#طشت_خرز
كنوز القحطاني
ولي الله
ليّش ما مَليت منهُم ؟
وليّش ما مَات الحنيّن
شِعاجبك باقَي بدربهُم
عاجبك هَذا الونيّن ؟
عِيش يا گلبي مثلهُم
هُم طيّن وإنت طيّن.********************************
غفران :: من يوم شفت الأوراق و عرفت ابويه يتاجر بالاسلحه شفت الضيم أكثر يصبحني بگتله و تهديد و يمسيني بگتله و تحذير
من يطلع گام يقفل باب البيت عليَّ و صفاء أقسى منه ثنينهم صاروا عليّ رغم خوفي و رعبي منهم نفذت اول فكره اجت براسي حتى اشرد منهم اجه صفاء بليل هو و ابويه
ضحك و سوالف حطيت الهم العشاء بالمطبخ و طلعت ع اساس لغرفتي اديه ترجف من الخوف رحت ع المفاتيح مال البيت حاطهن بمداليه اثنين عنده و واحد عد صفاء طلعت واحد منهن و حطيت بمكانه مفتاح ثاني و رجعت لغرفتي
حطيته جوه مخدتي و نمت و الخوف لسه بگلبي خاف ينتبه و يعرف ماخذه المفتاح زادت دگات گلبي من سمعت باب غرفتي انفتح و صوت صفاء يحجي بنبره ساخره شامته_ ها اله بالدك يالله تمشين عدل
بلعت غصتي وين جنتي و وين صرتي ابويه الگلت عليه احن اب بالعالم بيده سلمني بيد واحد اخذ مني اعز ما املك نزلت دموعي بقهر تقرب الي شال البطانيه شمرها و فتح قميصه يدور حقوق اخذ الي يريده و لف راسه و نام
واني ضلت الهواجس تطحن براسي اخذت المفتاح و واذا كدرت اشرد منا منو الي منو راح يستقبلني بعد السويته ولي الله كسرته و خذلته خيبت ظنه بيّ لو رايه الطعنت بشرفها ويا الغريب منو بيهم لسه يعتبرني اختضليت الليل كله فكره تاخذني و فكره تجيبني رغم كل السواد البيه رغم كل افعالي السوء اعرفه ما يعوفني ضليت ادعي مايخيب ظني و يتركني لصبح ما شفت النوم و لا الراحه
گمت غسلت و صليت و ادعي بدموع من دم يلين گلب ولي الله عليّ و مايتركني كملت سويت الهم ريوك و التوتر والقلق غلف روحي لحد ما طلعوا ثنينهم و ما انتبه ابويه اني ماخذه مفتاح و حاطه واحد ثاني كل خوفي
كان ان يقفل بالمفتاح الي خليته اني و مايصير و انكشفانتظر شويه حتى يرحون و لبست حجابي و عباتي و طبيت غرفتي طلعت المفتاح فتحت الباب عاينت ماكو احد سديته و مشيت بساع رجليه من خوفهن يمشن و الا اني حيلي كله يرجف من الخوف منطقه ما اعرفها ولا عندي
فلوس اصعد و بيتنا الجديد ما اندله ولا رايحه اله وگفت بالشارع ابجي بقلة حيله اني بيدي و صلت نفسي لهل مواصيل فات شاب استوقفته_ بلا زحمه بس موبايل اخابر
عاين الي بتوجس هز راسه طلع موبايله فتحه و مده الي اخذته اديه ترجف رقم ولي الله ما حافظه ما حافظه اي شي عنه غير الكره و الحقد دخلت رقم رايه اتصلت عليه ما ردت دزيت رساله اني غفران و رجعت اتصلت ردت

أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم