🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

_" وبعد ما أديك فرصة هتوفي بوعدك ومش هتقرب منها وهتطلقها وترجع لي تاني "

تميم بلهفة " أيوه بوعدك وأنا عمري ما أخلف بوعدي يا حسنائي "

حسناء برفعة حاجب وسخرية وهي بتبص في الموبايل " وهي الحلوة عارفة إنك تعبان "

تميم بوجع " لا ماتعرفش ومحدش يعرف غيري أنا وأنتِ "

_" تمام يا تميم بس خلي بالك وأنت بتأخد العلاج ماتروحش البيت عشان أنت عارف إن علاجاتك ليها أثرها الجانبية وممكن يحصل حاجة "

تميم سكت سيرة مرضه لوحدها بتوجعه وحسناء ضغطت علي الوتر الحساس عنده

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد أسبوع

كان تميم كتبت كتابه على علا وإتعمل فرح كبير مصر كلها حضرته لأن تميم من عيلة غنية جدًا

حسناء إتفرجت على كل ده في الأخبار لأن فرحه بقى ترند بصت لكل ده بقهر المفروض هي اللي تكون مكانها المفروض تكون هي أول واحدة في حياته المفروض كان ده فرحهم وقبلها تفضل تلف معاه على فستان الفرح وتفضل تنكش فيه

فضلت عمالة تعيط بحرارة وقهر ليه هي يحصل فيها كده هي مش قادرة تتحمل الوجع اللي بتحسه وبتعيشه

موبايلها رن وكان تميم كنسلت ومردتش فضل يرن كتير وهي مردتش لحد ما لقت أخوه هو اللي بيرن

حسناء بصراخ " نعم ياااا تيم عااااايز إيه حل عني بقى أنا مش قادرة أتكلم مش ناقصة وجع قلب أكتر من كده حلللل عنيييي أرحموا من في الأرض يرحمكم من في السماء "

تميم بوجع " أهدي يا حبيبتي عارف قد إيه أنتِ موجوعة بس والله هم كلهم كام شهر وهنبقي سوا وهنسيكي كل ده "

حسناء بصراخ أعلي " أنت تخرس تخرس خالص أنت وجعتني بطريقة محدش يتخيلها وجعتني أكتر ما أهلي وجعوني أنت حسستني إنِ رخيصة "

_" اششش أهدي أنتِ أغلي حد في حياتي يا حنة "

حسناء فصلت الخط في وشه وهو حاول يرن عليها أكتر من مرة بس مردتش وهنا عرف إنها عايزة شوية وقت لوحدها فسابها على راحتها ومرنش تاني

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في شقة راقية

كان عمال يلف حوالين نفسه زي الأسد الجريح حبيبته تعبانة ومنهارة بسببه ليه عمل كده فيها للدرجة دي ماهمهوش مشاعرها ولا حبهم

بس هو السبب أيوه أبوه هو السبب في كل اللي بيحصل له هو اللي دمره

_" أنت كويس يا حبيبي "

_" أخرسي ماتقوليش حبيبي أنا مش حبيبك "

علا بغضب " لا حبيبي إحنا بنحب بعض أنت نسيت كل اللي بينا وحبنا الكبير اللي كان الكل بيحلف بيه "

_" كان فعل ماضي وعمره ما هيرجع "

تميم حس بوجع فراح بسرعة خد علاجه وهو بينهج حاول يخرج بره الشقة بس علا منعته بحضنها

_" خليك معايا وماتسبنيش "

تميم بهلوسة " وأنا مستحيل أسيبك يا حسنائي "

وفي لحظات كانت مراته قولًا وفعلًا

#عشق_أدمي_قلبها
#شروق_حسام