﷽ ا
بقلمي : يوم الدجن .
- زهراء محمد : زآي .
وأنت لــِ رُوحي أميرًا ، وإمـامـًا ، وحـبيبًا ، وأبـًا ياعلي ♥️
عُمري الجميل لاتنسون متابعة الحساب والتصويت على البارت 🙈🫰🏻
+ التعليقات على الفقرات أحب أشوف أرآكم بكُل شي 🤎🫂 .
Instagram : zahr_aam2
~~~~~~~~~~~~~~~~~~~~~~
الوَرد لو مِثلچ حَلو
تركضلهَ وادم حافيه
والمَالكه لعَلته دوه
نبرهَ ضحَكتچ كافيه .
سؤال اليوم ياعزيزي القارئ ؟
ماهوة فصلك المُفضل ؟
- أنا الشتاء 🙈🤎
صفنت بوجه ما مستوعبة لي گالة ،
أستغربت من كلماتة واحس مدا اگدر استوعب شنو باعني ؟
ضليت گاعدة بمكاني ورحمة تباوعلي مستغربة ،
فزيت من مكاني من هجمت سينام دگومني ،
وخرت ايدهـا مني ما مفتهمة شي .
مـودة :- شكو ؟ شتريدين مني ؟
سينام :- گومي وياي .
مودة :- شنو وين ؟
ساهر :- گومي بدون كلام بسرعة ماعدنا وقت .
مودة :- ماااا وخري مني ما اريد انزل .
ساهر :- جريها من شعرها ونزليها .
جرتني رحمة من أيدي متقبل ياخذوني تصرخ بيها تعوفني ،
لأكن سينام ضخمة ما نگدرلها ،
عتت أيدي حيل حسيت خلعتها وتصرخ بيَّ دگومني ،
مستعجلين وخايفين بنفس الوقت ،
ماعرف على شنو تحسهم مهربين شي وراح ينكشفون ،
يردون يخلصون كلشي بساع .
فليت نفسي منها بقوة دفعتها لي ورا كأنها تريد تفترسني ، حضنتني رحمة خايفة و صوتها مبحوح ،
صوت سالي بـدة يختفي تدريجيًا من الصراخ ماعرفت على شنو تصرخ بس صوتها كلش عالي جان ،
رجعت سينام تريد تاخذني جرتني رحمة وصرخت بيها ،
رحمة :- عوفيهااااا عوفي اختييي وخرييي .
رفعت راسي شاهـگة من شفت ساهر دفر رحمة عني ،
زحفت الها اشوف شبيها صرخت من جرني من شعري بقوة ،
تمددت رحمة ايدها على بطنها عاقچة وجه بـ ألم .
أنت تقرأ
يوم الدجن
Actionفي مُـكان وزمـان في الحرب وألامـان . في الاخـذ والعطـاء يقتلون ارواح الابريـاء يشؤن حرب بين الاشقـاء يفعـلون مايشـأون يقتـلون ما يريدون . في مُكـان نرى طيغانهم وكيدهـم وانعدام ضمائرهـم . * القصة حقيقة * بقلمي :- زهراء محمد
