ذراري الهجرس

الفصل الواحد والأربعون

سراديب الحزن دائما تنتهي بباب يقودنا الى ضوء الفرج ✨❤️

بارت جميل وطويل الكم اعزائي وقبل لا تبدون تصويت ومتابعة للحساب حتى تشجعوني وانطوني آرائكم الجميلة ✨❤️🤭

بدأ العد التنازلي للنهاية 😔❤️

*********************************
بقلمي : زينب أنمار✨

ترانيم.............

كأن من كنت أيها الحزن اللعين
اخرج من ثنايا روحي فما عاد كياني يحتمل اكثر
هل تظن أنني من فولاذ لكي تذيقني هذا الأسى
أم حسبت أن قلبي مصنوع من جليد لتأتيه بهذه البراكين الحارقة
خذ مني كل شيء لكن دع الذين احبهم قلبي
فهم السور الذي نهضت به من تحت الرماد

لا استوعب ما يجري فعلا لا استوعب فقط واكفة بهدوء اسمع صراخ نجوى الي يخليني اعرف احنه بواقع وان الأمر مو كذبة حقيرة من الواقف كدامنا

ضحكت : شهل الحقارة هجرس تختبرنا بنافلة؟

الهجرس : ليش اخدعكم اذا اني الي جنت ادور عليها خايف منج لو منه؟

اخذت نفس قوي احس كلبي جاي يضرب ضلوعي يصحيها من رقودها بس مازال عقلي رافض الفكرة اصلا

رجعت اضحك بهستيريا : لا تجذب ادري بيك جذاب ادري والله ادري لا لا مستحيل انت تجذب

صرت اضحك ولازمه كلبي الي راح يطلع من مكانه حسيت بيد لزمتني بس دفعتها أرفع ايدي وانزلها وارجع اضحك

لا لا اكيد يجذب وين نافلة ووين الموت لا مستحيل هذا الشي كلت بصوت هادئ : انت تجذب ومراح تقنعني بغير هذا الشي

**************

درة.......

دموعنا تنزل والصدمة بعدها مامغادرة شفع واكف فاتح عيونه ويباوع على الهجرس بدون اي كلام وحركة

اما طيرة مادري تخبلت لو صار عدها حالة نفسية من الصدمة جاي تتصرف بشكل عجيب

التفت على صوت شفع : متأكد

الهجرس : اذا مو متأكد مااجي انطيك خبر

شهك شفع وكعد بمكانه او بل أحرى وكع ونزل راسه يبجي بصوت ردت اروح يمه بس وكفني صياح ترانيم

: لااااا شفع لا تكولها وينك تعال اشو خل نطلع ندور عليها اكيد بمكان هسه هذا يجذب ليش تصدك بي ولك شفع كوووم لا تصدكه

صارت تمشي وتمد ايدها وحيدرة يريد يلزمها بس مايكدر فجأة تحولت احوالها وصارت تصرخ بشكل هستيري

ضياء الدين : شفع طيررة

ركضنا عليها اني وحيدرة ويا ضياء الدين نريد نلزمها مانكدر صارت تضرب على وجهها وتصرخ بدون كلام بس صراخ كلنا على لحظات ويوكف كلبها رجعت على شفع اهز ايده واصرخ : شفع راح يوكف كلبها طيرة راح يصير بيها شي