🦋 إسكريبتات شروق حسام 🦋

حلقة خاصة 1 🦋

بقلم شروق حسام 🦋

_" بتعيطي ليه يا حبيبتي ما أنا قولت لك قبل كده مش عايز غيرك "

_" عارفة بس أنا نفسي في بيبي العلاجات مش جايبة مفعول إحنا بقى لنا 6 سنين متجوزين "

حيدر بحنان وهو بيحضنها " أديكي قولتي 6 سنين مش كتير يعني لسه العمر قدامنا طووويل وبإذن الله هنخلف بدل العيل دستة وساعتها هتبقى عايزة تتبري منهم وكمان سما لوحدها صداع "

_" فعلًا دي روح قلبي وبنتي البكرية بس أنا عايزة أجيب لها أخت البت مش هتفضل وحيدة كتير ده غير إن رهف مش عايزة تتجوز تاني ف ليه نسيب سمسمتي وحيدة ههههه "

_" أوعدني إن عمرك ما هتفكر تسيبني يا حيدر أموت لو عملت كده "

_" مستحيل يا جوجو ده أنا طلع عيني علي ما حضرتك أتكرمتي وأعترفتي لي بحبك "

جاسمين بخجل " حقك عليا بقي حايدرو "

حيدر مسك خدودها الإتنين وبقى يشدهم " حايدرو إيه يا حجة بتخترعي الأسماء الغريبة دي إزاي هههه حايدرو "

ساب خدودها وباسها على خدها مكان الإحمرار

حيدر بتذكر وضيق " هي براءة ماكلمتكيش  "

جاسمين بغيرة " بتسأل ليه يا أفندي هااا أنا أكلمها أنت لأ فاهم ولا لازم أفهمك "

حيدر بص لها بتفهم هو عارف إنها بتحب رهف وبتعتبرها زي أختها بس هي بتغير عليه حتي من والدته

حيدر ضربها بخفة علي راسها وقال " أختي وعايز أطمن عليها ده غير إنها بقى لها فترة مش بتكلمني "

جاسمين بصت له بإبتسامة وهي من جواها حاسة بقلق وتوتر هي عرفت من فترة إنها كانت بتاخد موانع حمل وهي مش عارفة وطلع راكان هو السبب وإكتشفت الموضوع لما راحت عند دكتورة تكشف وقالت لها إنها كانت بتأخد موانع حمل على مدار سنين وده كان هيسبب لها عقم دائم وطلع موضوع إن هي مابتخلفش مش حقيقي هي كانت تقدر تخلف عادي بس التحاليل إتبدلت مع حد تاني وراكان عرف الموضوع بس إستغل الحوار عشان يخليها جنبه ويضمن إن هي مستحيل تسيبه لأن مين هيرضي يعيش مع واحدة عاقر

( مش بقول واحد مريض )

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في فيلا أهل حيدر

كانت قاعدة بتذاكر لبنتها اللي عمالة تفرك كتير ومكسلة تذاكر

_" يا بنتي بقي إمتحاناتك قربت وأنتِ بلاطة ده المدرسين بيشتكوا منك "

سما بصدمة مصطنعة " مين أنا ! لا دول بيضحكوا عليكِ يا مامي "

_" طب ياستي صدقتك قولي لي بقى ال 9 في 8 بكام وده سؤال تافه البيبي يقدر يجاوبه "

_" مش للدرجادي بس المجموع هيبقي 17 "

_" إيه عيدي تاني "

_" بقول لك أنا جعانة "