🦋 إسكريبتات شروق حسام 🦋

اسكريبت 🦋 هوس حد الجنون 🦋

إسكريبت 🦋 بقلم شروق حسام 🦋

_" أنتِ هنا زيك زي الكرسي ملكيش أي ستين لازمة جوازي منك كان عشان الفضايح مش أكتر "

أكمل بحقد " بعد ما الهانم بنت خالتك هربت من الفرح "

بصت له وهي مش عارفة هو بيقول إيه لأنه بيتكلم بسرعة ومقدرتش حتي تقرأ حركه شفايفه

ضحك وقال بوقاحة وببطئ عشان تفهم كل كلمة هيقولها " هههه اه هتفهميني إزاي وأنتِ يا عيني خارسة وطارشة كمان غير ده كله شكلك يقرف ووشك مليان حبوب ده غير بشرتك السمرا اللي كل ما ابص لها بكون عايز أرجع أنتِ مجرد واحدة مقرفة ولولا إنِ إتجوزتك بعد ما الخاينة هربت مكنش حد عبرك وكنتِ هتفضلي طول عمرك لوحدك ومحدش هيبص في وشك وأنتِ بكل القرف ده "

عائشة بصت له ببرود ومظهرش علي ملامحها أي ردة فعل

_" بجد أنتِ جبلة "

قلبت عينيها بملل وراحت فتحت شنطة هدومها وخرجت منها دفاية سلوبتة علي شكل أرنب

وسابته ودخلت التويلت غيرت فستان الفرح ولبست مكانه الدفاية

بص لآثرها وإتكلم بقرف " روحي كتك القرف "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

عائشة نامت علي السرير وهي حاسة بتعب وعايزة تنام نوم عميق بس لقت نفسها مرمية علي الأرض

قامت بسرعة لقته هو اللي عمل فيها كده

بصت له ببرود وحركت إيديها بلغة الإشارة بمعني " بني آدم تافه ووقح كمان يا ريان "

ريان بضحكة إستهزاء " عارف يا سمرا إنِ وقح مش هتعرفيني يعني "

كمل بوقاحة " ويلا غوري نامي علي الأرض ولا علي الكنبة "

عائشة بكل برود زقته برجليها بكل قوتها وقعته علي الأرض زي ما عمل معاها

ريان بغضب " أما صحيح مش متربية "

عائشة مسكت المخدة وضربتها علي وشه فهو مسك المخدة التانية ورد لها الضربة وفضلوا الإتنين كده لحد ما ناموا مكانهم من التعب

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد أسبوعين

كان قاعد في مكتبه بيراجع شوية ورق لحد ما موبايله رن برقم غريب

ريان بوقاحة " آلو مين الغبي اللي بيرن متأخر كده "

_" مراتك معايا ولو عايزها تعالي علي العنوان اللي هقولهولك ومعاك 10 مليون دولار"

ريان بضحكة عالية " أوووه عائشة إتخطفت يااااا أخيييرًا هخلص منها حمل وإنزاح "

كمل بهدوء " حظ أوفر المرة الجاية الهانم عند أهلها زيارة "

الخاطف بغضب " أنا مش بهزر ولو عايز تسمع صوتها .... "

_" مراتي خارسة بعد كده أبقي رن علي حد تاني وأبقي قوله الكلمتين دول أما أنا مش أهبل عشان أصدق أي كلمتين بيتقالوا "

فصل الخط في وشه وما إداش لكلامه أي إهتمام

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" شكل كده جوزك مش مهتم بيكِ يا حلوة إيه رأيك نقضي شوية وقت لطيف مع بعض بدل ما الفلوس مش هتيجي أنتِ هتيجي بدالها أنتِ اه مش حلوة أوي بس هتوفي وتكفي غرضي "

بدأ يقرب منها بخطوات ثابتة وأول ما بقي قدامها راحت ضربته بكعب جزمتها في رجله فوقع علي الأرض وهو بيصرخ من الوجع

وهي جريت بسرعة بس الجزمة عاقت حركتها فقلعتها بسرعة وكملت جري لحد البيت ولحسن حظها إنه ماخطفهاش في مكان بعيد عن بيت أهلها

دخلت بسرعة البيت وراحت علي أوضة باباها ومامتها ملقتهمش موجودين جت تخرج من الأوضة لقت قدامها الخاطف

_" بقي بتضربيني أنا يا حيوانة "

_" طالما أنتِ مش عايزة تيجي بالذوق هتيجي بالعافية وهأخد اللي أنا عايزه ومش هتعرفي تخرجي صوت واحد أو تطلبي المساعدة "

مسكها من وسطها وحدفها على السرير بقوة وقرب منها وخد منها اللي هو عايزه وهي مش قادرة حتي تصرخ أو تطلب المساعدة

#هوس_حد_الجنون
#شروق_حسام