دامك زرعتي الحب بداخلي ورد انا ما ابي غيرك من الناس يسقيه

part6

ركبو البنات
عوض يسوق عبدالملك قدام
ورا نواف ومحمد جنب محمد ميار وجنبها نجد  ورا اخر شيء البنات
عوض:وين ليان ؟
ملاك:قالت بتمسك ليلى ماتبيها تروح بذا الشكل
نواف يدق كتف محمد وبصوت عالي :عشان كذا حمودي زعلان حبيبته ماجت
محمد بعصبيه :ابك كم مره قايلك ماهي حبيبتي ماهي حبيبتي ماتفهمون انتم !
نواف :خلاص نمزح مانقصد
محمد:لا تمزح مره ثانيه
ملاك:عوض شغل لنا هيفاء وهبي
ملاذ طالعت بملاك :غريبه مو سلطان
ملاك:خل نغير شوي
عوض :ابكك وش هيفاء لا بشغل  شيله
ملاك:تمام
ملاذ :تمام بس سلطان لا
ملاك :حرام عليتس والله شيلاته حلوه
عوض:تممم بشغل الشيله الي اعجبتني هي لهجة الشيله بتعجب ملاك مرهههه لأنها تحب اللهجه ذي
ملاك:لهجة الجنوب
عوض:صحححح
ملاك:كفوووو
شغل الشيله ووصل للبارت الي عوض يحبه
يا بعد كل ظالم
        ـ
يرحم ابيش وامش
         ـ
زاد همي وهمش
          ـ
قربي لي بضمش
          ـ
لا يصيبش جفا لي
           ـ
والله اني أحبش
          ـ
حظ منهو بقربش

وملاك مندمجه مع الشيله وتغني معها
خلصت الشيله
ملاك:بنات تكفوننن ودوني الجنوب ودي اصير جنوبيه  لاسبوع كامل
ملاذ:تحسبه تحدي يوتيوب ذي
محمد:عوض متى بنوصل
عوض باقي شوي تحمل
نواف :هات الجوال بشغل اغنيه حماسيه بدال شيلاتكم
سحب الجوال نواف وشغل اغنيه وتلثم بالشماغ وقعد يرقص عليها
يا ندمانه على حبي وايامه
قلبك انا قدامه ماحس يوم
ورحت يا ولهانه على حبي وزمانه
كنتي بحظني تعبانه رجعت
كمل نواف يرقص ومحمد تلثم زي نواف ويرقص
البنات يضحكون وصورتهم ملاك ونزلتهم ستريك وكتبت عيال عم للبيع
كملو يرقصون ووصلو المول
عوض يلا وصلنا
نزلوا البنات ودخلوا المول وقبل يدخلون جت ملاك عند عبدالملك وهمست :عادي اشتري شاهي
عبدالملك ضحك وبهمس:عشان كلمتتس  عيال عم للبيع ضحكتني بشتري لتس
ملاك :أهبببب مسرع شفتها
عبدالملك :ايوه راعي علوم انا   يلا مشينا
ملاك :لحظه بسأل البنات
عبدالملك :طيب
ملاك :بنات بروح اشتري شاهي حد يبي
ميار :يا عجوزة الديره شجوك شاهي
ملاك:هههه سخيفه اخلصي تببن 
ميار :ابي ماتشا
ملاذ:ابي قهوه v60
نجد :وانا ماتشا
ايلان :شاهي
إيلام:قهوهv60
ايلاف : قهوه سودا
نجود :قهوه سودا
نارين:شاي
مشو عبدالملك وملاك وجابو طلبات البنات ومشو عطت ملاك البنات قهوتهم ومشو
دخلو مول وشافت ملاك فستان الي كانت تبيه ليان
ملاك :بنات بنات
البنات الي اختلفت ردودهم هلا عيوني لبيه سمي نعم
ملاك :شوفو الفستان الي تبيه ليان
ملاذ :يجننن دقي قولي كم مقاسها
ملاك: طيب
دقت على ليان
ليان : عيوني
ملاك : ليان لقيت الفستان كم مقاستس
ليان : كفووو  مقاسي SXموجود؟
ملاك لحظه بدور
ورت ولقت مقاس ليان
ملاك : لقيته
ليان :تم جيبيه
ملاك :خلاص نعتمده
ليان :اعتمديه جت بتسكر ليان وقالت
ملاك :ليان بروح اختار لي فستان وارجع أدق عليك
ليان :ليه؟
ملاك :بعدين تعرفين
سكرت وراحت تختار فستان
لفت لقت فستان
وخلصو البنات واشترو
عوض : خلصتو؟
البنات :ايه باقي الاكسسوار
جت ملاك :لا ماخلصنا
ملاذ:كيف ماخلصتي فستانتس بيدتس
ملاك :اعرف بس يا عم ابي اجيب لليلى  فستان
ميار صرخت :ملاك تستهبلبن تجيبين لرقيه فستان
ملاك:بنات خلاص مالكم شغل حرام كلنا معنا الا هيه وش تبين العالم تقول بنات آل سعود بخلو على بنت عمتهم سلامات ماهما يكن ذي بنت عمتنا
عوض وعبدالملك كانو يطالعون بملاك وهم فرحانين أنها تذكرت بنت عمتها مهما صار بينهم مشاكل بس ذي تبقى بنت عمتها
ايلان:ملاك نسيتي وش سوت فيتس انتي الظاهر عقلتس راح
ملاك :لا مانسيت بس بعدين هي تبقى بنت عمتنا  مثل ماشريت لليان بشتري لليلى عوض أمش معي
مشو ودقت ملاك على ليان
ملاك:ليان
ليان :هلا
ملاك :ليلى جنبتس
ليان استغربت :ايه ليه
ملاك :عطيها الجوال
ليان :ليه
ملاك :تعرفين بعدين
أعطت ليان الجوال لليلى
ملاك طالعت بليلى كيف المسكره سايحه وكأنها كانت تبكي
ملاك :ليلى
ليلى:نعمم شتبين اعرف دقيتي تبين تقهريني ماهمني عادي اقدر اطلب اي فستان
ملاك:وش اقهرتس يا بنت الناس دقيت ابيتس تختارين فستان
ليلى انصدمت:صدق
ملاك :اي والله
ليلى:بس انا كنــ قاطعتها ملاك :
صح نتهاوش كثير وماتطيقيني بس تبقين بنت عمتي
يلا اختاري فستان
ليلى فرحت أن أحد تذكرها مشت ملاك
وبدت تقول ليلى وش تبي
وقفت ملاك وقالت تبين ذا متأكده
ليلى:ايه أبيه
ملاك :بس هاذا مو قصير
ليلى :اعرف انا قررت ماراح البس قصير وبلبس فستان حلو
ابتسمت ملاك وقالت :ذوقتس يجننن
ليلى :شكرا
ملاك :خلاص باخذه
سكرت ملاك الجوال وأخذت الفستان حاسبت وطلعت
انصدمو البنات :هاذا فستان ليلى
ملاك :ايه
ملاذ:يمكن ماتبيه هي تحب القصير
ملاك :طيب كيف اقنعكم أنها قالت تبيه وأنها ماراح تلبس قصير انصدمو الموجودين كلهم حتى محمد
ملاك:يالله نكمل
راحو البنات وجابو اكسسوارات وخلصو
وهم طالعين ارسلت مريم على ملاك وعلقت على ستريك ملاك
مريم :والله يا ميمي عيال عمك شكلهم فلاويين
ملاك :أخطب لك واحد منهم
مريم :لا مو كذا هههه
ملاك :بسرعه تبين محمد ولا نواف
مريم وهي تضحك :ولا واحد
قعدو يسولفون وسكرت ملاك جوالها ومشو
راحو العيال عند عبدالله خلصو أمورهم ورجعو البيت الساعه 9وكانو تعبانين مره تعشو ونامو بدري عشان  يقومون  بدري لملكة لمياء  راحت ملاك بتنام  جتها ليلى  وحظنتها ملاك استغربت :ليلى
ليلى:مره شكرا ملاك الفستان يجنن واسفه اني دفيتك أمس
ملاك ضحكت :لا عادي شدعوه وبدو يسولفون وقالت ليلى لملاك أنها بتتغير
وراحوا ينامون بس هالمره ليلى نامت عند البنات وتصالحو
«يوم ملكة لمياء»
قامو البنات بدري ونزلو يفطرون وتوزعو الي راحت تتروش والي تسوي سكن كير والي تظبط شعرها  خلصو البنات الساعه5العصر عشان يمسكون خط للرياض لأن الملكه هناك  خلصو البنات تعالو نوصفهم
ملاك :كانت لابسه فستان اسود قصير شوي ومن ورا فيونكه لونها ابيض  وكانت مسويه شعرها ويڤي وميكب خفيف
ملاذ : فستان احمر  قصير شوي مفتوح الأكمام ومسويه شعرها الطويل ويڤي
ميار :كانت لابسه فستان ازرق قصير ومسويه شعرها  ستريت
إيلام وايلان :كانو نفس الستايل فستان قصير مفتوح الأكمام بس ايلان فستانها وردي وايلام فستانها وردي غامق
ايلاف لابسه فستان نفس فستان ملاك بس لونه احمر اتفقوا يطقمون
ليلى :كانت لابسه فستان  لونه بيج قصير شوي ومسويه شعرها ستريت
ليان :كان لون فستانها أصفر قصير شوي وفيه لول
منيره :كانت لابسه فستان طويل مكمم
وريم وارجوان نفسها لكن مو نفس الستايل
وهم يتجهزون ولبسو دقت ام عبدالرحمن على ملاك :
ام عبدالرحمن :ملاك
ملاك :هلا عيوني
ام عبدالرحمن:خلصتي؟؟
ملاك:ايوه
ام عبدالرحمن:طيب انزلي عبدالرحمن وعبدالملك يبونتس تكوين ثيابهم
ملاك :يالله جايه
ام عبدالرحمن:صح ترا عبدالمجيد جا انزلي سلمي عليه
نطت ملاك :صدق يلا جايه
سكرت ملاذ :شفيتس
ملاك بفرح :مجوودي جا
ليلى :مبروك تعالي ظبطي شعري
ملاك :سوري بنزل اكوي ثوب الحب
ليلى:اقعد ومين الحب
ملاك :دودي ودحيم
ضحكو البنات وقالت ميار:لو سمعوتس تقولين كذا ينهونتس
ملاك:متعودين
نزلت ملاك عند امها وقالت :وين مجيد
ام عبدالرحمن في المجــ
عبدالمجيد دخل:هاذاني
صرخت ملاك وجت تحظنه :يا حيوان وحشتني لا تسافر مره ثانيه
عبدالمجيد ضحك:ببقى عندتس دخل عبدالرحمن:وانا ماتحظنوني ملاك ضحكت :تعال يا عضيدي
حظنو بعض دخل عبدالملك :ايوه شالهقعده الرومنسيه الي بدوني ضحكو وجو حظنو ملاك كلهم الثلاثه وام عبدالرحمن فرحانه وتحصن عيالها
عبدالمجيد:ايوه المزيونه ذي مين
ملاك ضحكت وبغرور:هاذي ملاك بنت سعود بن سعد آل سعود
عبدالملك :والنعمممم
عبدالرحمن:يلا يا حلوه اكوي ثيابنا
ملاك :سم وانت يا مجيد وين ثوبك
عبدالمجيد:عطيته عبدالملك
عبدالملك :بالمقلط تلاقينه
ملاك: طيب وراحوا
عبدالملك كان يمشي وطلعت بوجهه ملاذ انبهر عبدالملك بجمال ملاذ وطلتها قعد دقيقه يتأملها
ملاذ تهز كفها بوجه:هييي معيي
عبدالملك :ايوه معتس
ملاذ :ليش تطالعني كذا اعرف اني حلوه
عبدالملك ضحك:مصدقه نفستس
ومشى وملاذ قالت :نفسيه يعع  انت وسروالك عبدالملك كان لابس سروال وفنيله الين ماتخلص ملاك
راح عبدالملك وهو ماسك قلبه شاف صديق عمره مسفر وانسدح فوق رجله :اخخخخ يا مسفر شفت الحب
مسفر ضحك :ايوه وكيف شفتها  كاشخه ولا شوشه
عبدالملك:شوشه ولا كاشخه بظل احبها  اصلا ماجاب راسي الا شوشتها
مسفر :الله
عبدالملك:لابسه احمر ماتدري اني ثور لابسه موت حمر قلبي اشتعل يوم شفتها
مسفر :طيب منهي
عبدالملك :بنت ابوك
مسفر :ملاذ؟
عبدالملك:ايوه
مسفر ضحك  :يا حيوان اختي
عبدالملك :اهم شيء أنها حبي الاول والاخير
ضحكو وقام يسولفون
«نجي عند بطلتنا»
دخلت المجلس تدور  ثياب اخوانها
وكان محمد هو  ونواف وولد الجيران سلطان يمشون بيدخلون المجلس دخل محمد قبلهم وشاف حبيبة قلبه تدور ثياب اخوانها سىرح فيها وبجمالها ولفت وشافت محمد
ملاك :يمه شجابك استوعب محمد انو نواف وسلطان بيجون المجلس وغطا ملاك وقال للعيال
ياعيال  اختي معي لا تدخلون
سمعوه نواف وسلطان وراحوا برا.
تأكد محمد أنهم راحو وجا عند ملاك :شتسوين هنا
كان محمد لابس ثوب وشماغ ومتعطر وكاشخ
ملاك:بسألك
محمد:وش
ملاك :عطرك من وين تجننن ريحته
ضحك محمد :هاذا الي هامتس ليش انتي هنا
ملاك :ابي اكوي ثياب اخواني
محمد:طيب خوذيهم لأن بنجلس هنا الين تخلصون نمشي مع بعض
ملاك :طيب
راحت ملاك تكوي ثياب اخوانها

خلص البارت حبايبي اجيكم ببارث ثاني
❤️