ماسويتلك مو زين هاي
الضلت بگلبي
.
.
.
دخل للبيت متوجه للأستقبال متقدم حيث يكعد ابو
تقرب منة وسحب ايده وباسها
السلام عليكم
شلونك يابة
رد الاب ونضراتة على ابنه
هله بيك ذياب اجيت بوكتك
ذياب باوع الابو بأستغراب
چان وجه ابو جدي وناداه بأسمة
بدون كلمة بويه الدائما يضيفها الاسمة
خير بوية صاير شي
رد الاب من شاف ابنة گعد يمة خال ايده على ساقة
گايل
شوف بويه ذياب ، سيف صحيح غلط واحنه عاقبنا ومارحمنا ، ضربتو وغلطتو عليه وحبستو
وهاي صارلة ثلاث ايام محبوس اكيد
عرف غلطه وتاب
كافي هاي هية عوف الولد يرجع الحياتة
الطبيعية
رد ابنة بسرعة وحواجبة نعقدت
يابة رحمة الوالديك
شايفلك چلب انعدل ذيله
فد يوم ،
مثل ابن اخوك الضاهر ميفيد ويا
غير الكتل والحبس
لان الطيب ماچاب نتيجة
وياه
رد ابو بحزن
بوية الولد يتيم وعاش عمره بدون اب وام
خطية ارحم بحالة ولاتصير قاسي الگلب
لان احنة ابعمرنا ماربيناك
على قساوة الگلب
ذياب البده ينزعج من تدخل ابو بهذا الموضوع
بالذات
واني ماقصرت ويا احسن تربية ربيتة
احلا عيشة عيشتة
وفضل غرفة وسياره مشتريله الحد الان
بس هوه ابمكان ما يرفع راسي
ويركز بدراستة ويصير فد شي چبير شسوه
استغل ثقتي بي و
راح نيج من وره ضهري
ونزل راسي بالطين
رد الاب ابمحاوله انه يهدي ابنه الهايج
ميخالف بويه بعدة صغير ومايفتهم
وهسه عرف غلطة
انطي فرصة يصحح غلطة
نهض الاخر من مكانة ناهي النقاش
بوية ابوس ايدك عوف هذا الموضوع
اني الفسدتة وطلعت عينة ابسبب دلالي الزايد الة خليني ارجع اربي
من جديد بطريقتي
