بغداد ، الاحد 3/7/2016
صباح مليان سعادة لان الكل متجهز للعيد الكل يسعى حتى يقدم اثمن ما عنده من عطاء حتى يسعد اهله وناسه ...
فيروز : كعدي اريا كعدي يووم
اريا : خليني نايمه شويه
فيروز : حبيبتي راح الوقت عليج ابوج وحدة يريدج
اريا : يدلل كمال كايمه
فيروز : ههههه يله عفية
كعدت من سريري غسلت وكان الجو غريب وحسيت بضيق بصدري ، واني امشط شعري كانت ماما تجهز نفسها حتى تروح هيه وبابا يتسوقون للعيد ، طلعنا اني وياها للمكتبة
حتى يروحون وابقى بمكان كمال لحتى يرجع ، احس بنعاس فضيع ...
كان بابا منتظر ...
اريا : ها عمري
كمال : هلو عصفورتي
اريا : بابا يا عصفوره اني منعسه
كمال : هههههه يله كلها ساعتين ونرجع اني وفيروزه
فيروزه : انتظرينا نجيبلج اشياء حلوه
اريا : الله منتظرتكم اني
كمال : مصلحة
فيروزه : شعندنا غيرها
كمال : انتبهي لنفسج حبيبتي
اريا : انشاءالله انتم هم
دخلت للمكتبة وكعدت بمكان كمال خلف المكتب
بديت اتفرج على مقتنياته الثمينه اقلامه والكتب الي يفضل ما يعرضهم للعلن ، واني اتفرج على تلفوني واتصفح بصفحات صديقاتي ، والوقت كان يمر وكل جُزء بصدري يختنق فجأة رن هااتي كانت فيروز
اريا : الو ها ماما
فيروز : حبيبتي جبتلج قميص يخبل وشال
اريا : حبيبة الروح فيروزه ليش تعبتي نفسج
فيروز : شعندي غيرج يا امي
اريا : يحفظج الي يا فيروزه
فيروز : كمال يسمعج وغار
اريا : وانت هممم احبك كمال الحلو
غلقت هاتفي وبقيت منتظرتهم ، بهل اثناء دخل شخص للمكتبة
زبون : مرحبا
اريا : اهلا وسهلا
زبون : رايد مجموعة محمود درويش متوفرة
اريا : صراحة هيه متوفرة بالمخزن بس خلي ادورلك لان ما اعرف صاحب المكتبة وين مخليهم بالضبط
زبون : هيه المكتبة لعمو كمال صح
اريا : اي شنو تعرفه
زبون : طبعا قريب من روحي وصديق الوالد هوه
اريا : ياعيني هلا بيكم المكان مكانكم
بهل آثناء كل اركان المكتبة نهزت اصوات سيارات الاسعاف والناس بالشارع خارجة توقعت هزه ارضية ...
