🦋 إسكريبتات شروق حسام 🦋

الجزء الرابع 🦋

بقلم شروق حسام 🦋

رهف إتصدمت من اللي هي شايفاه شايفة بنتها بتروح من إيديها وهي مش عارفة تعمل حاجة لأن الحرس مانعينها

شاورت بسرعة بعنيها لنورا عشان تتصرف

نورا بصراخ " اععععع إلحقووووني اعععع فااااااار "

الحرس جريوا عليها بسرعة يشوفوا في إيه فرهف إستغلت الفرصة وحاولت تلحق فيروز اللي ماكملتش 30 ثانية نازلة

رهف جريت بسرعة على تحت وشافت فيروز شايلة بنتها وبتركب العربية فراحت بسرعة ووقفت قدامها

رهف بصراخ ودموع " هاتي لي بنتي حرام عليكِ "

فيروز بصت لها ببرود وأمرت السواق يشغل العربية ويسوق بس ماقدرش يعمل كده لأنها واقفة قدام العربية فيروز إتعصبت فراحت جايبة العكاز بتاعها وضغطت بيه علي البنزين وزودت سرعة العربية فرهف رجعت مرة واحدة ورا وهي مش عارفة تتحكم في إتزانها فالعربية خبطتتها ووقعت علي الطريق غرقانة في دمها ومحدش شاف اللي بيحصل لأنهم في حتة مقطوعة شوية وبعيد عن الدوشة بس كذا حد عدى من المكان ورفض إنه يساعدها عشان مايتعرضش لمسألة البوليس

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

علي الناحية التانية
الحرس بصوا لبعض بصدمة لما لقوا رهف إختفت حاولوا يدوروا عليها بس مالقوش ليها أي أثر وهنا بس حسوا بالرعب من اللي فيروز هتعملوا فيهم

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد 5 سنين

كان راكب عربيته وهو راجع من الشغل تعبان وكان بيفكر فيها بقى لها 5 سنين مختفية ومايعرفش راحت فين كل اللي يعرفه إنها إختفت وسابته وسابت بنتهم لوحدها

إتنهد بحزن وقال " عارف إنك زعلانة عشان كدبت عليكِ بس إرجعي وأنا هحبك أكتر من الأول وهعدل بينك وبين جاسمين "

_" بقى لك 5 سنين مختفية ولولا جاسمين ماكنتش هعرف أعيش بس ده مش معناه إنها خدت مكانتك في قلبي يا رهفي هي في واخدة جزء وأنتِ واخدة الجزء التاني "

_" أنا حاسس بفراغ كبير ومفيش حد غيرك هيقدر يملي الفراغ ده "

وقف مرة واحدة قبل ما يخبط البنت اللي طلعت فجأة قدام عربيته

نزل بسرعة وكان هيتعصب عليها بس إتصدم لما شافها هي أيوه هي رهف مراته

_" رهف رهف حبيبتي أخيرًا لقيتك يا عمري وحشتيني "

_" رهف مين يا أستاذ أنا إسمي براءة "

_" رهفي أننِ نسيتيني أنا راكان جوزك "

جيه صوت حاد من وراها " براءة بتعملي إيه مش قولت لك قبل كده ماتقفيش مع أي حد غريب وماتعديش الطريق لوحدك هو مفيش سمع كلام "

براءة وهي بترمش بعيونها كذا مرة " آسفة يا حيدر حقك عليا ملتزعلش أول وآخر مرة "

_" سماح المرة دي يا حجة "

راكان بصدمة " أنت أنت بتعمل إيه مع مراتي وأنتِ يا رهف إزاي تكلميه وتهزري معاه كده "

حيدر برفعة حاجب " مرات مين دي خطيبتي وفرحنا قرب "

راكان بص له وإتصدم وهو بيطلع موبايله من جيبه وبيوريه صورة رهف

_" بص وإتأكد بعينك "

حيدر وهي بصوا للصورة وقالوا بصدمة " إييييه ده دي مين دي "

حيدر بحيرة " دي شبهك أوي يا براءة "

_" بقول لك دي مراتي والدليل إن هي عندها وحمة في كتفها "

براءة بصدمة " فعلًا بس أنا ماعرفكش دي أول مرة أشوفك "

حيدر بعصبية وغيرة " مش هنفضل نتكلم في الشارع كده كتير "

_" عادي الشارع أصلًا فاضي يا حيدر صح مش ده إسمك "

حيدر وهو بيضغط علي أسنانه " اه "

راكان مسك إيد رهف وشدها لحضنه " يلا يا حبيبتي هنروح بيتنا وبعدها هتحكي لي كل حاجة مش عايزة تشوفي بنتنا ولا إيه "

حيدر إتعصب والغيرة ولعت فيه فمسك راكان وقعه علي الأرض وطحنه ضرب بالمعنى الحرفي

#قلب_أحب_إمرأتين_و_لكن
#شروق_حسام