🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

_" ينفع تفهمني حصل إيه لكل ده يا حيدر "

حيدر بعصبية وهو بيدور في الأوضة كلها " الزفت ده مش سوي نفسيًا واحد مريض لازم يدخل مستشفي الأمراض العقلية "

_" أهدي بس وفهمني كل حاجة وفهمني أنت ليه جبت جاسمين معانا هنا أنت عارف إن الشقة دي محدش يعرف عنها حاجة غيري أنا وأنت وبس "

حيدر بعصبية أشد " كان هيموتها يا رهف كان هيموتها شوفته وهو بيخنقها الحيوان كل ده عشان وقفت أتكلم معاها شوية البت حالتها النفسية صفر بسببه وبقت حاسة بإكتئاب أنتِ إزاي كنتِ عايشة مع البني آدم ده للدرجادي كان معيشك في وهم للدرجادي كنتِ غبية مش ملاحظة تلاعبه بيكِ وكدبه أنا هتجننننن "

رهف بخبث " وأنت متعصب ليه إن شاء الله "

حيدر بتنهيدة " صعبانة عليا أوي مش بحب أشوف الظلم قدامي يا براءة أنا بجد بكره إنِ أشوف حد واقع في مشكلة قدامي وماساعدهوش بحس بالذنب "

رهف بمرح " يعني أنت حاسس بالذنب ناحيتي "

حيدر برفعة حاجب " لا والله طب بطلي هزار بقى "

رهف بجدية " بص يا حيدر أنا مش راضية أتكلم بس أنت كده هتضيع كل حاجة عملناها وبنعملها "

حيدر بضيق " وأنا عملت إيه يا براءة "

_" ماعملتش بس هتعمل أنت عارف إحنا رجعنا هنا تاني ليه "

حيدر بتنهيدة " عشان نرجع سما لحضنك وتدوقي الزفت المر "

_" الله ينور عليك وأنا قولت لك تحاول تكلم جاسمين في إنها تسحب أسهمها من شركة راكان لأن ثروته كبيرة وأبوها شريك معاه وحضرتك عملت إيه في الآخر"

حيدر بتوتر " ماعملتش وماكلمتهاش أصلًا "

_" يبقى مين اللي هيودينا في داهية "

حيدر بإبتسامة سمجة " أنا "

رهف بتنهيدة " بص يا حيدر أنت أخويا الكبير ومكانتك كبيرة أوي عندي أنت شوفت اللي كنت بعانيه كل السنين دي وأنت كنت معايا في كل لحظة كنت بتعالج نفسيًا فيها ده غير رجلي وإيدي اللي إتكسروا وكانوا متجبسين ده غير النزيف الداخلي "

_" أنا كان ممكن أعمله فضيحة بس مستحرمة عندي خطط كتير وكنت أقدر أدمره من زمان من أول ما عرفتك وأنت ساعدتني بس زي ما قولت لك مستحرمة عشان كده حبيت إن حد تاني يعمل كده "

جاسمين بسخرية " والحد ده أنا مش كده صح "

_" أنتِ ذكية وأخترتي الشخص الصح لأنِ مش برحم اللي قدامي ولا بهتم هو مين لولا إن حيدر فوقني من الوهم اللي كنت عايشاه كان مستحيل أوافق علي أي حاجة بيطلبها هو اه راكان إستغفلني مرة بس مش معني كده إنِ مغفلة وغبية "