هلو؟؟
.........................
تدنيت عليه اهزه اريده يكعد ماحسيت الا واجتني رفسه على وجهي خرب حظي
لزمت خشمي وجعني رجعت نظري عليه كاعد يباوعلي ويرمش نعسان وشامر رجلينه منا ومنا
آثام: ادري الييتگلب هيج يرفس شني
كعد يحك بشعره ويتثاوب شافني لازم خشمي متوجع فتح حلكه يبتسم على شكلي وضحكت ويا
آثام: يله كوم نتريك
كام راح للحمام غسل وطلع يمشط بشعره
جاي اعدل بالجرباية وانفتح الباب على عرضه امنية عاقدة حواجبها مطنكرة التفتت تدور على اخوها شافته يباوعلها ابتسمت وراحت شبكته من ايده وتضحك تباوعله بالمراية، بنية زربة تجاهلتهم وكملت تنظيف الغرفة كعدت تعبان وهيه تختار عطر ترشه اله ويتناگرون هوه يريد غير عطر وهيه غير، جرها من كصيبتها فرها وطلعها من الغرفة وسد الباب رجع يتمشى للمراية ابتسم وخله عطر خلص التفت باوعلي مبتسم ابتسمتله وطلع من الغرفة تصرفاته كلش غريبة قررت اروح لدكتورته اليوم بدلت ونزلت كليت لكمة وياهم وطلعت، اني ماكدر احجي الحقيقة للدكتورة حتى تعرف العلاج زين وتكلي ممكن تبلغ عليه فكرت هواي شسوي
الدكتورة: ماذا تعني بسر بيننا
آثام: سأعطيك ما تريدين مقابل ان افشي لك سراً وتحافظين عليه
صفنت شوية ورجعت نضرها الي
الدكتورة: اعلم ما هو سرك ولكن بالرغم من ذلك انا موافقة
طلبت مني فلوس انطيتها وبديت اشرحلها كلشي
الدكتورة: بالرغم من انك تحبه لكنك مريض ايضاً ومرضك هو سبب مشاكلكما
آثام: اذاً؟
الدكتورة: انت تعاني من اضطراب الاحاسيس بمعنى اخر احيانا دون سابق انذار تستمتع بالعنف الذي توجهه للشخص المقابل، تشعر كأنه كيس للتفريغ الغضب فيه
آثام: دعك مني تصرفاته غريبة جداً
الدكتورة: كيف
آثام: الا يجب عليه كرهي؟ لكنه يبستم لي كثيرا ولا يكرهني لكن لديه مخاوف على الرغم من انه كان يكرهني كثيراً حتى يتمنى موتي وايضاً يتصرف كالصغار ماهذا؟
همهمت الدكتورة وتكتب
الدكتورة: انه يمثل على نفسه يعني! يتناسى يمثل النسيان وبنفس الوقت هو لايدرك ذلك يظن انه لايتذكر شيئ وهذا الشيء سببه الهروب من الواقع سئم من واقعه
آثام: هممم هذا يعني ان عقله الباطن يتذكر لكنه لايتذكر جيدا!
الدكتورة: تقريباً
فهمتها خلصنا وطلعت رجعت بتكسي للبيت بعدما اشتريت اكل
وصلت ودخلت للبيت رحت للمطبخ محد، عفت الاكل وصعدت بعدني باخر باية ولمحت جراح وامنية لابدين وره الحايط على غرفة سارة وجراح شايل سطل ماي مد راسه يباوع حابس ضحكته وامنية ويا، دخلو علكيف ورحت وراهم اشوف شيصير راحو لجرباية سارة ذبو الماي عليها وضلو يطفرون ويضحكون وهاي كعدت تصرخ فازة شافتهم، نزلت تغلط وتصيح لزمت امنية من حجابها وتجر بيهة منا ومنا وجراح كاعد بالكاع يضحك عليهن دارتله سارة ركضت عليه وهو ركض يريد يطلع من الغرفة واني حبسته خليتها تلزمه جرته من شعره دتشاقه ويا ما نحس دفعها حيل وضل يرجف ويبجي، امنية ركضتله تشوفه شبي واني رحت لسارة ضهرها تعور كومتها ورحت لجراح يرجف ودموعه تصب باوعلي انرعب اكثر دفعنا وراح شرد لغرفته وسد الباب
