🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

صحيت من النوم بخضة وهي بتبص حواليها برعب بصت علي هدومها لقتها زي ما هي

رجعت بصت تاني جنبها لقت ريان نايم جنبها

إتنهدت بإرتياح وعرفت إن كل اللي حصل ده كان حلم لا مش حلم ده كان كابوس

رجعت بصت له تاني بغضب وزقته برجليها فوقع علي الأرض

ريان بخضة " اااااه عملتي إيه يا غبية "

حركت عائشة إيديها بسرعة وغضب بمعني " بقي يا حيوان عايز تخلص مني إن شاء الله أنت اللي تتخطف وتموت مش أنا "

ريان بحدة " يا ريتك تتخطفي بجد يا شيخة وكنت هرتاح منك ومن قرفك لسه متجوزين إمبارح وبجد قرفت منك بتحلمي بأحلام بجد نفسي تتحقق "

عائشة مسكت كوباية المياه اللي جنبها علي الكوميدينو ورمتها في وشه

عائشة إبتسمت بسخرية علي مظهره وهو كان عايز يقوم يخنقها بس سابها

_" ليكِ يوم يا خارسة "

طلعت له لسانها وهو سابها ودخل التويلت

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد أسبوعين بجد مش حلم

كان قاعد في كافيه مع واحدة فيه بينهم شغل وقاعدين يتكلموا في تفاصيل الشغل وهيعملوا ايه فموبايل ريان رن

ريان بإبتسامة ضيق " معلش هرد علي المكالمة دي البني آدم عمال يرن كتير هشوف هو عايز وأرجعلك "

لارا بعملية " تمام مش مشكلة "

ريان قام وخد جنب بعيد ورد بضيق ووقاحة " آلو مين عمال ترن ترن ترن إيه مش بتزهق "

_" مراتك معايا ولو عايزها سليمة تعال علي العنوان اللي هقولك عليه ومعاك مبلغ مش أقل من 10 مليون دولار "

ريان بصدمة حاول يخبيها وإتكلم بجمود " عائشة عند أهلها بطل حوارات "

_" ههه لو مش مصدقني شوف الصورة اللي بعتهالك "

ريان فتح الصورة لقاها صورة رقبة واحدة وعليها وحمة

_" دي مش عائشة "

الخاطف بسخرية " ريان باشا شكله لسه مشافش اللي أنا شوفته يااا ده أنا حظي حلو أوي "

ريان قفل الخط في وشه وإتصل علي عائشة مرة وإتنين وتلاتة بس مفيش رد إتصل علي مامتها وبردوه مفيش رد رن علي والدها رد عليه

_" آلو عائشة فين يا عمي "

_" نايمة يابني فيه حاجة "

_" لا مفيش برن عليها مش بترد إديهاني عايز أقول لها حاجة "

_" نايمة يا ريان بقي لها من الصبح بتساعد مامتها ونامت تعبانة "

ريان إتنهد براحة " تمام مش مشكلة لما تصحي خليها تبعت لي واتس أو ماسنجر "

_" تمام يا بني "

_" اه قبل ما أقفل هي عائشة عندها وحمة في جسمها "

يحي والد عائشة بإستغراب " اه في رقبتها وبعدين مش أنتم متجوزين المفروض تكون عارف "

_" أصل عائشة بتتكسف أوي وأنت عارف كسوف البنات وكده "

_" اه ربنا يهنيكم ببعض "

ريان فضل يكلمة لدقيقتين وبعدين قفل يحي عارف إنه إتجوز عائشة عشان الفضايح بس بعدين لما كان بيكلمهم كانوا بيبنوا إنهم كويسين ومرتاحين مع بعض وهو إستغرب إنهم خدوا علي بعض بالسرعة دي وماشكش في أي حاجة

موبايل ريان رن تاني بس برقم غريب

ريان بعصبية " آلو مين "

_" يحي قالك كلمتين طمنوك بس هو بيكدب عليك والحلوة مش هرجعهالك هتسلي معاها شوية ونقضي وقت لطيف هي قمر أوي أوي أوووي "

الخاطف قفل في وشه وريان إتجنن وساب المطعم حتي إنه نسي لارا اللي كانت مستنياه

راح بسرعة علي بيت أهلها وخبط جامد علي الباب لحد ما والدتها فتحت له دخل بسرعة وفضل يدور في كل أوضة ملقهاش لحد ما اتصدم باللي شافه

#هوس_حد_الجنون
#شروق_حسام