك للان؟
شاهين: ادخل المجلس ومارح تخرج الا وانت راضي؟
ابو وعد: يصير خير بشوف اخرتها معكم بس انا اليوم ماخذها ماخذها ووعد ما تنام اليله الا في بيتي؟
فز تليد ينطق بحده وعصبيه هوه يجهل الشخص هاذا: احترم نفسك واسمها لا تنطقه على لسانك؟
ابو وعد: ومن انت ان شاء الله؟
تليد: زو؟ قاطعه من نطق شاهين بحده: ادخل بنتفاهم؟
فيحان الي كان مو فاهم شي ونطق: عمي وش دخل اختي في الموضوع؟
ضحك بسخريه عم وعد ونطق: بتعرف ونا عمك الان وش دخل اختك في الموضوع؟ تقدمو كلهم يدخلون المجلس
لف شاهين لتليد: هاذا ابو وعد؟
اخذ نفس تليد ونطق بحده: ومين مفكر نفسه يحلم ياخذها؟
نطق شاهين: في الاخير هاذي بنته بس الي ابغاه منك الان تاخذ وعد وتروحون للرياض الاهم وعد اليوم ما تجلس في الديره؟
فهمه تليد وهز راسها بـ موافقه ونطق: ابشر باخذها بس في الاخير لازم تعرف وهو اصلآ مارح يقدر ياخذها دامني انا زوجها؟
نطق شاهين: يصير خير بس الان اخذها؟ تقدم شاهين يدخل المجلس يستمع لكلام عم وعد....
<<تليد>>
اخرج جواله من جيبه يتصل على وعد..
وعد كان جالسه عند البنات في الحوش ينظفون و يرفعون من بعد الزواج. لفت من نادتها سحاب نطقت: وعد زوجك يتصل؟ زفرت بقرف ورمت المكنسه واتجهت لسحاب واخذت الجوال منها ودخلت غرفتهم وجلست على السرير تفتح الاتصال وصل لمسامعها صوته الغاضب من نطق: ساعه لاجل تردين؟
اخذت نفس ونطقت: خير وش بغيت؟
نطق تليد: بنت كلامك كم مره بقول يتعدل علامك ولا ولله بعدله لك بطريقتي؟
ضحكت بسخريه ونطقت: يمه الصراحه خفت؟ كشرت وكملت بحده ونطقت: خلصني ليش داق؟
تنرفز من اسلوبها ونطق: معليه نتفاهم بعدين بس الان معك دقيقه واشوفك مسنتره عند باب الحوش؟
عقد حاجبيها بعدم فهم ونطقت: خير يـ الطيب وش الي اخرج لك؟
نطق تليد: تلبسين عباتك ولا ولله يـ وعد اذا مرت دقيقه وانتي مو فيه ولله لادخل البيت و اسويها لذالك لا تنرفزيني؟
وقفت من السرير ونطقت: وش تقول انت شكلك تبغاني اقول لجدي آنك تبغاني اخرج معك نص اليل مدري وش بتسوي يـ الداشر؟
ضحك من كلامها ونطق: يـ بنتي وش بسوي فيك مثلآ اقول لا يكثر واخرجي؟ قفل وتعالت ضحكاته من كلامها..
زفرت ونطقت: قال بنتي يعني امون وكذا شايب صدق ما يعرف حتى يتكلم؟ زفرت وتدور في الغرفه ما تدري وش تسوي بس اخذت قرارها واخذت عباتها تلبسها وطرحتها ونقابها، مدت كفها تاخذ جوالها من السرير وخرجت وشافت البنات في الحوش ونطقت: بنات انا بروح اشوف تليد وبرجع يعني اذا سالت علي امي قولو لها؟
ضحكت سحاب وغمزت لها ونطقت: العببب رومنسيه وحركات نص اليل؟
طارت عيون وعد ونطقت: بنت وش ذي قلت الادب ترا بس بكلمه وبرجع؟
ضحكت اريج ونطقت بخبث: الجنتل عباله بيشوفك بكشختك ما يدري انها راحت بس معليه معوض في الايام الثانيه؟
ما تنكر وعد انها انحرجت من كلامها ولفت تعطيهم ظهرها ونطقت: انتو بلا ادب ونا الغلطانه اني جلست احاكيكم؟ ضحكو البنات وخرجت وعد من الحوش تناظر حولها تحاول تلمحه وشافت ضواء بعيد احمر صغير وكان تليد يدخن ومتكي على كبوت السياره توجهت نحوه وقفت امامه وتكتفت ونطقت: خير؟
نفث الدخان ورماء الباقي ودعسه ولف يناظرها ونطق: اركبي؟ وتجاهلها وركب السياره تحت صدمتها،
كانت تلتفت حولها بعدم فهم واقتربت من شباكه
ونطقت بخوف واضح: خير وش الي اركب انت قلت بنتكلم هنا ليش تبغاني اركب؟
مسح على وجهه وتمتم بقهر يحاول يهدي نفسه ونطق: وعد مو قتك اركبي وبعدين وشو له الخوف تراني زوجهك يعني مارح اخطفك؟ شاف سكوتها طال ونطق بعصبيه وعدم صبر لانه من اليوم يحس نفسه تعبان وجسمه كله يوجعه: وبعدين معك اركبي؟ فزت من عصبيته وتجمعت الدموع بعيونها واتجهت بخطوات هاديه وركبت بجانبه وقفلت الباب وحرك السياره خارج من الحوش
بلعت ريقها من حست بدموعها نزلت ولفت بجسمها حول الشباك ولصقت بلباب وصدت عنه من نزول دموعها
اخذ نفس ومد كفه يدلك راسه بوجع وصداع داهم راسه وهو من اليوم حاس نفسه مو طبيعي، لف يناظرها هوه ما كان يبغاء يصرخ عليها بس نرفزته نطق بصوت واضح عليه التعب: وعد آسف ما كنت ابغاء اصارخ بس انتي حديتيني؟
ما كان منها رد
نطق تليد: يعني بس ولو مره وحده حاولي لا تعانديني مره وحده بس؟
مسحت دموعها وسكتت
شاف سكوتها ومد كفه يبغاء يمسك كفها بس قاطعه اتصال جواله تافف واخذ جواله وشاف وتين متصله وفتح المكالمه
ونطق بثقل صوته: ارحبي؟ شدتها وعد هاذي الكلمه ما تدرين ليه من قال " ارحبي" سغت لكلامه من عرفت انه الان يكلم بنت
نطقت وتين بصوت باين عليه الضيقه: تليد اسفه على الي صار بس ولله كنت معصبه وما ادري وش كنت اخ..
قاطعها ونطق تليد: ما صار شي يعمري خلاص اهم شي انك بخير؟
ابتسمت وتين ونطق: احبكككك تليد؟
ابتسم ونطق: مجنونه بس احبك؟
رفعت حاجبها وعد بصدمه ومن كلامه الي اذهلها مو معقوله تليد بعلاقه مع بنت ويكلمها بعد قدامها
ابتسم تليد من شافها تناظره ولف يسوق ونطق: بعدين اكلمك بس اول كيف تميم طلع من غرفته؟
لفت وتين تناظر تميم الجالس بجانبها ويسمع المكالمه بصمت
نطقت وتين: اي طلع بس؟ وسكتت
نطق تليد: بس ويش؟
اخذ تميم الجول من وتين ونطق: اسف بس كنت مضغوط من كلامك؟
اتسعت ابتسامه تليد ولثانيه داهمه الصداع واختفت ابتسامته وتغير صوته ونطق: تميم انا الي مفروض اعتذر بس ولله ما كنت اقصد بكلامي؟
نطق تميم بشك: اترك هاذا الموضوع على جنب انت بخير وشفيه صوتك؟
اخذ نفس تليد ونطق: بخير لا تشغل بالك بس الان بقفل لاني وصلت بيتي وبنام؟
نطق تميم: تليد تكفى تكفى طالبك قل تم؟
رفع حاجبه تليد ونطق: مارح اقول تم الين اعرف وش موضوعك؟
نطق تميم: ابوي مسافر وبيطول في السفره يعني تعالي اليوم عندنا تكفى ولله مشتاقين لجلستنا مع بعض و سوالفنا طالبك طلبه لا ترفض؟
اخذ نفس بتفكير ولف يناظر وعد الي تناظره ونطق: ابشر مسافه الطريق وجايكم؟ قفل المكالمه وترك جواله بحضنه
ونطق: بنروح بيت اهلي؟
نطقت وعد: مين كنت تكلم؟
لف يناظرها ونطق بحده: وش عليك مين اكلم؟ ولف ماسك راسه بوجع
لاحضته وعد ونطقت بهمس: احبك جعل قرده تحبك؟
هربت ابتسامه من ثغره من سمع همسها وفي ثانيه بدل ملامحه لجديه ولف يناظرها ونطق: وش قلتي ما سمعت؟
ناظرته بحده ونطقت: ما قلت شي؟
ابتسم وكمل يسوق
أنت تقرأ
بيني وبينك حب ما يعرف النهايات ولا يوقف عند الحدود
Randomهو عسكري من الديره معروف بعصبيته المفرطه وهيبته بالمكان يكره طاري الزواج ويهرب منه ولا يحتك بجنس حواء يطيح بحب بنت عمه المعروفه بدلعها ورقتها تزوجو بل الاجبار سبب قصه صارت لبطلتنا واطرو يتزوجون وتجننه بتصرفاتها ويحاول ما يبين حبها له يبين لها انه يك...
