.........
.......
نزلنا كلنا وكلمن صعد لغرفته بس اني لحكت جراح اول مادخل دخلت وراه وسديت الباب التفتلي
جراح: شكو شبيك
تقربت عليه: وين اشيائك
دلك عيونه ورد بتعب
جراح: يا اشياء
آثام : الي اشتريتهن
جراح: ليش
باوعت للغرفة لكيتهن يم الباب مخليهن خذيتهن وخليتهن ع الجرباية افتش بيهن وهو يريد ياخذهن مني
جراح: شكو شبيك انته شجاي تسوي عوفهن واطلع
دفعته وطلعت الكريم حسيته متوتر
آثام: المن خذيت هذا
جراح: معليك اطلع منا
يلعب بأعصابي جريته من شعره وقربت وجهه ناحيتي انفاسه الحاره تضرب بوجهي
آثام: كتللك المن خذيت هذا تريد تصير مثل النسوان تخلي مكياج مو عجبك الوضع حبيت انو كلها تشوفك حلو وتريدك
سيطرت عليه العصبية وعطت عليه يباوعلي مصدوم عيونه تدمع قويت شدي على شعره غمض عيونه متوجع
جراح: حل عني عوف خرياني شعري عووفه
دفعني بضعف مهزوز
جراح: تخسسه ولله انته المره يا كلب مابيك خير غير الصياح
اجه دفعني على الحايط ولازم ياختي
جراح: بسببك اخذته من وراك
مافهمته شيحجي نزع فالينته ويصيح
جراح: بسبب هذا بسبب افعالك النجسه مثلك ماكدر اطلع منا لهنا بدون ما اخفيهن افعالك الحقيرة الي مابيها رجولة خلتني اخذه حتى اخفيهن واطلع براحتي ومحد يكشفني
يصيح ويضرب بيه تعبت وهلكت كعدت ع الگاع صافن وماسمع غير نفسه الهايج
عفته وطلعت رحت لغرفتي انام ماريد افكر اكثر تعبان
كعدت الصبح ب9 غسلت ونزلت جوة جوعان
دا اكل واجاني اتصال مجنت ادري هلأتصال راح يغير هواي امور سديته وركضت لغرفة جراح دخلت بدون مقدمات لكيته يبدل وبعده مالابس فالينته رحت لزمته من ايده
آثام: جراح شنو راح يصير اذا اكتشفو اهلك الي صارلك؟
انصدم من سؤالي بس فورا بردت نضراته ودار نظره للارض
جراح: انتحر
صدمني برده وقلقني اكثر
آثام: متريد هلشي ابدا مو
دفعني ونتر: اي اياك تهدد ومدري شنو ماتخوف جلبي
لزمته من خدوده: جراح لازم نسافر
