🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

_" أنا موافقة أديك فرصة يا بدر أنا عارفة إنه مش قصدك كل ده وأنا هدي فرصة لحياتنا مع بعض سوا ونعيش مع بعض في تبات ونبات ونخلف صبيان وبنات وتوتة توتة خلصت الحدوتة "

بدر بعدم إستيعاب وصداع " أنا مش فاهم أي حاجة يا لمى من كلامك "

لمى ببرود " قصدي أنت فاهمه كويس هو ده اللي عايزني أقوله مش كده ده بعينك فاهم "

بدر بإبتسامة مرتعشة " يعني مفيش أمل خالص نرجع لبعض أنا عارف إنك مش بتحبيني ولا أنا بحبك بس عايز أدي لعلاقتنا فرصة "

_" تمام وأنا هديك الفرصة دي بس رجع لي جسمي زي ما كان من غير أي خدوش أمسح من دماغي الضرب والإهانة والشتيمة اللي حصلوا لي رجع لي أنوثتي اللي أنت إنتهكتها بالغصب والكلية اللي أنت خليتني أسيبها بسبب غرورك رجع لي الكام شهر اللي سيبتها فيه وخليتني ماروحش إمتحانات نص السنة وبسببك سقطت نسيني كل لحظة سودا عيشتها بسببك وبسبب إنتقامك التافه "

لمى ببرود " هاا قولت إيه هتعرف ترجعهم لي "

بدر بص لها بعجز وماقدرش يفتح بؤه بكلمة هو إزاي هيرجع لها حاجة راحت ومستحيل ترجع تاني

لمى بسخرية " حلو أوي سكت طالما سكت يبقي طلقني وكل واحد يروح في حاله "

بدر بمحاولة أخيرة " سامحيني وأنا هحاول أعوضك عن كل ده "

_" ولا عمري هسامحك وهفضل أدعي عليك في كل صلاة "

بدر بص لها بحزن وسابها ومشي وهو ناوي يصلح كل حاجة عملها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد يومين

كان بدر ساب لمى براحتها ومارضيش يزعجها بس في اليوم ده بالذات قرر إنه مايستسلمش ويحاول مرة وإتنين وتلاتة وعشرة

لمى بزهق " أوووف بقى إيه اللي جابك هنا "

بدر بتوتر " جاي بطمن عليكِ "

_" خلاص أطمنت أطلع بره ومش عايزة أشوف وشك "

سميحة من وراه بحزن " يعني مش عايزة تشوفينا إحنا كمان يا لمى "

لمى بصت لهم ببرود وعدم إهتمام

_" أنتم مين هو أنا شوفتكم قبل كده هو أنا أعرفكم أصلًا "

نبهان بحزن " يابنتي حقك عليا إحنا عملنا كل ده عشان مصلحتك "

بدر إنسحب وطلع بره هو مش عايز يسمع أي كلمة من اللي بيقولوها عشان مايتقهرش أكتر

لمى بسخرية " مصلحتي اه طب تمام تشكر "

سمحية بصت لها بحزن وإتكلمت بسرعة " هو السبب...هو السبب يابنتي إحنا عمرنا ما نصدق....حاجة زي كده عليكِ بس هو كان مصورك وعامل فوتوشوب....لصورك وكانت صور مش كويسة.....وكان عايز يفضحك يا نور عيني "