اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ
#الهجين (سقوط الاقنعة)
الكاتبه : زهراء الهاشمي
وما قيمة الـحُب أن
لـم ينتمي لـ عـلـي
علي بلـصدر كعبه وبلـعجز محراب
أبيت الله نولد وأستشهد بجامع
أختصاراً للمناقب ماخذ الزهراء
أختصاراً للوكت من نجي من الواقع
من باب الترافه أيعرفه أي بستان
دوم يسير على الورد ما كاطع
ومن باب الحرب گظاهة حيدر سيف
وجدك بلحرب بس واكف يباوع
~~~~~~~~~~~~~~~~~~~~
بعد مرور عُـدات سنوات
دلمار : رجعت من المستشفى ومريت للحضانه اخذت لانا وياي صعدنا بالسياره وطلعت للبيت
دلمار : شلونها الحلوه ؟
لانا : سينه
دلمار : شو ضايجه وتحجين من ورا خشمج
لانا : دادي سيح عله البح ( بابا صيح عليّ الصبح )
دلمار : لاا ليش صيح عليج
لانا : هوو مدلي تبي وياي يغاغ مني (هوو مدري شبي وياي يغار مني )
دلمار : حقج يخاله حقج كلها تغار منج ههههه
جريتها بوست خدودها حيل طنكرت بالزايد
لانا : ايي هدودي
دلمار : فديتتت هيج خدود
وصلنه الباب العماره صار كدامي كسار ومنسةّ راجعين من الدوام نزلت ونزلتها وياي
دلمار : كسارر شبيك ويا لانا مزعلها
كسار : اناا ؟
دلمار : اي لانا دكول يغاغ مني مو صح لانا
تخصرت وتخزر بأبوها وهيّ منا سمينه وبيضه مال كرط
لانا : اي تح ( صح )
كسار : فوصه على امج انا اكدر الجن
منسّة : هااااا
لانا : هاااا
كسار : دلمار انا بشاربج راح يكتلني
دلمار : هههههههه تستاهل ليش تضوجهن
تقرب شال لانا يبوس بيها
كسار : اسف بابا اسف بعد ما اتيح عليج ( اصيح )
لانا : تامحتك دادي
ضحكنا ودخلنه جوا همه راحو الشقتهم واني رحت الشقتي
دخلت شمرت غراضي ورحت خليت الاكل بالمايكرو
عفته ورحت بدلت ملابسي واجيت طلعت الاكل
أنت تقرأ
الهجين (سقوط الأقنعة )
General Fictionامرأة متعددة مُتجددة متفردة شاعِرة في المقام الأول مُلهمة ذات خفايا وخبايا وشأنٍ عالي مُمتزجة ما بين جنونٍ وفنون قارئة نهِمة امرأة تشعر برفقتها بأنكَ في حضرة قبيلة كاملة من النِساء
