﷽
بقلمي روايـة :- يـوم الدُجن .
- زهراء محمد : زآي .
- انَه منِيلي لو مَا عَلي وَياي!!
نَعمَة مِن الله لمَن صَار مَولاي .
~~~~~~~~~~~~~~~~~~~~~~~~~~~~~~~
انهجم گلبي وعساها ببيوتكم كون
نفس هـجمان گلبي البيت مهجوم
لاشافك الله ولاتهنيت
وعساك من الصبح لليل مهموم .
قبل البدء ياعزيزي القارئ نبدأ بالسؤال أولًا
هـل تحب السماء صافية أم مزينة بكتلة من الغيوم والنجوم؟!
گعدت بالارض أيدي على راسي مسطور والهم ترس گلبي ، ضربت على راسي مصدوم ،
تقدم أبوي حضن خواتي ثنينهن ، نزلت دموعي بقهـر ،
هاهيه راح نخسرة هاهيه راح يروح من عدنا هاهيه راح نتيتـم مرة ثانية ، راح يروح مثل ما راحت ، التمن عليَّ الافكار السيئة حسيت نفسي تقديت والهم ترس گلبي من جديد ، نفس الطريقة راح يروح مثلهـا .
أشرلي أبوي أگوم ، گمت بخطوات متعثرة أخذني من أيدي وحضني صرنا ثلاثتنا وسط حضنة ،
جسمة يهتز من البكاء ، خليت خشمي على ملابسة اشم عطرة بقوة ،
ضل حاضنا واحنا ثلاتنا نبچي محد من عدنا توقفت عيونا عن البكاء ،
نبچي فرح وحزن ، فرح انوخذ حق امنا بعد كل هل سنين وحق عماتي .
وخرنا من حضنة مسح وجه وأردف بـ أستعجال
صالح :- اني هسه راح اطلع للنجف وبعدين اروح اسلم نفسي .
لزمت أيدة رحمة بشهگة وتوسل
رحمة :- لا بابا حباب لا اسلم نفسك ضل هنا .
باوعلهـا هز راسة بنفي أخذ أيدها دنگ باسهـا بقوة وشمهـا
صالح :- صيري قوية لازم اروح اول وتالي انسجن خلي اسهـل الموضوع احسن .
مسحت وجهـي وأردفت
أديـم :- اني اوصلك .
باوعلي هز راسة برفض
صالح :- اني اروح ازورهن واطلع مناك .
أنت تقرأ
يوم الدجن
Actionفي مُـكان وزمـان في الحرب وألامـان . في الاخـذ والعطـاء يقتلون ارواح الابريـاء يشؤن حرب بين الاشقـاء يفعـلون مايشـأون يقتـلون ما يريدون . في مُكـان نرى طيغانهم وكيدهـم وانعدام ضمائرهـم . * القصة حقيقة * بقلمي :- زهراء محمد
