صباح يوم جديد دخلت الجده تصحي البنات:يلا بنات قومو وراكم شغل
صحو ملاك وايلان
ملاك قامت تبوس راس الجده
وايلان رجعت تنام
الجده :الله يرضى عليتس يا بنيتي وراهم السلقات مايصحون
ملاك:خلاص يا جده بغسل وجهي واصحيهم
الجده:كفو بنيتي
ابتسمت ملاك وراحت الحمام الله يكرمكم غسلت وفرشت أسنانها
وراحت تصحي البنات. :يلا بنات قومو جدتي تنتظرنا تحت
إيلام :اممم بناممم
ليان:خمس دقايق بس
ايلاف:يا دكتور أجل المحاظره
ضحكت ملاك وقالت:الجامعه مأثره عليتس
قومو قامو البنات والي راحت تغسل والي تصلي صلاة الفجر الي فاتتها والي تطلع ملابس تبي تتروش
إيلام:ملاك ملاك
ملاك:عيوني
إيلام:تصدقين حلمت اني دخلت قيم واني فزت عليهم
ضحكت ملاك وبهمس:اذا خلصنا شغلنا اليوم بلعب انا وانتي
إيلام :صدققق
ملاك:ايه
إيلام:احبتس كوكي
ملاك:حتى انا يلا قومي غسلي
خلصو البنات وقالت ملاك دامكم خلصتو بدخل اتروش وانتو انزلو عند جدتي
نزلوا البنات ودخلت ملاك تتروش
الجده:صح النوم
البنات :صح بدنك
الجده: وين ملاك وليلى
ليان: ليلى لسا نايمه عيت تقوم
ميار:وملاك صحتنا ودخلت تتروش
الجده :يا عيني يا ملاك أول مادخلت صحت مو مثلكم تعبتوني
ملاذ:جده وين جدي
الجده :داخل
ملاذ:أحد عنده يا جده ابي اسلم عليه
الجده :لا يا بنيتي محد عنده روحي الله يستر عليتس
ملاذ:ميار تجين معي عند جدي
ميار بروح اشرب شاهي واجي اسبقيني
ملاذ:تمام
راحت ملاذ وهي تمشي اصطدمت باعبدالملك
ملاذ وهي موطيه رأسها :عمىىىى ماتشوفف أنـ طالعت الا هاذا عبدالملك سكتتت
عبدالملك:شفيك هنا
ملاذ:لا ولا شيء بس ابي اسلم على جدي
عبدالملك:عنده عيال
ملاذ:كيف عنده عيال جدتي قالت مافي احد
عبدالملك:ايهه بس الحين فيه عيال
ملاذ:يعع مقدر افتك منكم
عبدالملك:قلتي شيء؟
ملاذ:لا سلامتك
راحت ملاذ ولف عبدالملك يضحك وقال:مجنونه ذي البنت تحسبني ما سمعتها
راحت ملاذ وصادفت بوجهها ميار :مسرع سلمتي
ملاذ:لا فيهه عيال
ميار :شعرفك
ملاذ:طلع بوجهي عبدالملك وقالي
ميار :أها عبدالملك
ملاذ:كولي زق وامشي
مشو البنات
«عند ملاك»
خلصت شور ولبست ملابسها ونشفت شعرها وربطته ولبست بجامه واسعه مره عشان محد يعصب عليها
ونزلت وهي نازله طلع بوجهها محمد كان توه صاحي من النوم ودايخ شاف ملاك وقال :ميار روحي جيبي لي شاهي
ملاك :انا مو ميار انا ملاك
فتح محمد عيونه وطالع فيها وقال:بسم الله الرحمن الرحيم
شجابتس
ملاك :انتي الي وش جابك هنا
محمد ضحك وأشر على الغرفه :ذي ننام فيها انا والعيال
ملاك أشرت على غرفتهم وقالت :وذي ننام فيهاحنا البنات
محمد:مو كأن فلسفتس واجده
ملاك :اذلف تأخرت على. جدتي
محمد بداخله:ياحظي صبحت على وجهها
نزلت ملاك وافطرت مع امها و الموجودين
الجده:يا بنياتي ترا بكره ملكة بنت ام ظافر تجهزوو
ايلاف:الله وناسه
نجود :من هي الي بتملك يا جده
الجده: لمياء حفيدة ام ظافر عرفتوها
نجد:ايه ايه يا جده عرفناها
ايلان :طيب يا جده لازم نروح المول ما معنا فساتين
الجده :خلاص بخلي واحد من العيال يوديكم الرياض تشترون انا اعرف أن اسواق نجد ماتعجبكم
ميار:احبتس تيته
الجده :ابك وش تيته شايفتني بزر عندتس
نجد ضحكت :لا يا جده تيته يعني جده
الجده :ياحبكم للفلسفه
خلصو البنات ونظفو مواعين الفطور
نجد:بنات مين بيودينا
إيلام:اي والله صدق كل العيال نفسيتهم نفسية نفاس
ضحكو البنات وقالت ايلان:سهله يودينا عوض
ملاك:تم ندق عليه
ملاذ :ليش ندق نروح عنده
ملاك :تمم
راحو ملاك وملاذ وقالت ميار: بجي معكم
راحو عند عوض وشافوه قاعد بالجلسات الخارجيه
ملاك :عوض ليش جالس هنا بالشمس
عوض:احب الشمس
ميار:عم بكره ملكة بنت جيراننا عادي نروح المول
فز عوض :منهي بنت الجيران
ملاذ:يمه شفيك انفعلت ملكة لمياء بنت ام سلطان
هدا عوض وقعد يحسبها لمى
عوض:مافي مول عندنا
ملاذ:للا جدتي قالت تودينا الرياض
عوض:والله مالي خلق بس عشانكم انتم طلبتو مني
ملاك:ياحبي لك والله انك العم البطل
جو عبدالملك ومحمد ونواف
نواف:ايوهه شعندكم
ملاك بهمس لملاذ:ياليل ذول نشبه ماغير يجون نفس المكان
ملاذ:سلكي سلكي الله لا يبلانا
ناظرت ملاذ وقالت :ابد نطلب من عوض يودينا حنا البنات المول
ملاك بهمس:ليه تقولين
محمد:شالمناسبه
ميار:اخي العزيز صح مالك دخل بس لازم أعلمك بكره ملكة حفيدة ام ظافر ولازم نروح
محمد :اختي العزيزه وان قلت مافي روحه
ملاك:شدخلك حنا طلبنا من عــ
عبدالملك :ملاككك انا شقلت
ملاك طالعت في عبدالملك وقالت:محشومم يا اخوي لكن ماله دخل
عبدالملك:انا كم مره قلت لتس اذا كلمتي العيال بطريقه وصخه اقصه لتس
سكتت ملاك ونزلت راسها
ملاذ:لحظه لحظه اي رجال الله يعافيك صوتك ترفعه على ملاك اقصه
عبدالملك :شدخلتس اكلم اختي
ملاذ :طيب واذا اختك هي اختي بعد
عوض :خلااصصصص بوديهم شتبون انتم
محمد:عوض انت ناسي أن حن لازم ننزل الرياض نقابل عبدالله
عوض :خلاص انا بودي البنات وانتو تعالو معي
ميار:لا مانبيهم
عوض:مو على كيفتس يلا ادخلوا داخل
محمد كان يطالع بملاك ويطالع بشعرها البني الي جاب رأسه وعيونها البني الفاتحه مايله للعسلي ويقول بينه وبين نفسه «لو اني داري انتس بتزعلين كان قطعت لساني ولا تكلمت»
دخلو البنات وجت ملاذ تحط يدها على كتف ملاك :شفيتس زعلانه ليه مارديتي عليه
ضحكت ملاك :كيف تبيني ارد عليه وهو اخوي اكبر مني وأبوي معلمني احترمه واي كلمه يقولها عبدالملك سمعا وطاعه
ملاذ:حبي خلاص اسحبي عليه
ملاك ضحكت :انتي ياللي تخافين منه كيف رديتي عليه
ملاذ:اخاف بس وقت يسبتس ينفلت لساني
ضحكت ملاك:الله يخليتس لي
مشو وراحوا المطبخ وقالت ملاك:في خبرين فرح وحزن الفرح بتقوله ملاذ والمحزن بقوله أنا
ليان :مو وقتكم خلصو
ملاذ:الخبر المفرح انو عوض بيودينا
ايلان :وناسه وين المحزن
ملاك بصوت حزين :والخبر الحزين انو محمد ونواف وعبدالملك بيجون معنا
إيلام :خير هاذا الي ناقص والله
ملاك :شنسوي اذا رفضنا عوض بيرجعنا
نارين :بنات خلاص اسحبو السلقه ليلى بتجي معنا
ليان :بنات اسحبو عليها انا بجيب لها فستان
ملاك:يا خوفي أنها تجي
نجد:بنات خلاص اتركوهها شرايكم نلعب جيكو
البنات:جيكوو؟
نجد ضحكت :جيكو يعني جكارو
ملاك :تممم
ملاذ:تمم
نجود :تمم
نجد :خلاص انا وملاذ ونجود وملاك
ملاك طالعت بنجود :كفك يا خويتي
نجود كفك وطلعو البنات يلعبون فوق
دخلو يلعبون وحطت ملاك ورقة التبديل بينها وبين نجد عشان ملاك تدخل بيتها نجد :ملاك يا غشاشه
ملاك:ماني غشاشه
نجد :الا غشاشه
تهاوشو هواش خفيف وكملو يلعبون
ـــــــــــــــــ
نجي عند سامر وسلطان وسعد
كانو يمشون في الحاره وشافو وحده طالعه من بيتهم
سعد:يلعن امها حلوه
سلطان :مين
سعد:شف شف ذيك الي بتدخل البقاله
سلطان :اففف ذي بحارتنا وحن ماندري
سامر:بأخذ سنابها
سعد طالع فيهم :خير حقتي شتبون
سلطان :اذلف
سعد :اول من شافها انا يعني حقتي
وقعدو يتهاشون وشافو انو راعي البقاله كان بيسكر باب البقاله ويسوي عملته السودا بالبنت شافه سعد :ابككك يا عيال بيتحرش بزوجتي
سلطان :بعدين نتفاهم امش نلحق عليها
ركض سعد وكان اسرع من سلطان وسامر وكان خايف أن راعي البقاله يسوي شيء بالبنت
دخل سعد البقاله وشاف راعي البقاله حاشر البنت بالزاويه والبنت تبكي
راعي البقاله :اش في نفر حلو يبكي
سديم:بعد عني لا تلمسني لا تلمسني
راعي البقاله :لا انتي نفر حلو ميه ميه
جاه سعد وسحبه بحكم أنو راعي البقاله قصير
سعد مسكه وقال:يا الحيوان تتحرش ببنات الناس
راعي البقاله :اشفي انت انا باب بقاله سكر كيف انتا دخل جوا
سعد:انكتم وقام يتهاوش هو وراعي البقاله
وسديم تبكي
سعد مسك سديم وطلعو برا البقاله
سعد :ثاني مره تعالي انتي واخوتس أو ابوتس لا تجين لحالتس
سديم :مرههه شكرا انقذتني منه لو ماجيت مدري وش كان سوا فيني
سعد :يلا روحي بيتكم
سديم :وش اسمك
سعد:اسمي سعد
سديم :وانا سديم مشعل
سديم :لحظه انت حفيد الجد سعد والجده فاطمه
سعد:ايه
سديم :الله تدري ان جدانك لهم فضل علينا ماننساه وترانا عازمينكم على ملكة عمتي الكبيره
سعد :شكرا ماقصرتي
راحو كل واحد بيته
ــــــــــــــــ
عند البنات
حست نجد أنها عطشانه وقالت :بنات بروح اشرب مويا أحد يبي
البنات :لا
نزلت نجد المطبخ وفتحت الثلاجه تبي مويا
وصادفت بوجهها محمود
نجد:بسم الله مين انت
محمود:انا محمود
نجد :شجابك
محمود :جاي ادور نعال سندريلا يعني وش اسوي ابي مويا
نجد:تنكت؟
محمود:يمكن
شمقت نجد وراحت
محمود بهمس:هلا بالزين
ــــــــــــــــ
جت الساعه 6المغرب لبسو البنات عباياتهم
وليلى طبعا لا احكيكم كانت لابسه عبايه حمرا فاقعه
وضيقه
ملاذ طالعت بليلى:استغفرالله ليش لابسه كذا
ملاك :كنت احسبها شمندر
ليلى بدلع :شعرفكم انتم بالموضاا انتم خليكم على السودا الي زي قلوبكم
ملاك بدلع زي دلع ليلى :السودااا احلى من عبايتس ذييي
ليلى :انا لابسه احمر عشان حمودي اذا شافني يقولي موتت حمررر
طالعو ملاك وملاذ وميار ببعض وطاحو ضحك
ميار وهي تضحك:قال ايش قال موت حمر انتي خوت حمر
ليلى :اففف منكم شعرفكم بالحب انتم خليكم على جغارو يا مسترجلات ايوو منكم
ملاك:شسمها
ليلى:جغارووو
طاحو ضحك مره ثانيه
ملاك :اخخخ يا بطني اسمها جكارو
دخلت ايلان:يلا بنات عوض ينتــ شافت ليلى وضحكت
ايلان:انتي شمهببه بنفستس
ليلى:وش عرفكم انتم حمودد بيشوفوني ويخق
البنات طاحو ضحك
ايلان وهي تضحك:مسكين حمودتس بتجيه جلطه
بعد نوبة ضحك وقفو يروحون عند عوض
«عند العيال»
كان محمد يتلفت ينتظر البنات
نواف:امم حمود شكلك تنتظر حبيبتك
محمد:ابك ولد ارفع علومك ماعندي حبيبه
نواف:العيون فاضحتك يا عضيدي
محمد عصب:ابك نواف مافي شيء يضحك ماعندي حبيبه
لفو عوض وعبدالملك على ليلى وطاحو ضحك على ليلى
محمد :شفيكم انتم بعد
العيال :شفنا حبيبتك
محمد: اخو العيال ابك كم مره اقــ وشاف ليلى قدامه لابسه عبايه حمرا فاقعه وضيقه ومسويه مكياج احمر وروج احمر
ليلى بدلع:حموووددديييي شرايككك
محمد طالع فيها من فوق لتحت ولف وقال:ابك يا بنت روحي غيري
ليلى:ليه شفيك
محمد بعصبيه روحيييي
ليلى بدلع:لا ماني مغيره
سحب عليها محمد وشاف العيال لسا يضحكون نواف وهو مدمع من الضحك :يا عيال حبيبها كرشها
محمد بعصبيه : يا عيال بلا دلع قومو خل نعجل قامو
صرخ محمد ينادي البنات :يالا خلصووو ماصارت!
طلعت ليان وشافت اختها كذا
ليان بعصبيه :ليلىىىىى وش ذي العبايه
ادخلي غيري
ليلى:لااااااااااا
ليان :استغفرالله يا ربي
ليان طالعت بملاك وقالت : ملاك تكفين الفستان الي وريتك ياه اشتري ماراح اروح
ملاك :ليه تعالي معنا
ليان :كيف تبيني اروح وذي كذا انا بمسكها وانتو روحو
ملاك سمعت كلام ليان وراحت
انتهى البارت وللاسف ماعرفنا هل عبدالملك يحب ملاذ لكن ملكة لمياء بنعرف هل هو يحبها او لا؟؟؟
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
