🦋 إسكريبتات شروق حسام 🦋

الجزء السادس 🦋

بقلم شروق حسام 🦋

_" أنا اللي كنت بكلمك في الأول مش تميم "

حسناء بعدم إستيعاب " قصدك إيه مش فاهمة "

_" يعني أنا الشخص اللي كنتِ بتكلميه وحكيتي له كل حاجة عنك وكل اللي المعلومات والتفاصيل اللي عرفتيها مش بتاعة تميم دي بتاعتي أنا "

حسناء بوجع " يعني أنا حبيتك ولا حبيت تميم وإزاي إزاي ده حصل قول إنك بتكدب عليا "

_" مش بكدب الموضوع كان كله تحدي بيني وبين تميم إنِ أوقع بنت عشوائي من على النت في حبي والأكونت بتاعك وقع تحت إيدي فدخلت كلمتك والموضوع بعدها قلب من تحدي لحب وحبيتك ومعرفتش تميم  ولا عرفت أي حد "

_" وليه كلمتني من عنده هو "

_" كنت واخد اليوز نيم والباسورد من وراه عشان لما يعرف إنِ خدته يكون إتدبس فيكِ بس كان شهر واحد بس اللي سافرته عشان الشغل ورجعت لقيته بيكلمني عنك وإنه حبك وساعتها ماقدرتش أعترف له بالحقيقية أو أعترف لك بس والله العظيم حبيتك فضلت أكتر من سنتين بتعذب وأنا شايفك معاه وشايف حبك ليه اللي المفروض يكون ليا بس برجع وبقول أخويا أولى وهيحبك وهيصونك "

كمل بتنهيدة " بس بعد جوازه من علا وبعد ما شوفت إنهيارك قررت إنِ هبعدك عنه عشان ترتاحي وبعد ما شوفت تعامل أهلك معاكِ آخر فترة وإنهيارك قررت إننا نتجوز وأنتِ وافقتي عشان تحرقي قلبه بس في النهاية قلبي أنا اللي إتحرق وسطكم وطبعًا أنتِ عارفة اللي حصل بعد كده "

ثواني وكان فيه كف قوي نزل على وشه

_" أنت إنسان زبالة ده أنت يا مفتري لما أغمي عليا سيبتني واقعة على الأرض ولما الممرضة حكت لي مكنتش مصدقة بس عذرتك عشان اللي حصل فيه ده بسببي "

_" ده أنت وهو دوقتوني المر والعذاب في كاسات يعني أنا حبيتك أنت وأخوك لا بجد برافو عليا "

حسناء بضحكات عالية " ههههه ده لو حد سمع كل ده هيقول إنِ بضحك على الرجالة وبخطفهم زي ما علا قالت "

كملت بغضب " دي مش حياتك عشان تعمل كده دي حياتي أنا كان ممكن تقول لي من البداية بدل كل اللف والدوران ده وكنت قررت أنت السبب فاللي أخوك فيه مش أنا أنت مريض يا تيم مريض طلقني وأبعد عني وروح عالج نفسك "

حسناء بكدب " طلقني وأنا هتجوز أخوك حتى لو بقيت زوجة تانية ده مش هيهمني "

تيم قرب منها وحضنها بغيرة " أخرسي أنتِ بتاعتي أنا بس أنا اه كنت بعاقبك شوية آخر فترة بس ندمت على كده أنتِ مستحيل تسيبيني يا حسناء فاهمة أنتِ حياتي كلها أنتِ هتفضلي مراتي لحد ما أموت هتفضلي مكتوبة على إسمي لآخر العمر "

كمل وهو مش في وعيه " وأنا عارف إيه اللي هيخليكِ تفضلي معايا "

تيم قربها منه أكتر وبقت مراته قولًا وفعلًا تحت مقاومتها بس هو كان أقوي منها بمراحل فإستسلمت ليه

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدى شهر

وتيم جاب ممرضة لتميم وبقى جنب حسناء دايمًا ومش بيسيبها خايف لتهرب منه وتسيبه وبيقرب منها عايز تبقى حامل في أقرب وقت لأن ساعتها مستحيل تفكر مجرد تفكير تبعد عنه

وحسناء كانت بتحس بمشاعر متناقضة حاسة بقرف وإشمئزاز وحاسة بحب بس مش في أغلب الوقت هي متلغبطة ومش عارفة تحدد مشاعرها قلبها بيقول تيم بيحبك بس عقلها بيقول عكس كده بيقولها تبعد عن العيلة دي لأنهم عذبوها بما فيه الكفاية وبقت تحس إنها السبب في كل اللي بيحصل مع إنه مش ذنبها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدى كمان شهر

وهم على نفس الحالة وحسناء بقت تحس إنها عايزة تتقيئ ومبقتش متحملة أي ريحة حتي روايح الأكل مبقتش متحملاها لحد ما شكت إن هي حامل فطلبت من واحد من اللي شغالين تجيب لها 10 إختبارات حمل عشان تتأكد

وبعد فترة كانت عملتهم كلهم وفضلت واقفة مستنية النتيجة وقلبها بينبض بخوف

مسكت ال 10 إختبارات بإيديها الإتنين إتنين منهم سلبي والباقي إيجابي

حسناء بصت للإختبار و فضلت تعيط بقوة وهي حاطة إيديها على بطنها

رمت كل الإختبارات في الباسكت وفي نفس الوقت دخل عليها تيم فقرب منها بقلق

_" بتعيطي ليه يا حسناء حصل إيه قولي لي ماتوجعيش قلبي عليكِ "

_" طلقني أنا بكرهك أبعد عني بقى لو راجل طلقني عايزة أرجع لأهلي أعيش في عذابهم ولا أفضل يوم واحد كمان معاك "

تيم بص لها بغضب من كلامها وحاول يهدي بس هي مسكتتش وحطت الزيت علي النار

_" روح خليك مع أخوك في آخر أيام حياته ولا أنت زبالة وحقير كمان مع أخوك "

_" بتحبيه يا حسنااااء مش كده عايزة تسيبيني عشانه "

_" اه بحبه وأبعد عني "

_" أنتِ طالق يا حسناء "

خلص كلامه وسابها وخرج ركب عربيته وهو شوية وهينفجر من كتر الغضب

#عشق_أدمي_قلبها
#شروق_حسام