أنتقَــام بريـئ

" البارتَ 5 "

.....
ياسمين : انفتح الباب بهمجيه باوعت دخل محمد سد الباب وباوعلي يتأفف باوعتله ما مستغربه عرفت سوالفه باوعتله وهوه يحجي ويكعد ع الاريكه بكل راحه وعبالك الغرفه غرفته

محمد : اخخخ ياسمين تره ورب العز مليت من هل وضعيه؟؟

: ياوضعيه استاذ! وشنو هل دخله بلا اني جنت داغير ملابسي؟؟ دك الباب مره ثانيه 🙄

: خلصتي دنجبي يلاا ولج شفتيهه شلون طالعه؟ بويايييي

: منيه!

: رنَــد، شفتي شلون بريئه ولطيفه عكس اختها ولج ياسمين والله العظيم من هيه عمرهه شهر خليتهه بحضني ربيتهه يمي همه بعدوهه عني هيه ما اعرف مشاعرهه تجاهي

: انتَ تحبهه؟

: ولج بويه عاشكها مَيت بيها كلبي يرفرف عليها اتخبل اذا حجت وي غيري اذبحها والله صدك يجوز هيه تحب واحد غيري

كام بعصبيه وكمل كلامه : اكتلهه ياسمين اذبحهه ورب العز

: محمد صدك تحجي دكعد والله هيه متحب غيرك

: لا ميحتاج طالع اني

طلع محمد واني لسه بصدمتي ابتسمت ابتسامه خفيفه عرفت محمد فطير وع نياته اعتبرني نفَس اخته وحجالي كلشي ولا اتردد غيرت ملابسي خليت حجاب ع راسي نزلت ساعدت خالتي اتعشينه كلنه سوه بَس نضرات واحد من الولد ابد مو حلوه 

كملنه عشه شلنه المواعين بديت اغسلهم خالتي رادت تغسل ما خليتهه خطيه خل تكعد يم الخطار اجتي هاي البنيه يلي مبينه فقيره سلمت عليه وطلبت مني انو اساعدني وطبعا رفضت

زينبَ : فدوه خليني اساعدج حبييتي والله ما عندي شي اني اريد اتحرك

: اني هم ما عندي شي ميصير عيب!

: دوخري شو عصبتيني يا عيبب

ضحكت عليهه واجتي اساعدني مبينه حبابه عرفتهه هاي زينب يلي حجه عليها محمد صدك هيه خوش  بنيه عرفتني ع نفسهه عمره ١٧ صغيرونه محمد عمره ٢٤ سنَه اكبر منها بهواي كملنه غسل الماعين وخليت زينب تنام يمي لأن وحدي بلغرفه

اختنكت اجتي تنام يمي صعدنه قبلهم كعدنه هيه غيرت ملابسهه وكعدنه نتعرف

: احم عيناي اني اسمي ياسمين عمري ١٩ سنه طالبه جامعيه .

: اتشرفت بيج واني زينب عمري ١٧ سنه طالبه خامس اعدادي واصير بنت عم علي الاكبر

بدينه نتعرف حجينه بمواضيع عامه كلش ارتاحيتله مر الوقت كمنه اني درست وهيه بدت ترتب ملابسها بلخانه التفت عليه كالت

: بَيش الساعه؟

: الساعه ب ١١ ونص

: احا طيب اني نازله اجيب مي وشكم سناك ناكلهن ونحجي بما انو اول ليليه اش لا تعترضين اكطعج ورب العز