ذراري الهجرس

البارت الأربعون

كيف لي بدونك
كيف لي أن اغفو بعيدا عنك
كيف لي أن اهنو بعيشةِ من دونك
كيف لي أن أسعد بدون ضحكتك
قولي لي ياصغيرتي
قولي لي يافرحتي
هل لكِ من رجوع

شفع ✨

.. اعتذر على التأخير بس صار عندي ظرف طارئ❤️

قبل لا تبدون بل بارت صوتوا وتابعو الحساب عمري 🥺❤️ ولا تنسون تنطوني ارائكم بل بارت حتى تشجعوني ✨🤭

*********************************
بقلمي : زينب أنمار ✨

ترانيم.......

فهيت مصدومة اريد اخذ وانطي بس ما ضل الي لسان ماطلعني من هاي الصدمة غير درة

درة : شنو يازواج هذا

شفع : مثل ماسمعتوا

درة : انتظر ليش جاي تحسسني انتهى الأمر

شفع : لان الأمر محسوم من يمي

درة : ورأيي

شفع : عادي ليش يمتى كايل ماأخذ رأيكم انتو عدكم خيارين لو تسوون الي اكوله لو تبقون هنا بعد مثل ماتريدون سوو مراح امانع

سكتنا ثنينا مانتجاوب ويا خلانا صدك بين خيارين احلاهما مُر بس بصراحة ماجنت مهتمة للموضوع من أساسه ورا بحر انطفت أحلامي الي بنيتها بصعوبة

كلت بهدوء : ليش تزوجنا

شفع : شغلتين الأولى علمود الإقامة بكل صريح العبارة ماريدكم ترجعون لهنا بعد وثانيا راح تعرفوا من تقبلون

فكرت بيها بعقلانية السالفة بصالحي ومن طرف جان بداخلي صوت يكلي سوي هذا حتى تنتقمين من ذاك الحقير مثل ماضحى بيج علمود نزوة خلي يتخبل عليج

هزيت راسي من هاي الأفكار شبيج طيرة مو كلتي مامتأثرة بي ليش تعيدين اوجاعج بيدج

شفع : ها شكلتوا

اخيرا طلع صوت درة : منو راح نتزوج

شفع : واحدهم حيدرة و الثاني لمار

رفعت راسي مستغربة : حيدرة !

شفع : اي قبل يتزوجج علمود الإقامة

ضحكت مستهزئة : خلف الله علي هسه لازم اروح اشكره لو شنو

شفع : طيرة الولد مامسوي غير الخير النا

: وهذاك هم ماسوه غير الخير الي تالي شطلع الحقير متزوج!

شفع : ها بنيتي مو طلقج ليش تاكلين روحج

صفكت ايد بيد وصحت : مو سهلة يتزوجني واحد من نعولاتنا ويعلقني بي تالي اكتشف عنده عائلة واني البلا اخلاق الماخذته من مرته مو هيج وفوك هذا اني الغلطانة

شفع : منو كلج انتي الغلطانة

: ضميري كلي انتي يا ثولة وغبية ومضحوك عليج جاي تخربين ببيت وحدة ثانية شفرقج عنهم وعن سلالتهم القذرة