محمد كان منسدح يفكر بملاك وليلى تتأمله حس محمد وطالع فيها وهي تتأمله :مضيعه شيء؟
ليلى ابتسمت:مضيعه قلبي
محمد قام وعصب:طيب شدخلني روحي دوريه
ليلى:قلبي معك انت
عصب محمد وقال:تحلمين اني احبك انا احب لي وحده ولا تخربين بينا راح ومابقى الا ليلى بالجلسه قعدت تبكي ليلى وهي تقول :يحب غيري يحب غيري والله لاندمك انت والي تحبها
ــــــ
نروح عند عوض وملاك كانو يمشون
وعوض حاوط كتف ملاك
عوض:ملاك حبيبي شفيتس
ملاك انفجرت تبكي
عوض لف عليها:بسم الله عليتس شفيتس
ملاك:احس اني عار على ابوي احس اني غلطه احس ان ابوي مو متقبل وجودي كل ماجيت ابي اسولف معه يقول لا تسوين ولا تفعلين حتى جلستكم ذي حرمني منها ورحت قعدت عند عمي عبدالله وقالي روحي عندهم انا تعبت يا عوض احس محد متقبلني
عوض:لا انتي غلطانه بكل كلمه قلتيها كلنا نحبك ومنتي عار على أحد ومحد تغير عليتس بالعكس كلنا نحبك ومانقدر بدونك انتي تضحكينا وتطلعينا من الزعل وتونسينا وفله
ملاك:تهقى ابوي يفكر اني كذا؟
عوض:ايه اصلا يحمد ربه أن عنده بنت زيك والله لو انتس بنتي اني لسجد سجود شكر لله
ضحكت. ملاك
عوض:ايه خليك كذا
جاهم عبدالملك :ضحك بدوني
عوض:ايه بدونك اذلف مانبيك
عبدالملك:والله لمشي معكم ودفا ملاك بفروته
ملاك :تدرون ليش انا ما اخاف من أحد
عوض وعبدالملك:ليشش
ملاك :ابتسمت لأن وراي اربع صقور عبدالملك وعبدالرحمن وعبدالمجيد وعوض
ابتسمو وحظنوها وقالو:وحن مانخاف لأن ورانا ذيبه
كملو يمشون ويسولفون فجأه استوقفهم صوت صراخ
ملاككككككككك وقفييييييييي
لفت ملاك ولقت ملاذ جايه لهم وهي مرهقه من المشي
تكلمت وهي تلهف :يمه اناديكم ليه ماتوقفون
ضحك عبدالملك:ليه ارنب انتي تركضين
ضحكو ملاك وعوض وطالعت فيه ملاذ :هههه سخيف وانت تمشي كنك سلحفاه ضحكت ملاك :اخخخ خلاص
ملاذ:تراكم فليتوها عاد وسحبت ملاك من عندهم حقتي شتبون
عوض:اقول جيبيها
ملاذ:والله ماتجي خويتي شتبون
عبدالملك :حن حجزناها قبلك
ملاذ:وليش تحجزها غرفه فندق هيي
ضحك عوض:هههههه حلوه
ملاذ:امشو لحالكم بأخذ ملاك معاي
سحبهم عوض وقال:خلاص تعالي امشي معنا
ملاذ:صدق
عوض:ايه
مشت ملاذ معهم وكانت جنب عبدالملك وهذا الي افرح عبدالملك
عبدالملك :عوض وش يقول الشاعر
عوض :وش يقول
عبدالملك :يا سعود حبيت وانا عن الحب تايب وطالع بملاذ
ملاذ تطالع فيه وعوض:ابك يا ولد تحب
عبدالملك :ايه
ملاذ:الله يعينها مسكينه بدعي لها من الحين
عبدالملك :طيب يلا ادعي لنفسك
صرخو من ملاك وعوض وملاذ حمر وجهها
عوض:اقعدددددد عبودي تحب ميمي
عبدالملك :ايه بس هي حيوانه ماتحبني
ملاك:ليه ماتحبينه
ملاذ بغرور :لانه نشبه بعدين مليون واحد يتماناني ورفضته
عبدالملك:اقص يدي أن محد جاك الا انا
ملاذ:قصها
عبدالملك :طيب تعالي امشي معي لوحدنا
ملاذ هجت عند عوض:والله ما اجي دز امها يا السربوت
عوض ضحك:سربوت ليه
ملاذ:قليل ادب يبيني اروح معاه بموعد غرامي بنص البر
عبدالملك:خلاص المره الجايه مطعم
ملاذ:تعقب والله ما اروح مكان شتبي فيني
عبدالملك :هيننن بيجي يوم وتطلعين معي وبموافقة عمي خالد بعد
ملاذ :ههههههه حلم ابليس بالجنه
سحبت ملاك وركضت عند البنات وبصوت عالي:نننننن خذيت كوكي
ضحك عبدالملك وقال:حيوانه
عوض:صدق تحبها ولا تلعب عليها
عبدالملك:لا والله احبها من يوم وهي بثالث متوسط
عوض:الله يوفقكم وكملو يمشون ورجعو عند اهلهم
جت ملاذ وقالت لملاك:بروح عند امي وارجع
ملاك :طيب
مشت ملاك وطلع بوجهها محمد
محمد ابتسم :ارحبي
ملاك :هلا فيك
محمد:كيفك
ملاك :طيبه
محمد :ابشرك يا بنت العم طلعت مكان مالك وبيتم القبض عليه
ملاك :كفوووووو
محمد افا عليتس
ملاك :طيب وش بتمسك عليه
محمد:قضية تلاعب بالفتيات
ابتسمت ملاك وبدون استيعاب :مرهههههه شكرااااا مره شكراااااا حموديييييي
ابتسم محمد من نطق حمودي له
استوعبت ملاك وقالت:سوري سوري
راحت وضحك محمد :يا لبى حمودي اخخخ احبك
راحت ملاك عند البنات وهي فرحانه
ملاك:مين قال دبابات
البنات مااعدا ليلى:احنااااااا
ملاك :وانتي يا ليلى
ليلى:لا مابي
ملاك:بكلم عوض يجيبها
كلمت عوض ووافق عوض طلعو ايلان وايلام وايلاف ونارين وملاذ وملاك راحو وميار ونجد ونجود وليان وليلى قعدو
جاب عوض الدبابات وركبو ملاك وملاذ وايلام وايلاف ونارين وايلان بدو يتسابقون ويلعبون وملاك تصارخ وملاذ تصور
وقفو البنات وجا عبدالمجيد :ملاك في احصنه مشينا
ملاك ابتسمت:تمممم راحت وراحوا البنات معها
مشو الاحصنه وشافت ملاك واحد لونه بني وقالت:مجيد ابي ذاك
عبدالمجيد :يلا مشينا
جت ايلاف :وانا وانا ابي الابيض
عبدالمجيد التفت لها وشاف ايلاف
وانغرم فيها كانت ايلاف لابسه تي شيرت اسود وبنطلون اسود وعبايه سودا وكانت رابطه شعرها الطويل الاسود مايل على بني وعيونها الواسعه الي لونها بني فاتح
قعد عبدالمجيد مشوش فيها
ايلاف:هييييي معيييي
عبدالمجيد :ايه وش تبين
ايلاف :ابي الابيض
عبدالمجيد :طيب روحي بس بشويش تراه عصبي
ايلاف:وش عرفك ؟
عبدالمجيد:اعرف الاحصنه انا
راحت ايلاف ركبت الابيض وايلام الاسود وايلان بني ونارين ماركبت لأنها ماتحب الاحصنه وملاذ تصور البنات
ركبت ملاك وهي تتأمل الخيل وتلمس شعره ومشت بهدوء بعدين أسرعت وكانت مره ماهره بذا الشيء دق عبدالمجيد على عبدالملك وعوض ومحمد ونواف ومراد يجون
جو وشاف محمد بطلتنا وهي على الخيل وتمشي بمهاره وشوي تسرع وشوي توقف مراد كان يطالع بانارين وعيونه قلوب
محمد :ابك يا ولد اختك بتطيح
عبدالملك ضحك :مالقيت الا ملاك تطيح
عوض :ملاك خياله ماينخاف عليها نواف يطالع بإيلام ويضحك :
الحلم ملاك الواقع ايلام ضحكو العيال وكانت إيلام تحاول تركب الخيل وماعرفت واصلا لو ركبته بتطيح لأنها ماتعرف لهم
نواف:يا حلوه انزلي انزلي عرفنا انك ماتعرفين
إيلام جت عنده :لا تقول حلوه وبعدين بتشوف والله للركبه واني لابهركم
نواف:قصدك تخرعينا
إيلام:كل زق
نواف :طيب عندي لك خيل تحفه
إيلام:وينه
نواف امشي معي مشت معه ووداها عند خيل صعنون وقال:
هاذا يناسبك
إيلام تطالع فيه وتقول :تعرفني عشان تمزح معي
نواف :ايه
إيلام بصراخ:نوافففففف ركضت وراه ونواف يركض وهو يضحك:اتحداك تمسكيني ركضت ايلام وهو يسرع ومرو من عند العيال والعيال طايحين ضحك
قربت ايلام لعند نواف وجت بتمسكه وطاحت
نواف يضحك وهي بكت نواف جا عندها :إيلام شفيتس ترا امزح ايلام ماكانت تبكي تمثل ومسكته وحفرت وجهه بتراب وركضت نواف بعد التراب عن وجه وركض وراها يا كلبههههه ركض وهي تركض مسكها وطاحو ونواف يضحك وايلام تضحك
إيلام:شكلك افففف يضحك
نواف :انا اوريتس
إيلام:هاذي نهاية الي يعبث معي
نواف اقول امشي بس فليتيها
مشو وراحوا للاحصنه ومشو كلهم ملاك كانت قدام محمد ومحمد وراها وكانو آخر الناس بدت تغرب الشمس وحست ملاك ببرد محمد جا من وراها واعطاها فروته: تدفي فيها ملاك :لا وانت ترا برد
محمد:عادي ماعليي تدفي فيها وإذا خلصتي رجعيها عادي
ابتسمت ملاك وتدفت فيها وكانت دافيه وكان ريحتها حطب وكانت تعشق ريحة الحطب وصلو وملاك جمعت فروة محمد وحطتها بين اغراضها مخططه اذا راح من عند العيال تعطيه وفصخت عبايتها ولبست جكيت طويل يدفيها
تعشو وراح الكل ينام ونست ملاك فروة محمد عندها
انطفت انوار الخيم ونامو
انتهى البارت حباني والبارت الجاي بنعرف ليلى وش تخطط له وهل عبدالملك بيتقدم لملاذ الحين أو بعدين وهل نواف يحب ومتى محمد بيعترف لملاك ؟؟؟ نشوف بالبارتات الجايه 👋🏻
الكاتبه :جيلان العتيبي
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
