🦋 إسكريبتات شروق حسام 🦋

الجزء الخامس 🦋

بقلم شروق حسام 🦋

_" للأسف المريض السكر عنده رفع أوي وللأسف تاني بقى مريض سكري وكان هيدخل في غيبوبة سكر بس لحقناه "

حسناء بصدمة " سكر أنت بتقول إيه يا دكتور إزاي يجي له إزاي "

_" قصدك عشان مرضه ده بيبقى عادي مريض الكانسر ممكن يجي له ضغط أو سكر "

تيم بصدمة وعدم تصديق " كانسر مين يا عم بعد الشر أخويا كويس أنت شكلك مش عارف شغلك كويس دكتور فاشل أنا هوديه مستشفي تانية وأحسن من دي 100 مرة أنتم مش بتفهموا دي شكلها مش مستشفي خاصة وبتنصبوا على الناس "

الدكتور بتفهم وعملية " أنا فاهم حضرتك بس أنا بقول الحقيقة ولو روحت مليون مستشفي هتلاقي نفس الإجابة "

تيم بوجع " إزاي محستش بيه ده أخويا وحته مني المفروض كنت حسيت بيه إزاي ماشوفتش إنه مش كويس "

حسناء بتنهيدة " كان بيحاول مايبينش حاجة ليكم عشان ماتزعلوش عليه وكان بيلبس باروكة عشان شعره اللي وقع "

تيم بص لحسناء بغضب وشرار طالع من عينيه قرب منها ومسكها من كتفها وفضل يهزها بكل قوة وقسوة

_" يعني أنتِ كنتِ عارفة مش كده أنتِ دمرتي حياتنا أخويا بيروح مني بسببك أنتِ شيطان فاهمة يعني شيطان ده حتي الشيطان مايجيش ربع خبثك "

_" أنا عايز أرجع بالزمن ومحبكيش فيه ولا أخلي أخويا يحبك أنتِ لعنة وبتدمرينا بالبطئ غلطة بسيطة عملها خليتيه مريض سكر اللي أهلك بيعملوه فيكِ تستاهلي أكتر من كده 100 مرة أنتِ ماتستحقيش غير العذاب فاهمة ماتستحقيش حبي أو حب تميم ليكِ أنتِ خلاص بقيتي مجرد نكرة في حياتي واحدة مخادعة وغشاشة "

حسناء بصت له بآلم وهو عمال يهزها بعنف هو عايرها بحاجة مش في إيديها مش عشان أهلها بيعاملوها زي الخدامة وبيبهدلوها تبقى هي لازم تستحمل كده

فضل يهزها بقوة مرة ورا مرة ويقولها كلام قاسي وهي من كتر الوجع من كلامه رجليها مابقتش قادرة تشيلها الدكتور حاول يدخل بس تيم بعده عنهم بقسوة

لحظات وكانت مغمي عليها وهو حتى محاولش يمسكها بين إيديه وسابها تقع على الأرض رغم إنه بيحبها بس هو مستحيل يسامحها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدي أسبوع كمان

وتميم رجع البيت بس المرة دي وهو هادي مش حاسس بحاجة غير الفراغ وتيم بيهتم بيه وبمواعيد أدويته لدرجة إنه بعد جدًا عن حسناء ومبقاش يشوفها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في أوضة تيم
كان غير هدومه وكان لسه هيخرج بس وقفته حسناء بسؤالها

_" أنت خلاص بقيت تكرهني "

تيم مابصلهاش وفضل باصص قدامه بجمود

_" أنت عارف إتعرفت علي أخوك إزاي مش كده "

_" أنا إتعرفت عليه من على النت عادي زي أي بنت تستحق اللي أهلها عملوه فيها رحت أشكي تعبي على صفحة الفيس اللي عملتها ومن هنا بس دخل كلمني كلام شد كلام وعرف كل حاجة عني وأنا كمان وعرفت إنه عايش في نفس المحافظة اللي عايشة فيها لا وكمان في نفس المدينة بدأنا نخرج ونروح ونيجي وبعدين عرفني عليك أنت وباقي العيلة وبعد كده راح أتقدم لي بس أهلي رفضوه لأن إزاي واحدة زيي تاخد واحد وسيم ومعاه فلوس زي ده وأكيد هطمع وأبعد خالص عنهم حاول مرة وإتنين بس مفيش فايدة لدرجة إنِ لما إكتشفت تعبه قولت له طب نتجوز من ورا أهلي مارضيش "

_" عارف ربنا بيعاقبني علي إنِ كلمت واحد وده حرام بس أنا عقابي كبير أوي وأنا مستاهلش أسمع كل الكلام الجارح اللي أنت قولته ده المفروض تكون أنت أكتر واحد فاهمني "

تيم قلبه وجعه من كلامها

تيم بتنهيدة " حسناء عايز أقول لك على حاجة كنت عايز أقولهالك من زمان بس خبيتها عليكِ "

حسناء بصت له وإبتسمت بتوتر وخوف من اللي هيقوله

_" أنا .....

#عشق_أدمي_قلبها
#شروق_حسام

برأيكم حسناء هتفضل مع مين
تميم
ولا تيم