الحُب المجنون

البارت الرابع ـ الجزء الثالث ✨.

عـطِرو افواهكم بالصلاة على محمد وال محمد 🤎.

قبل القراءة فضلاً:- تصويت وتعليق ومتابعة♥️🖋️.

چنِت تدّري أنا أحَبك ؟
ودّرت وجِهك مَن دّريت
گتَلك أُبقى گبّال عِيني ،
وعَمت عيّني ومِا بُقيت !.

ـــــــــــــــــ
بلسم:-

فزيت مرعوبة واباوع مالكيت احد! معقوله جنت اتخيل؟.

بس والله حسيت بشي على شفايفي ؛ لمستهن وجعني لكيت شفاهي مشكوكه أستغربت وحطيتلها مرطب ورجعت نمت بعدم اهتمام.

كعدت الصبح ونزلت اسولف واضحك رجعت بلسم القديمه بس مانسيت الصار بيهَ

تريكنا وصگر اخذني للمنتزه وطبعاً خليته يفلس واشتريت لرنا وقمر يربي بينهن شبه مو طبيعي!.

اقارن بصورهن يتشابهن يربي سبحان الخلقهن نفس الشي بس اكو اختلاف مُلفت .

ماهتميت ؛ جنت لابسه فستان سمائي حلو كلش ورحت اشتري عصير عفت اشهم يخابر بصديقه.

اشتريت وردت اوخر وصدمني الشخص نفسه النقذني ياربي شكد اشوفه معقول متعمد؟.

شربت عصيري ورحت العب واركض ورا الفراشه الي جانت اطير واشهم يكلي لا تعثرين.

جيت اوكع وحسيت بأدين حاوطتني من خصري التفتت لكيته هو.

اركان:- يولي يواشج عش تركضين؟.

دفعته وطبعاً كفخته على خشمه من خرعتي ؛ عمري مالازمني زلمه لو طاخني يجي هذا ويحضنييي ؟؟ احمم لا بلسم ترا كضج حتى لا تطيحين... بس ولو خيولييي.

بلسم:- ولييي ومالك دخل بيه عساني اموت لا تدخل!.

عصب وشرايينه بانت.

اركان:- اسم الله عليج يروح اركـان.

انصدمت هذا شدايحجي والعباس موصاحي ؛ فزيت من صدمتي سلام اشهم علي..... معقوله هو الجان يدز رسايل؟.

يباوووووو يماييي ؛ ياجبار ياخويايي يامضلووومممم ولجنن لحكلييي عزااا معقوله صديق اخوانييي يتحرش بيهه؟ شهل ادبسزيه طبعاً ردت اكفخه بس مالي خلك.

اركان:- ايي شحالج بلسم ؟.

كلت بسرعه:- زينه.

كمت امشي واطبك رجلي بالكاع متعصبه.

اشهم:- ايي شلونك اركانو.

اركان:- زين الحمد لله وانت شلونك الولد شلونهم الاهل؟.

اشهم:- يابعد گلبي والله زينين والولد ضالين يسئلون عليك شنهي شو مختفي؟.

اركان:- بوية اسرار سرية.

اشهم:- ومن يمتى اكو اسرار بفريق (لينور) ؟.

اركان:- امي شوي مريضه هلفتره اريد اروحن تا اخذها للدكتور.