🦋 إسكريبتات شروق حسام 🦋

الجزء الرابع 🦋

بقلم شروق حسام 🦋

_" أقدم لكم حسناء مراتي "

تميم بعدم تصديق " مراتك مراتك إزاي يا تيم قول إنك بتهزر أنت مستحيل تعمل فيا كده "

تيم ببرود " عملت إيه أنا معملتش حاجة غير إنِ إتجوزت على سنة الله ورسوله أنا أعجبت بحسناء فروحت إتقدمت لها وقبلت فإتجوزنا "

تميم بجنون " بابا شوف إبنك شكله إتجنن ومش في وعيه "

سيف الدين سكت ومعرفش يرد عليه يقول إيه يقف في صفه ضد أخوه ولا يعمل العكس وهو مستحيل يعمل حاجة من الإتنين

علا بقرف " ياربي قد إيه أنتِ حرباية وخطافة رجالة وكمان عايزة توقعي بين الإخوات أنتِ إيه شيطان في هيئة بني آدم " 

_" هي دي يا تميم اللي كنت بتعيط بدل الدموع دم عشانها أهو أديها باعتك وباعت حبك ليها وإتجوزت أخوك "

تيم إتجاهل كل الكلام اللي بيتقال ومسك إيد حسناء وطلع على أوضتهم اللي هي كانت أوضته الخاصة قبل ما يتجوزوا

بعد ما دخلوا كانوا قادرين يسمعوا صوت زعيق تميم وتكسيره للبيت

_" إرتاحتي كده يا حسناء "

_" لا مش مرتاحة وأنا شايفاه كده قلبي بيتقطع وكأن فيه حد جاب سكينة وغرزها فيا بس برجع أفكر نفسي إنه بعد كام شهر هيجي له عيل من واحدة غيري "

_" هو اللي وصلنا لكده واحد خاين سلمت له مفاتيح قلبي بس هو ماحفظش عليها "
_" كل حلم حلمت أعمله أنا وهو هو راح عمل كل الأحلام دي مع واحدة تانية "

تيم إتنهد بحزن وهو بيفكر في حالة أخوه اللي وصل لها بسببه بس زي ما هو أخوه دي حسناء اللي مش بيستحمل حاجة عليها

_" تيم تيم تييييم روحت فيين بس سرحان في إيه "

تيم بتوتر " مش في حاجة يا حسناء أدخلي خدي شاور ونامي شوية "

إبتسمت بخفة ودخلت خدت شاور وغيرت هدومها وطلعت عشان تسرح شعرها وهو لسه قاعد مكانه

تيم بتوتر " أنتِ قاعدة بشعرك ليه "

_" عادي مش جوزي "

تيم سكت من الكلمة اللي قالتها ومعرفش ينطق بحرف واحد كلمتها خلته يسبح في بحر من المشاعر اللي كان دفنها من زمان

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدت أيام كتير

وبطن علا كبرت وحسناء بقت تغيظ تميم وبتدلع على تيم وده بيخليه مش قادر يتنفس لدرجة إن الضغط والسكر عنده بيرفع لفوق

وفي يوم تميم لمح حسناء لوحدها فشدها من إيديها وخدها على جنب عشان يكلمها

_" ليه يا حسناء ليه عملتي فيا كده "

_" عملت إيه أنا معملتش حاجة "

تميم متجاهل كلامها " ليه خدعتيني "

حسناء ببرود " أنا ماخدعتش حد دي حياتي وأنا حرة فيها وتيم عجبني فإتجوزته إنسان شهم وخلوق ولطيف وأهم حاجة إنه وفي ومش خاين "

تميم بسخرية وآلم شديد " وفي وخلوق وكمان شهم بجد أنتِ مش حسناء اللي أعرفها "

_" ولا أنت تميم اللي كنت فاكرة إنِ أعرفه "

_" أنتِ واحدة خاااينة "

_" تلميذتك يا تميم باشا من بعد ما عندكم يا تيمو "

كملت بحدة " أبعد عني وعن حياتي أنا وتيم أنت خلاص صفحة سودا وإتحرقت ونسيتها كمان خليك في حياتك مع مراتك وإبنك اللي جاي "

تميم بصدمة وقلبه بقي يدق بسرعة " أنتِ عرفتي منين مين اللي قال لك تيم مش كده هو اللي قال لك "

حسناء بسخرية " هو مش بالحقارة دي عشان يعمل كده روح أسأل الهانم وكمان رغم إن بطنها مش كبيرة أوي إلا إنها باينة أوي إنها حامل وشكلك عامل معاها الصح وزيادة ومهددها متتطلعش من أوضتها حتى ولا تقول لحد إنها حامل "

_" و اه بارك لي أنا حامل "

تميم مقدرش يستحمل الصدمة وكان وقع على الأرض مغمي عليه

حسناء إتصدمت فنادت على تيم عشان يجي بسرعة يلحق أخوه

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

في المستشفي

كان تيم واقف قدام أوضة الطوارئ وهو عمال يلف حوالين نفسه زي المجنون وقف فاجأة وقرب منها بهدوء

_" أنتِ قولتي له إيه انطقي "

حسناء بخوف فهي أول مرة تشوفه بيكلمها بالأسلوب ده " قولت قولت له إنِ حامل يعني "

تيم رفع إيده وخبطها في الحيطة اللي وراها بقوة وبغضب لدرجة خلتها تتخض من ردة فعله

قبل ما حد فيهم يتكلم كان خرج الدكتور وملامحه مش بتبشر بالخير

_" .......

#عشق_أدمي_قلبها
#شروق_حسام