.
.
اثام بهدوء: جيبه
مارديت عليه مد ايده وكمشه مني بسرعه
جراح: رررررجعههه
اجت امنية على صوتنه
امنية بخوف: شكو
جراح: راح اكفر بي بالقرآن جيب الموبايل
اثام : اذا ماتمشي عدل ماتشوفه
رد اثام وهو يحطه بجيبه
امنية: وانته شعليك بتلفونه
اثام: سدي حلكج وروحي صعدي
امنية: هواي شايف نفسك اشو تتجاوز
كالت وهي تتقدم تدفعه من كتفه
جراح: اسكتي امنية، اثام جيب الموبايل وكفيني شرك لاتطولها
تجاهلني وصعد متت قهر هسه هذا شسويله ويحل عني صعدت وراه ودخلت للغرفة وراه ماكدر اخلي الموبايل عنده اخاف يشوف محادثات ويرجع عليه ابن الكلب
اثام: اطلع اريد انام
تكلم وهوه يمشي كعد ع الجرباية ناوي ينام
جراح : نامت عليك طابوكه انشالله ولاكعدت جيبه خل اروح
اثام: تعال اخذه بس سد الباب اول وياك
صفنت عليه مامرتاحله حكيت حاجبي محتار
جراح : راح اروح اسمع امنية تصيحلي
اثام: خاف خفت
جراح: ماتخوف جلبي خاب گم
اثام: لعد تعال اخذه مو تريده
كال ويباوع لعيوني مباشرة، ضغطت على نفسي ورحتله وكفت يمه ومديت ايدي ابتسم وخله الموبايل وره ضهره وهو نايم على صفحته ومنتجي على ايده الموبايل صار وراه
اثام بهدوء : اخذه
ردت ادور من ذيج الصفحة واخذه بس وكفني
اثام : تعااال منا اخذه لو بعد متشوفه
استغفرت ربي ودنكت حتى اخذه وجهة صار على صدري كوة وصلت ايدي للتلفون واخيرا خذيته ردت ابتعد وجرني كعدني على خصره ردت اتحرك بس ثبتني تندمت لو عايفه ورايح ولله مطي
جراح تنهد: هدني
يباوعلي مبتسم عابت لهل ابتسامة
كعد وصار وجهة مقابيل وجهي
اثام : دتقنعني البارحة موحلوه؟
نار وشبت بوجهي نفسي ثگل متت من الفشلة والقهر درت وجهي وهمست
جراح: عوفني اثام البيه مكفيني
مطلني علكيف وصار فوكي يلعب بشعري، شعور انت متمدد وحايط يصير فوكك وقريب يمك تحس الهوى يختفي! يدنك يشم راسي ويرجع يبتسم
