صباح يوم جديد عند عائلة آل سعود وكلهم صحو عشان يجهزون أغراضهم للبر راحت ملاك تصحي البنات وتصحي اخوانها
ناداها ابوها وراحت سلمت عليه
ابو عبدالرحمن:يا هلا ومرحبا ببنيتي
ابتسمت ملاك :هلا بأبوي
ابو عبدالرحمن:فينك مختفيه يا بنت سعود من يوم جينا الديره اختفيتي
ضحكت ملاك :لا يا ابوي بس تعرف بيت جدتي شغل وكرف وعزايم وماصرنا نشوف بعض
أبو عبدالرحمن:اليوم بنطلع للبر وابيك عندي ماراح افكك
ضحكت ملاك:ابشر يا ابو ملاك بقعد عندك واسحب عليهم كلهم
أبو عبدالرحمن:كفو يا بنيتي بس هااا
ملاك :سم يا ابوي
ابو عبدالرحمن:انتبهي لالفاظتس ولسانتس يا بنيتي يجيني خبر انك كلمتي عيال عمك بطريقه مو حلوه يا ويلتس ولا قعدتي معهم فهمتي
ملاك وهي مبتسمه ومن داخلها قهر:ابشر يا ابوي
ابو عبدالرحمن:كفو يا بنتيتي يلا روحي جهزي نفستس
راحت ملاك وهي زعلانه ليش كل ماسولفت مع ابوها يجيب طاري هواشاتها ويعصب عليها ويحذرها تشوف الفرق بينه وبين عمانها عمانها يعاملونها بطريقه كويسه وما ينبهونها على شيء وإذا سولفو مع بناتهم يسألونهم عن اخبارهم مو زي ابوها أول ماتدخل يقولها لا تتهاشين مع احد
راحت تبي تصحي البنات وصحتهم وراحت تجهز اغراضها والدمعه بعينها ليش ابوها يعاملها كذا وهل يحسبني عار عليه جهزت اغراضها وهي بداومة تفكير
ـــــــــــــــ
قسم الرجال
التفت الجد لولده سعود :ابك يا سعود بتعقل انت ولا وش
ابو عبدالرحمن:شفيني يا ابوي
الجد ابو عبدالله:الحين بنيتك وحيدتك جايه تسلم عليك ومشتاقه لك وانت تقولها لسانتس ولسانتس انت بتعقل ليه ماتعاملها كويس
ابو عبدالرحمن:والله يا ابوي بنيتي لسانها علي عار مابلا تتهاوش مع الرايح والجاي وكل شوي يدقون علي من المدرسه وماينفع معها الا كذا لاني نقطة ضعفها
الجد:الله يهديك شف بنات عمها زيها واردا منها
ابو عبدالرحمن:لا بنات اخواني محترمات ومايسون الي ملاك تسويه لو ماتعدلت أنها لتبقى عار علي
سمع عبدالمجيد حديثهم ودخل وهو معصب :
اذا انت تحسب بنتك عار عليك وكانو بنات عمامها اعقل منها فأنت غلطان اختي ملاك مافي زيها تحاول تتعدل عشان ترضيك وتغير من تصرفاتها بس انت كل شوي تجرحها وتقول انها عار عليك اذا هي عار عليك فهي فخرنا وسندنا وانا بدال ما اقول انا ولد سعود اقول انا اخو ملاك لأنها اختي وحيدتي سندي انا واخواني وانت يوم انك تقول عن بنتك عار عليك ترا كل مصايبها وهواشها انت لك دخل فيه من حبها لك اي احد يجيب طاريك بالسوء تلعن خيره بس انت مو شايف انت معمي عيونك كلام الناس الناس كلامهم مايغير شيء وإذا انت من كلام الناس الناس ذولي يحبون بنتك ويعزونها بس انت مو شايف الا تكبرك عليها
ابو عبدالرحمن عصب:ولد انتبه لكلامك تراني ابوك
عبدالمجيد ضحك:ابويي؟ابوي الي مو سأل على بنته ويتفشل منها هاذا مو ابو هاذا....قاطع كلامه كف أبوه له :
احترم نفسك يا مجيد ولا والله اني لاسوي شيء مايرضيك
الجد :سعوددد يدك لا ترفعها كل كلمه قالها صادق فيها
ابو عبدالرحمن جا بيعطي كف ثاني لعبدالمجيد بس مسك يده عبدالرحمن :يبه اكسر الشر يا يبه
ابو عبدالرحمن نزل يده وبدا يستغفر
عبدالرحمن:ليش ماتعامل ملاك كويس وش سوت لك
ابو عبدالرحمن:حتى الكبير صار يرفع صوته علي
دخل عبدالملك وهو معصب :من حقه من حقه يرفع صوته دام أبوه مايعامل بنته الوحيده زين اذا انت تعاملها كذا وتحس بفخر حن نكسر فخرك ذا ويوم أن الناس يجيبون طاري بنتك وتنزل راسك متفشل حنا نرفع روسنا ونقول اي نعم حنا اخوانها وهي سند لنا
عصب ابو عبدالرحمن وطلع برا البيت
جت ملاك ومعها قهوه لعمانها وجدها وأبوها دخلت وشافت ابوها طالع
ملاك:شفيه ابوي ليه معصب
الجد :خليه يذلف تعالي اقعدي عندي يا حبيبة جدها
ملاك عضت على شفايفها عشان جدها غلط على ابوها وقالت :يا جد تكفى لا تتكلم عليه مسك عبدالمجيد أعصابه وبهمس لعبدالملك :هي تدافع عنه وهو ماهمه يحسب بنته عار عليه الحمدلله والشكر
عبدالملك :مجيد خلاص اكسر الشر جلست ملاك وبدت تسولف مع عمانها وجدها وطلعت بيجهزون للبر
دخل نواف على محمد وهو جالس على جواله
نواف:يلا يا ولد مشينا
محمد كان يدور حساب مالك :
شوي طيب
جلس نواف جنبه :شتسوي
محمد مايبي يقول سالفة ملاك لأحد :ادور حساب واحد سلتوح
نواف :أبا سلتوح مره وحده ليه
محمد:ولا شيء يلا مشينا
بدو يجهزون وملاك خايفه على ابوها تدق وما يرد تجهزو ولبسو كلهم عبايتهم ونزلو البنات
محمد شاف ملاك وابتسم بس استغرب ليش متضايقه
قرب :ملاك فيك شيء
تذكرت ملاك ابوها يوم قال لا تقعدين معهم بعدت وقالت:أدق على ابوي مايرد
محمد انا بدق عليه
دق محمد ورد ابو عبدالرحمن:هلا شبغيت
محمد:يا عم بنحرك للبر تعال
ابو عبدالرحمن:لا يا وليدي ماني بجاي
محمد: تكفى يا عمي سعود طلبه ترجاه محمد وقال :خلاص بجي اسبقوني
حركو للبر وكانو البنات كلهم مع نواف ومحمد الا ملاك ركبت مع ارجوان ومنيره وريم وعيالهم وحركو مع وليد
وليد:ملاك معنا؟
ملاك:ايه يا اخوي معاكم
وليد:حياه الله اختي الصغيره
ابتسمت ملاك :الله يحيك يا اخوي
علاقة وليد وملاك علاقة اخوان ويعتبرها زي اخواته
استغربو البنات وسألت ملاذ:ليش ملاك مو معنا
نواف:مدري يمكن حبت تغير
ايلاف:لا انا اعرفها أحسها متضايقه
إيلام:والله لو انها متضايقه اني لاصفق الي زعلها
ليلى :خلاص بنات اسحبو
ملاذ بحده:ليلى امسكي لسانتس لا اقوم لتس
ميار:اذا طلعتي انتي الي مضايقتها اني لانتف شعرتس
ليلى:ماقلت شيء بس قلت خلاص اسحبو يمكن خالي سعود قال لا تركبين مع عيال شفيكم قلبتو
سكتت ملاذ وقعدت تهوجس هل عمها قال شيء لملاك ولا لا
مشو ووقف محمد عند قهوه :مين يبي
كلهم قالو يبون ماتشا الا ملاذ وميار وايلام :مانبي شيء
اخذ محمد طلبات البنات ووحركو للبر وصلو ال سعود البر
ونزلو أغراضهم نزلت ملاك وجت ملاذ :شفيك مو معنا
ملاك:وليد قال اركب معه وقلت والله ماارده
ملاذ:يعني انتي زعلانه
ضحكت ملاك :ازعل من وش
ملاذ :طيب ترا عوض مجهز لنا جلسه نجلس مع بعض
ملاك:لا ماراح اقعد معكم
ملاذ:ليشش
ملاك :تعبانه
ملاذ:ملاك تراني اعرفك مانتي تعبانه قولي ليش ماتبين تجلسين؟؟
ملاك:ابوي قال لا اشوفك معهم وقلت ابشر
ملاذ عصبت:شفيه عمي سعود مو لذي الدرجه عاد
نادا ابو وليد ملاك
ملاك:ملاذ عمي عبدالله يناديني بروح
راحت ملاك وملاذ معصبه من عمها سعود
راحت ملاك وقالت:سم يا عم
ضحك ابو وليد:هلا بشمعة الدار تعالي اقعدي عندي
ملاك:ابشر يا عم
جلست ملاك عند عمها
ابو وليد:شفيك يا بنتي أحد مضايقك
ملاك :لا يا عيوني مافيني شيء
ابو وليد :الا فيك شيء
ملاك:والله يا عمي مافيني شيء
ابو وليد اكيد ؟
ملاك :اكيد
ابو وليد :طيب ليش مو قاعده معهم وأشر على جلسة البنات والعيال
ملاك: لا يا عم ابوي مانعني
ابو وليد عصب:وليه يمنعنك
ضحكت ملاك :كيف ليه يمنعني ابوي وعارف مصلحتي
ابو وليد :روحي عندهم ماعليك منه
ملاك:لا ياعم ماحب اعصي ابوي
الجد يناظر بملاك وهو مكسور ماتبي تعصيه وتحبه وهي لو سمعت كلامه بتنجرح أكثر
ابو وليد :عادي يا بنتي روحي عندهم وانا بقنعه
ملاك:ابشر يا عم
راحت ملاك وقال ابو وليد:الله يرضى عليتس ويهدي ابوتس
الجد:والله انها كسرت قلبي ماتبي تعصي ابوها هي لو تدري انها عار على ابوها وش بتسوي
ابو وليد عصب:يبه الظاهر ولدك فيه شيء هاذي بنته وحيدته وهو يحسبها عار والله لو انها بنتي اني لافتخر فيها انا ابي بناتي زيها وأبوها يقول انها عار لا سعود شكل كبر وخرف
راحت ملاك وجلست جنب ملاذ
عبدالملك :ارحبي هلا والله بخيتي
ملاك:هلا فيك يا قلبي
عبدالملك :الحمدلله مو دودي
ضحكو الموجودين وعوض لاحظ على ملاك الزعل
عوض:ملاك
ملاك كانت تهوجس
عوض:ملاككككك
ملاك صحت من هواجيسها:ها
عوض:شرايك نقوم نمشي
ملاك :ابشر
مشت مع عوض وعوض مسك يدها وبدو يمشون محمد كان يفكر فيها وهل هي متضايقه وكان وده هو الي يمشي معها ويمسك يدها
انسدح محمد وقعد يفكر فملاك وهل هي سعيده
وليلى تناظر محمد ومعجبه فيه
خلص البارت حبايبي
ارجع لكم ببارت جديد
🌷🌷🌷
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
