رُوايَة ________ظِلْ
حُب وَحَرب
ـــــــــــــــــــــــــــــ
نبدي بســــم اللّٰه
ـــــــــــــــــــــــــــــ
قِراءة مُمتعة ....
مُثنى : فرح هل تقبلين الزواج مني وأن اكون زوج لكِ وشريك حياتچ وكُل تفاصيلچ موافقة؟؟
نور : وافقي وافقي بليززز بسُرعة تحمست ههههههه .
خليت ايدي على حلگي من الصدمة بلحظة تخيلت جود هو الي متقدملي شعور ما ينوصف احس الفرح تغلغل بداخلي ما استوعبت غير على صوت ايسر .
ايسر : يلا عزيزتي الولد تخربط گولي موافقة .
فرح : لاا .
بهت وجها واختفت ابتسامته حاول يسيطر على نفسه يبين طبيعي .
مُثنى : فرح دا اتقدملچ مو امزح كلامي جد .
فرح : ما لازم تسوي هيچ بلا متنطيني خبر شلون تقرر وحدك .
ايسر : ههههههه خوش مقلب حبيت .
فرح : لا .
نور : واقع؟
فرح : اي نعم هو فكر وقرر ونفذ وحده بلا ميگُلي ويكون عندي علم بالموضوع .
مُثنى : فرح .
فرح : نعم .
مُثنى : إذا مقلب فما حبيته منچ كُلش .
فرح : واقع مو مقلب انت شلون قررت وحدك وبلا تفكير بيه وبمشاعري .
مُثنى : يمكن استعجلت اعتذر كُلش آسف اعتذر منچ انسي كُلشي صار حسبي ما صاير شي اوكي گايززز ام سوري ازعجتكُم وخربت عليكُم الجو ان شاءالله قضيتو وقت مُمتع يلا احنا نروح .
ايسر : تعال احچي وياك .
مُثنى : غير وقت عزيزي .
ايسر : تعال ضروري .
مُثنى : غيررررر وقتتتتتت غير وقت ايسر گُتلك غير وقتتتتت .
ايسر : اوكي تمام ريلاكسس قلبي نور خلي نروح .
نور : باي فرح .
فرح : باي .
التفتت على مُثنى مدنگ على الطاولة اخذ الخاتم خلاه بجيب الستره طفه الشموع بـ ايده اخذ اغراضه وطلع گدامي بلا ما ينطق حرف اخذت الجنطه وطلعت وراه واگف على صفحة يدخن ويا كُل نفس جگارة يتحسر باوعلي بنظرة مليانة قهر ما بيدي شي اسوي اني حتى نفسي ظالمتها ياريت يطلع مقلب تخيلات حلم واصحى ويطلع كُل هذا كذب صعد يسوق سريع ونزل بلا ما يلتفت دخلت الغرفة ضايجة مقهورة عليه وعلى نفسي بچيت بدموع تشرح تعبي والكلام الي بداخلي كُله منك جود كُله منك علقتني بيك وتركتني اتعذب ياريت ما عرفتك ولا التقيت بيك بيوم من الأيام نزعت الفستان غيرت ملابسي ورحت بفراشي حُب غيره اشتياق توتر قلق الم حزن قهر عجز كُلهم بيه داخلي تعذب بيني وبين مُثنى احس بشعوره الصعب ياريت ما يتعلق بيه مثل ما تعلقت بجود وكسر قلبي مسحت دموعي لايذة بالنوم من قلة حيلتي گمت على صوت التلفون يرن عرفته من صوت الرسائل وحدة ورا وحدة شگد حاولت امنع نفسي ما اشوف ولا اقرأ حرف منهُم بس كنت محتاجة هيچ كلام وشخص يكون قريب مني ويفهم علية شگد تمنيت ماما تكون موجودة واحچيلها الصار فتحت الواتس انصدمت بـ اول مسج كان صورة الي من لزمت ايد مُثنى ودخلنا القاعة ومن طلعنا وآخر كلمة مكتوب
