🦋 إسكريبتات شروق حسام 🦋

إسكريبت 🦋 إخترت نفسي 🦋

إسكريبت 🦋 بقلم شروق حسام 🦋

_" أنا بحبك إياك تسيبني تعال أتقدم لي مش عايزة أقعد هنا أكتر من كده "

_" وأنا مش عايزك أنا مستحيل أتجوز واحدة كلمتها قبل كده ده حتي تبقى عيبة في حقي "

أحلام بصدمة " أنت بتهزر قول إنك بتهزر مش كده إياك تكسرني يا علاء "

علاء بعدم إهتمام " بصي يابت أنتِ أنا مش ناقص وجع دماغ أنا اه بحبك وبموت فيكِ مش هنكر بس عمري ما أتجوزك إذا كان أنتِ ماصونتيش وماحافظتيش علي ثقة أهلك هتحافظي على شرفي وبيتي "

_" عاملة زي الشيكولاتة واحدة متغلفة وواحدة مفتوحة طبعًا هاخد المتغلفة ومش هاخد المفتوحة "

أحلام بقوة مصطنعة " بس ساعتها ماتنساش إنك الدبانة اللي بتريل على الشيكولاتة "

خلصت كلامها وفصلت الخط في وشه وهو إتصدم من ردها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" بتعملي إيه يا أحلام قومي يلا عشان تاكلي أخوكِ لسه راجع من الدرس يلا عشان ناكل سوا مارضتش أفرغ الأكل غير لما يجي "

أحلام سمعت كلامها فإنفجرت فيها " زياااد زياااد زيااااد هو كل حاجة زياد فلوس خد أكل خد ده حتي منابك في الأكل بتدهوله عارفة إنه مش بياخد دروس وبيزوغ وبردوه بتديله فلوس يوم ما بيعجبني طقم من محل رجالي وأشتريه هو بياخده يلبسه وبيتقطع في الآخر عشان مش بيعجبني حاجة في محلات الآنسات أجي أتكلم محدش بيسمع كأنِ جماد هو أحسن مني في إيه ها قولي لي أنا عارفة إنك بتحبيني بس حبك بتعبري بيه بالطريقة الغلط حرام بجد أنا بحس بنقص بحس إنِ معنديش حضن حنين أترمي فيه ببقي عايزة بس إنك تاخديني في حضنك دقيقة واحدة بس لما باجي أقرب بتبعدي بحجة هعمل الأكل لأخوكِ هعمل معرفش إيه لأخوكِ ده أنا ماخدتش ربع اللي بياخده دلوقتي وأنا في سنه ده دروس ثانوية عامة ماكنتش باخذها لدرجة إنِ سقطت وكنت هشيل كيمياء وفيزياء وأحياء لولا ستر ربنا ملكنتش عديت والله حرام ده حتى مش بيحمد ربنا ولا بيشكر وعايز فلوس يصرف بيها على صحابه والبنات اللي يعرفهم وزفت السجاير اللي بيشربها ده أنا كل ما أقوله حاجة يشخط فيا وأنتِ ولا حتى بتزعقي له ده أنا أكبر منه بأكتر من 5 سنين حاجات بسيطة أوي بتحصل ممكن تكون تافهه بس بتكسرني من جوا وفي الآخر بسكت وبكتم جوايا ده لو سمعتي صوت رنة إشعارات الواتس بتقولي لي مين بعت لك مع إنك مش بتقولي له كده "

كملت بقهرة " أنا عايزة أنام أخرجي لو سمحتي "

سوسن بصت لها بصدمة من كل اللي قالتها للدرجادي بنتها شايلة منها أوي كده جت تتكلم بس أحلام منعتها

_" عايزة أنام "

أحلام راحت ناحية السرير وغطت نفسها باللحاف وهي مش عايزة تسمع أي حاجة

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد أسبوع

حاولت تكلم علاء أكتر من مرة هي بتحبه ومستحيل تبعد عنه أكيد هيكون عنده سبب عشان يعمل كده

وهو مكنش بيرد عليها آخر ما زهق رد

_" أوووف بقي عايزة إيه مش فضتها سيرة "

أحلام بلهفة " علاء إسمعني "

علاء بحدة " إياكِ تكلميني تاني خطيبتي لو عرفت هتزعل وهي محترمة ومش عايز أخسرها "

أحلام بصدمة ووجع " خطيبتك؟ خطيبتك أمتي وفين وإزاي "

_" أيوه خطيبتي خاطب من 3 شهور وفرحنا قرب "

أحلام بإنهيار " طب وأنا...أنا كنت إيه في حياتك "

_" حشرة عايزة تتداس وكمان أنتِ عايزة إيه مش بجحتي آخر مرة معايا "

_" حقك عليا بس ماتسبنيش "

_" تمام بس بشرط تتصوري لي صورة حلوة كده "

أحلام بعدم إستيعاب " صورة إيه مش فاهمة "

_" صورة بهدوم النوم وساعتها بس هاجي أتقدم لك وأتجوزك "

أحلام بلهفة " بجد يا حبيبي "

علاء بخبث " بجد "

قفل معاها ولحظات وصوت إشعارات الواتساب رن عنده فتح التطبيق ودخل على الشات ما بينهم لقى صورة إتبعتت ضحك بإحتقار وضغط على علامة تنزيل الصورة ثواني وكانت الصورة حملت وأول ما شافها إتصدم

#إخترت_نفسي
#شروق_حسام