بيني وبينك حب ما يعرف النهايات ولا يوقف عند الحدود

بارت24

(مر اليوم بتعب على بعض الناس بتعب وبكي ومو على بعض الناس بسعاده)
<<انتشر في الديره طلاق ميلان و الكل كان يتكلم عليها وكانت محور كلام الديره اليوم بس انتشر لهم خبر فاجاهمم اكثر والي هوه خبر خطبه عهد للشجاع و الملكه اليوم>> طبعآ بعد بتعب اقتنعت ام عهد الي كانت رافضه بس فاطمه اصرت عليها.. اما عهد الي طارت من الفرحه و الدنيا مو سايعتها من الي تحس فيه ومن صباح الله راحت السوق تشتري فستان الملكه، اما البنات كانو مكتئبين من الخبر بس ما كانت لهم كلمه ابد فا التزمو الصمت وجلسو ينضفون البيت و الحوش بامر من فاطمه، اما شاهين الي اقنعته فاطمه وكانت فاطمه تلعب دور بعقل شاهين فاقتنع و اليوم الملكه و الان يجهزون الذبايح و الانوار في الحوش و البنات ينضفون

<<عند البنات>>
نطقت اريج هوه تكنس الحوش: ماني متوقعه بنات تكفون ولله مستنيه احد يدخل علي ويقول كله كذب بكذب؟
رمت المكنسه سحاب ورفعت شعرها من الحر ونطقت: انا تكه وانجنننن ماني متخيله عجوز النار سوتها وفرقت بينهم و الان عهد ام كشه بتاخذه لالالا ولله ماني مستوعبه شي لا وحنا ننضف لزواجها اخخخخ ي القهر؟
نطقت الماس: انا ماني مفكره غير ب ميلان كيف بتكون الان يوم بتعرف بلخبر؟
نطقت اريج: مدري علامه شجاع كذا واصلآ اول مره ياخذ بكلام جدتي وهو كان يحب ميلان صح انه ما قال بس كان باين من عيونه بس عقلي مو مستوعب الي صار وميلان وش تسوي الان؟
اجتهم نجد تركض ونطقت: بنات خلاص ادخلو العيال بيجو يفرشو السجاد؟
نطقت سحاب: ست الحسن و الدلال مصدقه نفسها ورايحه تاخذ لها فستان بس ولله ما اكون سحاب اذا تركتها تتهنى؟
نطقت اريج: اليوم عاد ولله ما اتركه يمر مرور الكرام؟
نطقت نجد: مو وقت بربرتكم العيال عند الباب مستنين؟ تاففو البنات ودخلو البيت يخلصون باقي التجهيزات..
دخلو العيال ومعهم السجاد الاحمر تبع المناسبات، رموه على الارض بتعب من ثقله،
رجع شعره للخلف فيحان ونطق: اخر عمر اجهز لزواج عجوز قريح؟
ضحك سطام ومسح جبينه ونطق: معوض يـ ابو مساعد؟
لف فيحان وناظره بطرف عينه ونطق: ابك ولله مارح ارضى اتزوج الا اذا هي الي بتفرش السجاد تردها زي ما انا الان افرش لزواجها الي كذا اجاء في غمضه عين؟
نطق عساف: ماني منصدم الا من شجاع علامه التحس مخه ولا وش حتى من امس ما يرد على اتصالاتي؟
نطق نايف هوه يفرش وحده من السجاد: مارح يطلق كذا و يروح يخطب عهد الا و العجوز مساكه عليه شي؟
اخذ عساف يساعد نايف ونطق: ابك الناس كلها بقدر امسك عليهم شي الا شجاع مستحيل تلقى عليه شي؟
تقدمو سطام و فيحان ياخذون سجاده ثانيه ويفرشوها
ونطق سطام: كلام عساف صح اخر واحد اصدق ان احد ممكن يمسك عليه شي؟
نطق فيحان: اجل ليش يطلق وراح ياخذ عهد الا اذا يمكن هوه من فتره مفكر يطلق و ياخذ عهد بس ابك من يحب هاذي ام كشه امانه ان حتى الجني مارح يتحمل يعيش عندها؟
قاطعهم من دخل راكان و طلال
نطق راكان: لالا اليوم نشيطين؟
لف له سطام ونطق: يعني اذا ممكن تنزل من عرشك شوي وترضى تساعدنا؟
نطق راكان بتفكير: اممم مدري بس الصراحه ليش اتعب نفسي وفيه عمال؟
فتح عيونه بصدمه عساف واخذ نعاله ورماه عند راكان ونطق: ولله حلال من يمردغك الان؟
ضحك طلال ونطق: ولله ومافي هيبه لك يا راكان؟
انحنى ياخذ شماغه ويتركه على كتفه ونطق: ما يعتبروني عمهم ابد حشى بس يوم شجاع اكبر مني؟
ضحك عساف ونطق: اقول ارم حذياني؟
ناظره بطرف عينه وابتسم بخبث راكان وانحنى ياخذ الحذيان ونطق: تبغاهم؟ ضحك ورماهم خلف الحوش. وسمع صراخ عساف وخرج ركض من الحوش وخلفه عساف.... اما الباقي كانو يحاولون قد ما يقدرون يخلصون كل شي بسرعه...