راحت ملاك تكوي ثياب اخوانها وخلصت ودقت عليها نارين
نارين :ملاك عيوني
ملاك :لبيه يا قلبي
نارين:حنا رحنا الرياض بنتجهز هناك ام ظافر دقت على امي وقالت نجي تساعدها
ملاك:خلاص يا عيوني اصلا باقي شوي ونجي
وهي تكلم أحرقت اصبعها
وصرخت :اوتشششش يا حيوانننن
نارين :يا عيوني فيك شيء
ملاك:حرقت اصبعي
نارين :الله ياخذني انا ليش دقيت الهيتك عن شغلك
ملاك:لا يا عيوني مو كذا عادي خفيف وهي كانت تكذب ماكان خفيف
سكرت وقعدت تصيح من الالم كان محمد يمشي بيروح عند أمه وسمع صوت صياح وفز قلبه لأن الصوت صوت محبوبته
دخل المجلس وشاف ملاك تصيح
محمد:ملاك شفيك
ملاك مسحت دموعها :ولا شيء
محمد :كيف ولا شيء وانتي تصيحين
ملاك:حرقت اصبعي
أنها محمد وجا شاف يدها وأنها ملتهبه
محمد:يا ورعه حرقتي يدك اوديك المستشفى
ضحكت ملاك وبانت غمازتها الخفيفه :لا مايحتاج خفيف عادي بحط كريم ويروح
محمد :انكتمي قال ايش قال خفيف اصبري بروح وارجع
راح محمد يجيب لصقة جروح وجا حطها على ملاك
ملاك :ماله داعي
محمد :اصص
حست ملاك القرب الي بينها وبين محمد كيف مره قريبين من بعض وبعدت عشان محمد يلاحظ
محمد ماكان حولها كان يلصق يدها انتهى وقال:خلصنا
ملاك:شكرا يعطيك العافيه
جت بتكمل تكوي سروال عبدالرحمن
محمد:مهبوله انتي يدك محروقه وبتكملين
ملاك :شدعوهه تراه...ماكملت كلامها
الا محمد سحب المكواه ويكوي سروال عبدالرحمن
ملاك:محمد ماله داعي
محمد :ولا كلمه خلاص هو آخر. شيء خليني أسويه
كانت تطالع فيه ملاك وأنه كيف كاشخ واطلع بعيونه الحاده وعيونه الي مايله على بني وشعره الاسود الناعم
قعدت تطالع فيه ومحمد لاحظها وابتسم وبانت غمازاته الثنتين :شفيك تطالعين لهدرجه انا حلو
ملاك:ههه مصدق نفسك انا أطالع بسروال اخوي لا تحرقه
محمد:انا احرقه
ملاك:متوقعه منك
خلص محمد وعطاها السروال وشم ريحتها وابتسم :خذي خلصت يا بنت العم
ملاك ابتسمت :شكرا يا ولد العم
راح محمد وهو مبسوط وملاك ودت ثياب اخوانها
جت ملاك عند امها وعطتها الثياب هاذي ثياب اخواني
انا بروح اعدل مكياجي والبس عبايتي
ام عبدالرحمن :بسم الله عليتس ليه يدك ملصقه
ملاك:حرقت يدي
ام عبدالرحمن:الله يهديك يا بنتي ماتنتبهين
ابتسمت ملاك :عادي كل شيء يهون لعيون دحومم
ام عبدالرحمن ضحكت :مجنونه
راحت ملاك تعدل مكياجها وشافت البنات وقالت :الله ماشاءالله جميلات حصنو نفسكم ولا تدرون انا بحصنكم
جت تحصن البنات وحده وحده وجت عند ليلى وضحكت:ماشاءالله تهبلين بس شعرك
ليلى :تراني انتظرك تظبطينه
ملاك ضحكت :خلاص تعالي
ظبطت شعرها وجت تحصن ليلى
ملاذ:انتي حصنتينا بس مين يحصنك اكيد انا
جت ملاذ تحصن ملاك
ملاك:بنات بعدل مكياجي
شافت. ملاذ لصق الجروح على يد ملاك وخافت:يمه ميمي وش في يدك كذا
ملاك :حرقت يدي
ملاذ صفقت ملاك على خدها بشويش وقالت :مره ثانيه انتبهي على نفسك يا حيوانه
ملاك ضحكت:ابشري
جت ملاك تعدل مكياجها وميار تصورها لأن وضعية ملاك كانت تجنن على المرايا
خلصت ملاك والبنات ولبسو عباياتهم كانو كلهم عبايات سودا حتى ليلى
ونزلو شافتهم الجده وابتسمت :ماشاءالله هذولا حفيداتي
ضحكو البنات وقالت ملاك:ايه يا نظر عيني
الجده :بسم الله على حفيداتي تعالو احصنكم
ليلى :جده مايحتاج ملاك حصنتنا
الجده :اي مايخالف احصنكم مره ثانيه
حصنتهم ومشو عند الباب الي يطلعك برا البيت
قبل يطلعون البنات مسكتهم ملاك
ملاك:بنات قبل نطلع حطو الطرحه على راسكم عبدالملك بيودينا
ليان :ليه هو متشدد
ملاك:لا بالعكس بس احتراما له وهو يغار علينا من الي برا
وافق البنات وحطو الطرحه على رأسهم وطلعو عبدالملك كان بيودي البنات هو ومحمد طلعوا وشاف عبدالملك ملاذ وجا من وراها ورما الطرحه على وجهها وقال:تغطي من عيون الحساد
ملاذ:ابوي انت؟
عبدالملك همس بإذنها :لا زوجك المستقبلي
فتحت عيونها ملاذ وقالت :تخسي
عبدالملك :باخذك يعني باخذك
ملاذ تأكدت أن عبدالملك يحبها وتحس أن بطنها فراشات انو عبدالملك الي له هيبه والكل يخاف منه خضع لها هي فرحت ومشت كان محمد بياخذ منيره وملاذ وملاك وميار وايلام
نواف قدام والبنات ورا
نواف :محمد شغل شيء
كانت ملاك ورا محمد وقالت :لا لا بيأذن بعد شوي
نواف :هدي يا المطوعه
محمد مسك يد نواف الين ماعورته وقال بحده :وهي صادقه بيأذن بعد شوي وصوتك لا ترفعه على حريم
فهم نواف وقال :ابككك ابو سعد نتفاهم بعدين
إيلام :نواف
نواف:مين يتكلم
ايلام:الجني الاحمر انا اتكلم
نواف :شتبين
إيلام:تدري لو سكرت فمك هاذا دقيقتين بتصير معجزه انكتم صجيتنا
نواف :ماراح ارد عليتس لانتس بزر
إيلام:هدد مسوي طالع منها
محمد:خلاصصص انت وياها
محمد :نواف تراك عسكري اعقل
إيلام:اما عاد ذا البزر عسكري
محمد:إيلام خلاص
إيلام:تم خلاص
مشوو وقربت إيلام من ملاك وبهمس :الحين ذولي عساكر
ملاك :ايه
إيلام:تصدقين مو مبين أن ذولي البزران عساكر
ملاك ضحكت :اي والله
محمد طالع وكيف بتهامسون:شعندهم سنافر القريه يتهامسون
ملاك:سوالف بنات مالك دخل كمل سواقه
محمد :اصص يا شغالة البيت
ملاك :تعقبب
منيره :انا وش خلاني اركب معكم صدعتو براسي
محمد غمز :تبين انزلك عند حمودك
منيره :اسكت يا قليل الادب
ملاك:اظن انها اشتاقت للحب حقها
منيره :يمه بنت اهجدي
ميار :الله يرزقنا
إيلام وملاك بضحك:امينن
منيره خجلت منهم وسكتت
محمد بقلبه :الحب قدامك قاعد يسوق يا روح محمد
وصلو الرياض وراحوا محمد ونواف قسم الرجال والبنات قسم الحريم
دخلو وراحوا يفصخون عباياتهم وراحوا يساعدون كناين ام ظافر وبناتهم
تقدمت ملاك عند ام لمياء :السلام عليكم خاله
ام لمياء لفت :هلا وعليكم السلام يا هلا والله
ملاك :خاله وين لمياء
ام لمياء :اطلعي فوق ثاني غرفه على ايدك اليسار
ملاك ابتسمت :شكرا خاله باستها على رأسها وراحت
دخلت عند لمياء
لمياء :ملاككككك
تقدمو يحظنون بعض
ملاك:ايوه شفيها عروستنا متوتره
لمياء :مو متوتره بس كنت خايفه تتأخرين ومحد يسوي لي ميكب
ملاك :افا انا اتأخر على لولي اخسي والله
تقدمت ملاك تسوي ميكب للمياء وخلصت وظبطت شعر لمياء
ملاك:خلصنا يا حب دوري شوفي
لفت لمياء وانصدمت :ماشاءالله تسلم يدك ميمي
ملاك :لولي بنزل تبين شيء؟
لمياء :لا حبي سلامتك
نزلت ملاك عند ملاذ وميار وكانو واقفين يرتبون مقبلات الملكه ورتبو وكل شيء وراحوا في الزاويه يريحون ويشربون قهوه سعوديه
ملاذ :بنات وين نارين ونجد ونجود
جت نارين :هاذاني لفو البنات وانصدمو من جمال بنات عمهم
ملاك:بنات ترونا ما أرى
ميار وملاذ :نعم نعم نرى
نارين :يمه شفيكم
ملاك :بسم الله عليك تهبلين شذا تعالي احصنك
نارين :جدتي حصنتني
نارين كانت لابسه فستان من فوق ماسك ومن تحت مفرش شوي وكان بدون اكمام ويجنن عليها كان لونه سماوي
ونجد كانت لابسه فستان ماسك على جسمها ويجنن عليها كان لونه اسود ونجود كانت لابسه فستان كحلي اكمامه طويله وماسك
ملاك :بسم الله على بنات عمي يا حلوكم
ضحكو وقعدو يسولفون على ماتناديهم جدتهم يستقبلون الحريم
ــــــــــ
قسم الرجال
سعد:يا عيال
سامر وسلطان :ها
سعد:تذكرون البنت الي قابلناها في البقاله
العيال:ايوه
سعد:تراها بتحظر تقول إن العروسه عمتها
سامر:يا سبحان الله صدفه
سعد:يا عيال طلعت اكبر منا
سلطان :تمزح
سعد:وربي طلعت باول ثانوي
سامر: القطار فاتنا
تكا سعد على كتف سلطان وقال:يالله يا قلبي سرينا ضاقت الدنيا علينا وسلطان يقول :مالي نصيب الحب راحت من يدي وقعدو حزينين
عند محمد والعيال
عوض :يا ولد انت وياه
محمد ونواف وعبدالملك وسلطان الي كانو مرهقين من
التعب
عوض :قومو ضيفو الرجاجيل
سلطان يمثل أنه يصيح :لاااا كابوس سلطان
عوض:ابك وش تبي الرجاجيل يقولون عنك ماضيفنا بمكلة أخته
محمد :عوض انت شايف العدد كيف يخوف
نواف :يا عيال خايف اسلم على واحد ويسحب علي
عوض:صدق انكم حريم
محمد:عوض ليش الرجاجيل كثير
سلطان:لأن يا روح ابوك نسيبي عنده معارف كثيرررر تقل جايب قوم محمد
محمد :ليش طيب
سلطان :لان النسيب معروف بأخلاقه واحترامه عشان كذا الرجاجيل كثير كل ذولا عبدالله ساعدهم
محمد:ليت نسيبك منبوذ
سلطان :ابك يا ولد اذكر ربك
نواف :يا عيال إذا الملكه كذا الزواج كيف
محمد :شكلنا بنقعد في البيت لان لو حظرنا بنختفي
عوض:الله يعيني عليكم
نواف:يا عيال خايف الاكل يخلص
عوض:كلن على همه سرا امشو ضيفو الرجاجيل معي
ــــــــــــ
قسم الحريم بدأت الاغاني تشتغل عندهم والبنات مستمتعين
ملاذ:ميار ملاك
البنات :هلا
ملاذ بروح عند الدي جي يخليها تشغل لنا اغنيه ونرقص عليها ونسحب ايلاف معنا
البنات:تممم
ملاذ راحت عند الدي جي وقالت لها الاغنيه وشغلتها
ملاك:بنات اذا جاء البارت الحلو بنرقص
ملاذ :تم
ميار :بروح اجيب ايلاف
جابو ايلاف وحاولوا يقنعون فيها ورفضت
ايلاف:والله ما ارقص
ملاك:والله ترقصين
ملاذ :خلاص بنجيب لمى هي جوها كذا
ملاك :تممم جابو لمى ووافقت وجا البارت وطلعو الاربعه يرقصون على الاغنيه
فزي له يا ارض لا جاك
ـ
بشويش يتمايل هو مو
ـ
قصده ولكن كذا ربي خلقه
ـ
لا مشى يمشي على ضلوع صدري
ـ
ولا طايل لا سماء لا ارض
ـ
ربي عساه يوفقه قيد احساسي
ـ
بقيده وسوى بي الهوايل
ـ
ملاك وملاذ وميار ولمى
كانت ملاك ترقص باحترافيه هي والبنات
والأمهات من بعيد يحصنون بناتهم وكانت كل الأنظار
على بطلاتنا الي يرقصون
انتهت الاغنيه ونزلو البنات
إيلام:بنات رقصكم يجنننن
ايلان:والله بدعتو
ايلاف:الحمدلله لمى جت بدالي عشان نشوف الجمال
لمى :شكرا بنات قعدو يسولفون ولمى راحت
تقدمت عندهم حرمه وقرصت ملاك من خصرها
ملاك لفت بتهاوش وشافت أنها حرمه وقالت:هلا يا خاله آمري
الحرمه:عجبتوني وسألت عنكم وقالو انكم بنات آل سعود
ملاك توترت :طيب
الحرمه :بغيت اخطبتس لحفيدي مسعود وانتي اشرت على ملاذ وانتي لولدي مطلق وانتي اشرت على ميار وانتي لحفيدي منصور
ملاك:يا خاله حن مانبي...
قاطعتها ميار :يا خاله حن مخطوبات ملاك مخطوبه لأخوي محمد وملاذ مخطوبه لولد عمي عبدالملك وانا مخطوبه لولد خالي عبدالله ملاك فتحت عيونها
الحرمه :الله يوفقكم يا رب
راحت الحرمه ولفت ملاك:مهبوله انتي
ميار:بنات يععع مانبي خطبه
ملاك:يا حيوانه بتروح عند امهاتنا وبتسألهن بعدين مالقيتي الا محمد يكون خطيبي
ميار:لايقين على بعض
ملاك:ويع
ملاذ:وانا مالقيتي الا عبدالملك
ميار :بنات شفيكم امزح
ايلاف:الحمدلله اني مارقصت
ملاك مسكت رأسها:يا ويلي من امي بتحسب بيني وبين محمد شيء
ملاذ :خلاص انسي وهيا نمشي عند لمياء طلعوا البنات عند لمياء وسولفو معها وقالو لها موقف الحرمه وقعدت تضحك هي والبنات
كملو سوالف ونزلو خلصت الاغاني وجت زفت لمياء
انزفت لمياء والبنات يصفقون
ـــــــــــــــ
قسم الرجال
كانو العيال يضيفيون المعازيم وجا الشيخ
بدا الشيخ وقال :ان الحمدلله وبحمده ونستعينه ونتسغفره
ونعوذ بالله من شرور أنفسنا ومن سيئات أعمالنا ومن يهده
الله فلا مضل له ومن يضلل فلا هادي له واشهد أن لا إله إلا الله وحده لا شريك له واشهد أن محمد عبد الله ورسوله
يا ولي أمر العروسه طالع بعبدالله وقل زوجتك ابنتي لمياء على سنه الله ورسوله
ابو سلطان:زوجتك ابنتي لمياء على سنة الله ورسوله
الشيخ:عبدالله هل قبلت هاذا الزواج
عبدالله:نعم قبلت هاذا الزواج
تقدم عبدالله ووقع وبصم على الايباد وأخذ سلطان الايباد وأعطاه لمى
سلطان:خلي لمياء توقع
لمى:تمام اخذت الايباد ووقعت وبصمت لمياء وأعطته سلطان ورجع سلطان وأعطاه الشيخ
الشيخ :بارك الله لكما وعليكما
عبدالله:امين
تقدمو المعازيم يسلمون على عبدالله ويباركون له
تقدم محمد عبدالله طبعا خوي نواف ومحمد
محمد همس:مبروك منها المال ومنك العيال
ضحك نواف:الله ياخذك مو كذا العكس
محمد :معليش منك المال ومنها العيال
وقعدو يضحكون على عيد محمد
تقدمو المعازيم يتعشون وبدو شوي شوي يروحون
ومابقى الا احفاد ال سعود وسلطان وعبدالله والاباء راحو يريحون بحكم انهم بيقضون الليه في الرياض
تقدم سامر عند نواف :نواف
نواف :ها
سامر غمز لنواف :شرايك نهز كتوفنا
نواف ضحك:ابك تربيتي كفو راح نواف يجيب السماعه وتلثم هو وسامر وأخذوا شماغ عبدالله وعوض وحطوها على خصرهم وقام عبدالله معهم وسوا زيهم وشغل اغنية
انتهى البارت حباني اجيكم ببارت ثاني
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
