🦋 إسكريبتات شروق حسام 🦋

إسكريبت 🦋 عشق أدمي قلبها 🦋

إسكريبت 🦋 بقلم شروق حسام 🦋

_ " وأنت بقى يا حلو خنتني ليه فقير ومعكش فلوس وعايز تبقى غني ولا أمك غصبتك ولا حبيتها ولا كنت عارفها وإحنا مع بعض ها قول لي قول لي ولا شغل التار ولا العار "

تميم بوجع " يا حسناء حاولي تفهميني أنا مش بحبها أنا بحبك أنتِ وبس إحنا بقى لنا مع بعض 3 سنين مش عارفة تستحمليني سنة واحدة بس كمان "

حسناء بسخرية لاذعة " عادي هستناك وهستني لحد ما تتجوزها ومراتك كمان تبقى حامل وتخلف مرة وإتنين وتلاتة وأنا هفضل زي الإستبن مستنياك مش كده "

كملت برفعة حاجب " ما إيه رأيك تتجوزني عليها بالمرة وأهو زي ما هي حرقت قلبي أنا هحرق قلبها وهي لسه عروسة جديدة "

_" عارف أنا كنت دايمًا بشوف فيديوهات وروايات عن الأبطال اللي بتخون وكنت دايمًا بقول في نفسي يابت سيبك من الكلام الفارغ ده مش حقيقي وتميم حبيبك مستحيل يعمل حاجة زي كده "

كملت بإبتسامة مصطنعة " ها أقول إيه بس أنا مش هلومك ولا هعاتبك دي حياتك وأنت حر فيها "

تميم بكسرة " طب وحبنا "

_" هو أنت ليه محسسني إنك كنت مسافر 10 سنين وراجع شوفتني مخطوبة وغدرت بيك فوق يا تميم أنت مجرد واحد خاين زيك زي باقي الرجالة "

_" بس دي مش غلطتك أنت دي غلطتي إنِ ضيعت وقتي وحبي وإهتمامي مع واحد زبالة زيك "

خلصت حسناء كلامها وقامت مسكت شنطتها وضربته بيها علي وشه بكل قوتها وبعدين سابته وخرجت من المطعم

حط إيده على وشه بوجع وقام بسرعة لحقها ومسك دراعها

تميم بحدة " أهدي بقى يعني ينفع اللي عملتيه ده "

حسناء بصراخ " اه ينفع وأبعد عني أحسن ما أصوت وألم عليك الناس "

_" أنت أصلًا مين هو أنا أعرفك أنا معرفش أنت مين أنت مش تميم اللي أنا أعرفه أنت مجرد واحد أناني مش هامه غير نفسه مش هامك حتى كسرتي "

_" أهدي بس يا حسنائي "

حسناء بجنون وصوت عالي لفت أنظار اللي حواليها " ماتقوليش حسنائي أنا مش حسناء حد "

_" بجد عايزة أضرب رأسي في الحيطة ندمانة على الساعة اللي رديت عليك فيها من 4 سنين علي الزفت الماسنجر "

خلصت كلامها وسابته ومشيت

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شهر

حاول فيه تميم يفهم حسناء الموضوع بس هي ماكنتش قابلة أي كلام منه وعملت له بلوك كذا مرة بس هو كل مرة بيجيب رقم جديد وبيكلمها منه

_" آخرى اللي بتعمله ده إيه ها قول لي "

_" كل خير إن شاء الله أديني فرصة واحدة بس إسمعيني "

قبل ما تقول أي كلمة كان هو بدأ كلام

_" أنتِ طبعًا عارفة إنِ كنت خاطب قبل كده "

حسناء بضيق " اه وماتت "

تميم بتنهيدة " لا طلعت عايشة أهلها كدبوا عشان يغطوا على موضوع الهدايا والدهب اللي جبته وباعوه وسافرنا بعدها بعيد عشان كده إستغربت ساعتها إنِ ماشوفتش جنازتها "

حسناء بسخرية " بجد ياتميم صدق إتأثرت شوف شوف لقد فرت دمعة من عيناي "

كمل متجاهل سخريتها " جت لي من فترة لما عرفت إن معاد جوازنا قرب بس ماتقبلتش منها أي كلام وبعدها أهلها عرفوا إنها جت تشوفني فبهدلوها وشوهوا جسمها "

_" يا حرام "

تميم بتنهيدة " فأبويا قال لي أتجوزها فترة عشان أهلها وهي جت إترجتني كتير "

كمل بوجع " حاولي بس تصبري عليا وإحتسبي ده كله عند ربنا وأنا بوعدك إنِ مش هقرب منها مهما حصل "

_" .......

#عشق_أدمي_قلبها
#شروق_حسام