الجزء الحادي عشر

2.7K 335 105
                                    

#طريق_يؤدي_اليك

بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
.
وتتمنى أن لا يكون طريقك وعراً
لتنجو
فيكون وعراً
وتنجو
لتعلم أن النجاة من الله
لامن الطريق
.
.
.
.
.
.
.
بثينة

___________________

ممر المستشفى والكراسي المتهالكة
ووجهي المتعب وادية المليانة دم
اخذوهة مني
من ساعة ونص مجاي أفهم
شيصير مقابيل غرفة مكتوب عليهة العمليات
الصغرى نقلوهة بعد ماوصلنة ووقفو الدم
اللي يجري بغزارة من جبينهة
وكتفهة المخلوق بشكل مرعب
أباوع أبو ياسر يركض
منا ومنا
راح لنهاية الممر يم التلفون اللي يم غرفة
الممرضات
اتصل وأجاني يحاجيني

-ولج بوية حاجيني بثينة ياااابة
عمت عيني شلووون فلتت من أيدي

أسمعة وأحس بي وأشوفة بس مغلفة
نفسي بفقاعة
تحميني من صدمة الخبر
أذا ماتت توتة أمووووت وياهة ماابقة
ألمن عايشة اصلا أني المن جاي أركض
وأتعب وأحاول
كل شي ألهة كل تعبي فدوة الهة

سندت راسي بأستسلام عالحايط
غمضت عيني
مدة دقايق واجاني صوت أبو ياسر وهو
يصيح

-صلااااوات عالنبي صلااااوات

فزيت گايمة ورحتلة

-فدووووة عمي شنووووو

-زينة تگول الممرضة  مخيطين
جبينهة والخلع اللي بكتفهة مرجعين ومداوين السحجة البي

تحركت راكضة للغرفة بعد ما سمعت الخبر
رجعتني الممرضة اللي لاگتني وهي طالعة
وجه بوجه

-خل أدخلللهة والله تبجي تبقى بدوني

-حبيبتي هسة خل يتأكدون من رجليهة

-ششنو شنو شبيهن

-رجليهة أحتمال مكسورات

لطمت على خدي

- لتنفعلين حبيبتي
والله جان خليتج تدخلين بس الدكتور
بلغنة تصحى يلة ندخلكم

-ليش مو صاحية لهسة عيوني خل أشوفهة

-انطوهة مخدر نسبة قليلة لأن صحت وهمة يشتغلون
فالدكتور گال ألم الكسر يخبلهة
خل نخدرهة وحتى كتفهة الضربة قوية وصايرة
سحجة مليانة دم هم نظفوهة

-بس اشوووفهة والله

-راح اشوف شيگولون وأجيج
لتدخلين حبابة والله يحاسبوني

دقايق وطلعت

-راح يطلعوهة يسوولهة أشعة
يتأكدون اكو رجل أكيد مكسورة
لأن العظم مبين  من الجلد مكسور
والثانية بس ورم شكو بيهة مرضوضة
رض بس ربع ساعة والله جاي يفيقونهة
لتخافين

طريق يؤدي اليك حيث تعيش القصص. اكتشف الآن