الجزء السابع

3.6K 346 120
                                    

#طريق_يؤدي_اليك

بسم الله نبدأ حكايتنا
.
.
.
.
.
.
.
.
.
.
متابعة للحساب دعماً للكاتبة 💙
تعليق بين الفقرات وتصويت دعماً للقصة💙
شاركو القصة مع اصدقائكم لطفاً 💙
.
.
.
.
.
.
.
.
البعد وأن طال لا بد له
من نهاية
فما رجوع الفرع الا للأصل
.
.
.
.
.
.
.
.

بثينة
___________________

متمددة اني وتوتة
وبيدي الورقة
واعيد وارجع أكرر الكلام اللي مكتوب بيهة
كرهت الأحساس الحسيتة واني اقرأ هالورقة
وكرهت نفسي لأن مرجعتهة
خفت
هووواي خفت ليكون اعتقد اني قابلة بهالكلام
هاي اني من شهر كامل ألوم نفسي
شلون اخذت الورقة ومارجعتهة
قبل ليسافر بيومين
وگف ببابي
وسلم

- رايحين عگب باجر ام توتة

-ترحون وترجعون بالسلامة يارب
سلملي هواااية على ام غازي

-راحت لأهلهة واني رايحلهة باجر من يمهم ونطلع

-أن شاء الله سفرة خير وسعادة

اجت توتة من بيت جنان شافتة وركضت

-عموووو

رفعهة لحظنة باسهة من خشمهة
ظحكت ولزمت لحيتة تدغدغ بي

نزلهة وخلة بيدهة مصاصة طلعهة من جيبة
مدت ايدهة رافعتهة الية

-شيلني نينة

شلتهة ووگفت

مد ايدة لجيبة
طلعلي مبلغ مخلي بظرف

-شوووووفي قبل لتخزرين وعيونج يصيرن
يخوفن
هاي الفلوس مال شغلج

-ماكو هيج كلام هاي هواية ابو غازي

-هالمرة اذا رجعن صدگ ازعل  واخليج
بلسان امي وتعرفين زعلهة شلون ثگيل
ويابة موووو الج لتوتة مخصوص
من عمهة

-والله هيج تخجلني

-اهل احنة تركي عنج هالكلام

اخذت الظرف
بس بقة متمسك بي
استغربت وتركتة بيدة
صفن بوجهي
رجع مدة الية
اخذتة
نطق بهمس وصوت حزين

-شگد راح اشتاق لعيونج

تركني تحت صدمتي بعد
ماراح بسرعة
واني واگفة صافنة
اللي سمعتة منو يقصدني بي
لو يقصد توتة اللي جانت بحظني
مشيت يم جنان واني دماغي
مفتر

-شبيج صافنة نونية

-جنان راح انوم توتة
وانتظرج من تنام عمة تعاليلي

-شبيج ولج شو لونج مخطوف

-مااعرف جنان مااعرف

رجعت للبيت
نيمت توتة وطلعت بالهول
اجتني جنان وگعدنة متقابلين

-احجي ولج بثينة قلقتيني

-فيصل

-يحبج

طريق يؤدي اليك حيث تعيش القصص. اكتشف الآن