دخلت ملاك البيت تعبانه
ام عبدالرحمن:هلا ببنيتي هلا بالسنعه
ملاك:هلا يمه
ام عبدالرحمن:يلا امي روحي بدلي وتعالي بنتغدا
ملاك :ابشري يمه
راحت ملاك تبدل وتصلي الظهر ونزلت
شافت ابوها واخوانها
ابو عبدالرحمن:هلا هلا بشمعة الدار
ملاك:هلا يبه
طالعت ملاك لعبدالملك
عبدالملك:يمه شفيك
ملاك:شفيني ليه سحبت علي اليوم
عبدالملك:كنت تعبان
ملاك:لا يا شيخ لو أنها طلعه الحين مع مسفر كان نطيت
عبدالملك:كل لعيون مسفروه يهون
ملاك :يع
جابت الغدا ام عبدالرحمن وحطته
ملاك عشان تنرفزه :دودي عطني الببسي
عبدالملك:ابكك وش دودي هاذي تقولينها لخويتس مو لي ملاك:يلا عطني الببسي عطاها الببسي وقعدو يتغدون
ابو عبدالرحمن:ترا بكرا محركين الديره جدكم اتصل وقال لازم نجيه
ملاك:حماسسس
ابو عبدالرحمن: جهزو اغراضكم
خلصت ملاك وأخذت المواعين وغسلتها وراحت ترتب اغراضها ونامت
«بيت ابو احمد»
دخلت إيلام مسرعههه عند البنات
ايلام:بنات بنات بنات
ايلاف:شعندك ي اخبار السودان
إيلام:عشانتس اختي الكبيره بمشيها لتس
المهم بنات بنسافر الديرههه
ايلان :كذابههه
إيلام :ليش اكذب شايفتني ليلى
ضحكت ايلان:يقطع ابليستس
ايلاف :وناسههه يعني بنشوف الثلاثي المرح
ايلان:يووه وحشوني
إيلام:أكثر شيء اشتقت له يوم نطقطق على رقيه وحميده (قصدها ليلى وسميره )بنعرفها بعدين
ايلاف :ايهه ويوم تجي ليلى تقول :بنات يعع ليش تأكلون كذا كلو بالملعقة
ضحكو. البنات ودخلت منيره :بنات سمعتو الخبر
ايلاف:ايه سبقتك تالا صفوان تقصد ايلام
ضحكت منيره وقالت:حرام عليك لا تغلطين على إيلام
إيلام:منيره
منيره:عيوني
إيلام :اشك انك توأمي الحقيقي مو ايلان
نطت ايلان:ي قليلة الادب وراحت تركض وراء إيلام
ايلاف تضحك:مهبل ذولي
منيره :تراهم اخواتك مسويه طالعه منها يعني
ضحكت ايلاف ودخلوا ايلان وايلام ماسكين شعر بعض
ايلاف ضحكت بقوه :منو إيلام ومنو ايلان
ضحكت منيره وقالت: اخخخ بطني شوفي كيف ماسكين شعر بعض
ايلان :دورو لي توأم جديد بسرعه اتبرا من إيلام
إيلام:لا يا شيخه الي يسمعتس يقول ميته عليتس
ايلان:غصبا عنتس انا اكبر منتس
إيلام :هدي تراك اكبر مني بعشر ثواني
ضحكت منيره وجت تفرق بينهم :خلاص حبايبي
«صباح يوم الجمعه»
ببيت ابو متعب
ميار :انا باخذها
ملاك:هههه احلام العصر جيبيها انا اخترتها اول
ملاذ:لا انتي ولا هي انا
ميار:دزي انتي انا اكبر منكم
ملاذ:هدي تراك اكبر مني بيومين بس
ملاك:وانا بثلاث ايام بس هديي
ملاك:خلاص انا اصغركم بأخذها
ميار:لا يا شيخه
ملاك: قدر الصغير
ميار بنفس نبرتها :احترم الكبير
قعدو يتهاوشون
دخل عليهم محمد :خير خير شذا الصراخ بالحراج انتم
ملاك:شدخلك بعدين ليه داخل غرفة البنات
محمد ضحك:اي بنات الله يسعدك وحوش انتم
جت ملاك بتضربه مسكتها ميار :خلاص بس وانت اذلف برا
محمد :من زين وجهيكم انا جاي اقولكم أن ابوي وعماني يبونكم تحت
ملاك:اوك خلاص ي اذلف ي مرسول
محمد:انا مرسول جا بيقطع شعرها مسكته ميار :
خلااص بنجي وانتو بنتفاهم على التيشيرت بعدين انزلو
نزلت البنات ومحمد
ابو مسفر:انتم عارفين أن حن بنروح الديره
ولازم نقررر بخصوص موضوع السفر
ملاذ:كيف يعني كل واحد مع أبوه
ابو عبدالرحمن :لا ي قلبي انتي تغير الوضع لأن عمتكم نوف بتجي معنا وبنرتبكم
ابو عبدالرحمن:انا بأخذ زوجتي ونوف وعيالها
ميار وملاك وملاذ مع محمد
ملاك:لا لا تبيينا نروح مع ذا تأشر على محمد
محمد :وش فيه ذا
ابو عبد الرحمن :خلااصصص ايه بتروحون مع ذا
وعقابا لكم ليلى بتروح معكم
كلهم بنفس الوقت:لااا مانبيها
ابو عبدالرحمن :وليه
ميار:لأن ي عم ليلى دايم تتدلع قدام محــ
حطت ملاك يدها على فم ميار ملاك:للا ي يبه ميار تقصد انو ماراح نكفي بالسياره تعرف عفشنا انا والبنات كثير
ابو متعب خلاص بأخذها انا مع زوجتي وعيالي
ملاذ بهمس:الله يعين عيالك ي عم
ملاك بنفس الهمس :اي والله
محمد بهمس :وش تقولون انتم
ملاك :لا بس نقول الله يعين اخوانك على حبيبتك
محمد: حبيبتك أجل هين اوريتس بخلي سفرتس هاذي جحيم
ملاك ضحكت:اصلا سفرتي صارت جحيم من بعد ما قال ابوي اني بروح معك يعني ماتغير شيء
محمد:اوريتس
بدو يجهزون الاغراض ويحطونها بالسيارات
كل واحد راح سيارته وركب
السياره الي فيها ابطالنا
محمد يسوق عبدالملك قدام ميار ورا عبدالملك وملاذ. بالنص وملاك ورا محمد
حركو قال عبدالملك:يبو سعد شغل لنا شيء
محمد:ابشر
ملاك تقلد محمد:ابشر دودي مالقيت الا ذا تخليه يشغل لنا
عبدالملك :ابك انا شقلت كلمة دودي لا اسمعها
ملاذ:الله دودي سو كيوت
عبدالملك:الله يخلف علينا
ملاذ:اص بس
محمد:خلااصصص بشغل وش تبون
ملاك:شغل سلطان البريكي
محمد:جوييي اول مره تفهمين علي
ميار:يا ليل اجتمعو شياب الديره
عبدالملك:شعرفتس بالذوق انتي خليتس على خالد عبدالرحمن
ميار:أطلق منكم
محمد شغل شيله لسلطان البريكي :
لا ماك يا صاحبي من أبسط
حقوقي شفني على ديرتك ربي معنيني
-
ياديرتن حبها من حب مخلوقي لو تعرفين الغلا
ماكان لمتيني لو تعرفين الغلا ماكان لمتيني
ـ
محمد بداخله:من حب مخلوقي اخخ ماتدرين قد ايش احبك ي حماره
كملو وملاك شافت بقاله :الله بنات شرايكم نروح البقاله
البنات:تممم
ملاك:محمد عادي نروح البقاله
محمد:للا
ملاك:مو على كيفك
محمد:مين يسوق انا مين سيارته انا
ملاك:مين زين السياره وصاحبها عاد
محمد: شعرفتس بالذوق انتي
عبدالملك :خلاص وقف عند البقاله ابي فصفص
محمد:ابشر بس ترا لعيونك بس غيرك لا
ملاك:خف علينا
نزلوا البنات البقاله وقعدو يشترون
واشترت ملاك الشوكلت المفضل عندها وحليب الشوكلاته
خلصو وجو عند المحاسب
كان المحاسب يناظر البنات نظرات غريبه
وجو يحاسبون وقال:الحساب مدفوع
ملاك:كيف مدفوع
المحاسب :دفعت عنكم عشانكم حلوات شرايكم تجون معي
ملاك عصبت:هيي انت حركات المبزره ماتنفع معنا لا تخليني ادعسك هنا الحين
المحاسب:فديت الزعلان انا
ملاك بدت تتنرفز:لا شكله ذا بعقله شيء رمت ملاك الاشياء وقالت:اقسم بالله اقسم بالله لو ماتذلف اني لاشرشحك بالمخفر
المحاسب:اويلي
لف عليهم محمد وجا عندهم :خير خير شفيه
ميار:شف الحيوان قاعد ي**ت**ح**ر***ش
فينا
محمد عصب :افا يا ذا العلم طالع فيه شعندك انت
المحاسب :امشو من هنا وخلولي الحلوه ذي آشر على ملاك
هنا محمد فاررر دمه وقعد يصفق بالمحاسب ويقول
من الحلوه انا اوريك وقعد يضربه والبنات يحاولون يوقفونه وجا عبدالملك من السياره وفك بينهم
خير شفيه محمد الي عروق يده باينه وعيونه محمره من العصبيه شفف الحيوان يتحرش
عبدالملك:خلاص امشو هاذا ابن كلب رمى الفلوس بوجهه ومشو السياره
عبدالملك:خلاص هدد انا بسوق عنك ركب محمد وهو معصب ولف على البنات :ثاني مره غطو وجيهكم قبل تنزلون
ملاك وملاذ بنفس الوقت:شدخلك
محمد:وش الي وش دخلك يتحرش فيكم وتقولون شدخلك
ملاذ:ايه بس انت مو ولي أمرنا يعني مالك شغل
محمد :اصص لاهبدك بذي
ملاك:هيي تهبد مين تراك تكلم خويتي يعني احترم نفسك
محمد:اقول انكتممو وثاني مره انا اجيب اغراضكم
حركووو ووصلو الديره وشافو أنهم اخر ناس وصلو
دخلو البنات وشافو الجد والجده وركضو يسلمون وحده وحده جت ملاك وحظنتهم :اشتقت لكم مرههههههه
الجده ضحكت:قصدك اشتقتي تعذبينا
ضحكت ملاك:شدعوه ي جده
الجد:شلونكم ي بنياتي
البنات:بخير الحمدالله
قعدو يسولفون مع الجد
وراحوا البنات لأن العيال يبون يدخلون يسلمون
انتهى البارت حبايبي كونو قريبين للبارت الثالث
كاتبه جديده ادعو لي 🤎🤎
أنت تقرأ
دامك زرعتي الحب بداخلي ورد انا ما ابي غيرك من الناس يسقيه
Randomروايتنا تكلم عن أجواء الديره وحب الطفوله راح تعيشون معاي بمخيلتي الفرح الامل الحزن الأجواء الشتويه السعيده نبتدي من ذي النقطه وقلمي أن شاءالله ماراح يجف الا وهو يكون سبب لسعادتكم 🔥🔥
