طشت خرز
كنوز القحطاني
حيدره
تعرف غلاتِك لو بعَد
محتاج أبين أكثر ؟
يل بيك لهاني العمر ماركزت بي من مر
يمكن إذا گتلي شگثـر تهواني . .
راح أتحير !
الليل أعدي بـسَ باجر تزود
أگثر .!*****************************
مهره
اجه حمزه وجه مگلوب من البارحه وهو ما طب للبيت و ولي الله هم ماكو خبر عنه
مهره :- شكو شبيك
حمزه :- لكوه جثة أنمار
فتحت عيوني ع وسعهن مصدومه
مهره :- شنو جثة منو كتله
_ شدراني منو كتله جلب و مات
صفنت دقايق و دخل للحمام غسل و طلع ينشف بشعره طشيت الخبر بالبيت امي فرحت بموته صدك اذا كالوا حياة البشر تحدد آخرته و إذا الناس تبجي عليه لو تفرح و اكو
بشر عايش بس هو حسبة الميت و بشر يموت بس يعيش سنين مثل خاله زينب الله يرحمها احس البارحه ماتت ما مر يوم ما ذكرتها امي و بجت عليها قطعت تفكيري
من تذكرت ولي الله رحت اركض لحمزه
_ ولك صخام حمزه بس لا يذبوه براس ولي الله هم
_ والله بطرانه انت غير لكوه فحمه صاير لا بصمه لا دليل و محد طالب بحقه محد راح اشتكى من اهله صفاء شارد لان طلعته زور و محي حاير برابحه من شارع لشارع
_ خوش الحمد لله عبالي هم يحسبونه علينا رجال و يطلع معيش العشيره و ماعدهم متهم غير ولي الله
هز راسه بمعنى ماكو شي و طلع راح اتصلت ع رايه ابشرها بموتة النكس
سيف :: اليوم خفر لازم بالثنتين اروح للمستشفى و البارحه ما شفت النوم اجت امي
نازك :- ولك يمه سيف اجه ولي الله گومه شوفه الولد ضل وحده گوم
طار النوم من عيني اني قلق عليه غسلت وجهي و طلعت الباب مالتهم مفتوح بس مردود رد دخلت للبيت شفت واحد امدد ع فراش حاط رجل ع جل و بحلكه مصاصه
سيف : - السلام عليكم
دار راسه عليَّ نهض كعد و رد
_ و عليكم السلام تفضل البيت بيتك
صفنت عليه عبالك ماخذ راحته عبالك ابوه البيت قبل لا سئله هو حجه
_ شاهين اني صاحب ولي الله
_ هاا اني سيف جيرانهم و صاحبه هم
سكت شويه وگام راح للمطبخ جاب اكل وكعد ياكل صدك ماخذ راحته الأخ گعدت تعبان صافن عليه ندفع الباب و طب حمزه اربعه وعشرين ساعه هجوم عنده ويا ما شاف شاهين زمخ بي

أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم