# ضـغن " الايـريـم"
بقلمي: مريم.........
" لطفٱ لتنسون التصويت+التعليق بين الفقرات+ اضافه الحسابي 🤎"
لِكُلِّ اجتماعٍ مِن خَليلَينِ فُرقَةٌ
وكلُّ الذي دونَ الفِراقِ قَليلُ
وإنَّ افتِقادي فاطِماً بعدَ أحمَدٍ
دَليلٌ على أنْ لا يَدومَ خَليلُ
- ينسب إلى أمير المؤمنين (عليه السلام)
ـــــــــــــــــــــــــــــــــــــــــــــــــــــــــــــــ
توجهت أطلع من الباب الخارجي بعد إنتهاء وقت الحفلة بعد ما أشرت الزهير حتى نطلع طلعت قبلة واني اتمشى نزعت الوشاح وصعدت بالسيارة وشمرتة ورة أخذت نفس عميق يتخلل الصدري اختنكت بسبب الإبتسامة الزائفة والمجاملات المعقدة بقيت مغمضة واتنفس على هذا الحال...
قاطع خلوتي صعود زهير للسيارة التفتت علي يباوع علية ويباوع ورة بعدين هز أيدة وساق السيارة ابتسمت على حركتة عرفت يقصد الوشاح الي نزعتة ليش نزعتة لان الفستان الي لابستة فضيحة الزنود كلها طالعة رجعت رأسي على الكشن أريح راسي من هوسة الأفكار الي داهمت عقلي انتبهت علي يحجي
ـ ايريم تسمعيني
ـ همم
ـ بيج شيء
ـ لا
ـ هيج راح تكملين المهمة
ـ قصدك ؟
ـ بهذا لبسج شلون راح تسيطرين
ـ لا جايبة وياي ملابس بهذيج الجنطة
ـ وين راح تبدلين ؟
ـ أكيد بسيارتك بعد ماتنزل مضللة وكلشي ميبين منها
هز ايدة وكمل يسوق هسة هذا أخلي برگبتي أحد يگلي ليش ؟ باوعتلة صفح جانت ملامحة باردة يسوق بهدوء أيد بيها جكارة والثانية على الستيرن تحس عقلة مو وي الطريق للحظة تخيلت هذا شارد بتفكيرة لولا انتباهي على الشارع وسياقتة الرزنة ...
تحس الغموض يحاوطة والسواد متملكة تحس وراه سر شاغل عقلة رجعت رأسي باريحية واني افكر بالمهمة بعد مدة وكفنا أمام المكان المنشود...
أشرت إلى عرف قصدي ونزل رفعت الجامات وقفلت السيارة بدلت ملابسي عبارة عن جينز أسود وهاينك أسود وقمصلة جلد سودة لبست البوت الأسود ولميت شعري ونزلت باوعلي وهو يحجي ...
ـ إنتي راح تكونين بهذاك البيت واني راح أتوجه الهذا البيت
ـ ليش المكان هيمة نجيب گال بيها بيوت ؟
ـ يقصد هذني البيتين فقط هذا قصدة بالبيوت
ـ مكلف روحة والله المهم خلي نبلش
ـ مثل ما اتفقنا
ـ تم
توجهت للبيت فتحت الباب ودخلت صار گدامي أثنين شباب واحدهم بطول السگف واحد باوع للثاني وابتسموا واني ابتسمت وياهم على الواهس وخروا عن الطريق وفتت ..
أنت تقرأ
ضـغـن الايـريـم
Mystery / Thriller"وهل كنت بهذا السوء" "ام هم من جعلوني بهذا السوء" "لست بخير وجميع من حولي لن يكونوا بخير" "قتلوها وقتلوا برائتي " "هناك فراغ وفجوة اصبحت في حياتي" "من سينتبه لها لا أحد فهم من صنعوا هذه الفجوة " "انتقامي . وحدتي . حزني . " "هم سبب في ذلك " " هي لم ت...
