كلُّ سرٍّ في الفؤادِ له دويُّ
كأنَّ الصمتَ يروي حكاياتِ
الساعة السابعة صباحاً ، جسمي يرتجف من البرد
ليالي كانون الاول كانت قارصة جداً
نهضت من فراشي لبست شي يدفيني كان الجو ضبابي بالخارج ، وما تبقى الا ايام لرأس السنة الميلادية
سويت الريوك وكعدت اتصفح حساب المكتبة
كانت هناك كم طلبية المفروض اسويهم اليوم
كملت فطوري وبعدها فتحت المكتبة كان اول نفس عميق الي بالنهار بين الكتب ، فتحت الاضوية وباب المكتبة كان
مفتوح للزبائن ، حضرت الروايات الي كانوا مطلوبين غلفتهم وكملت ووضعتهم على رف التوصيل منتظرين المندوب حتى يوصلهم ...
بعد دقائق وصل المندوب وسلمت الطلبيات كذلك والجاي مثل العادة بهيج جو شتائي وبارد
يكون اله واقع على روحي ، وبهل اثناء دخل اول الزبائن كان يبحث عن كتاب ثلاثية غرناطة ...
اريا : عمو يا طبعة تريدها
الزبون : افضل الاولى
اريا : بس ما اعتقد تحصلها جديدة
الزبون : عادي عمو المهم نظيفة
اريا : من عيوني تجي باجر تلكيها جاهزة
الزبون : والسعر شكد
اريا : منختلف عليها احضرها الك باجر واراعيك بالسعر
الزبون : شكرا يا لطيفه
اريا : عفوا عمو
كان اسلوبه حلو مثل قيافته البغدادية المتألقة ، بعدها توالت الزبائن حتى صار وقت الغدة ، بقيت بالمكتبة
فاقدة لشهيتي وما حسيت بتعب حتى اتمدد على السرير
فتحت حلقة من one piece ، جان المفروض حلقة وحدة كلنها استمرت ، حتى نفتح الباب كانت ملاك خدها بيه ورم
غلقت هاتفي واتجهت نحوها ...
اريا : لج شبيج شبيه خدج
ملاك : ما اكدر احجي سني ملتهب
اريا : اوو ، تعالي كعدي
ملاك : حموت من الالم
اريا : لعد ليش باقيه لسه ما رحتي للمستشفى
ملاك : اريد اروح لدكتور اسنان زين يسويلي حل
اريا : اوكفي نروح سويه
ملاك : لا انتِ عندج شغل اني اروح بحدي
اريا : انجبي زين
ملاك : نجبيت
اريا : عفية لا اورم سنج الثاني
ملاك : دروحي
اريا : يله نطلع
غلقت باب المكتبة وطلعنا ندور دكتور اسنان ، كانت كل العيادات مغلقة بهل وقت ...
اريا : ياربي لعد شلون
