🦋 إسكريبتات شروق حسام 🦋

الجزء الخامس 🦋

بقلم شروق حسام 🦋

_" بقول لك الحقيقة اللي بتنكريها أنتِ واحدة لعوبة وبتخطفي الرجالة من مراتاتهم "

لمى بسخرية " اممم تمام تمام وبعدين خطفت أنا مين بقى من مراته "

_" دكتور عثمان دكتورك في الكلية "

لمى بعدم تصديق وضحكة عالية موجوعة " ههههههه لا بجد هههههه جدع هههه عرف يلعبها صح يعني أنت إبنه مش كده هههههه صدق ماجتش على بالي دي هههههه "

بدر بإستغراب " بتضحكي على إيه بتضحكي عشان خلاص حقيقتك السودا إنكشفت "

_" بجد يا بدر أنت مغفل اه والله مغفل بس هقول إيه ما أنت شيطان زيك زيه ونفس الخلقة الوسخة "

بدر بغضب " لمي نفسك يا لمى ماتخلينش أعمل حاجة تخليكي تندمي وأنتِ في الحالة دي "

لمى بوجع " هتعمل إيه تاني أكتر من اللي عملته ها قول لي هتعمل إيه ؟! هتموتني؟ "

_" عارف أنت ماتستهلش أقول لك الحقيقة حتى لأنك شيطان وحتى لو عرفتها عمري ما هسامحك حتى لو جيت تحت رجليا راكع وبوست إيدي ورجلي كمان "

بدر بسخرية " هههه أنا أبوس إيدك ورجلك لا ده أنتِ بتحلمي ولازم تفوقي "

كمل بضحكة " وحقيقة إيه يا أم حقيقة هو أنتِ عمالة تألفي سيناريوهات هتبطلي أمتي شغل الحوارات ده "

لمى بسخرية " روح إسأل ضاكتور عثمان ده لو قال لك الحقيقة أصلًا "

بدر بسخرية " ما أنا فعلًا هروح أسأله عشان أكدب كلامك ده أنا مستحيل أكدب بابا و أثق فيكِ أنتِ "

لمى ببرود " طب يلا بره مع السلامة ولو عرفت الحقيقة مش عايزة أشوف خلقتك تاني وورقة طلاقي توصلني "

بدر ببرود " ولو طلع عكس كلامك هتفضلي عايشة طول عمرك خدامة تحت رجلي "

لمى ماردتش عليه وفضلت باصة قدامها ببرود ومابصتلهوش حتي وهو إتضايق من أسلوبها فسابها وخرج

لمى بإبتسامة مرتعشة " ياااا يارب يعني عشان مجرد إنِ دافعت عن نفسي يحصل فيا كده يااااا "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة

كان وصل بدر الفيلا ودخل بسرعة عايز يشوف عثمان عشان يثبت إن لمى غلط وإن مستحيل أبوه يكون بيكدب

بس وقف مكانه بصدمة وهو بيسمع كلام مامته

_" أنا عارفة إنك مش بتحب بدر يا عثمان فبطل التمثيل ده "

عثمان بسخرية " فيه إيه يا حنان زعلانة ليه مش دي كانت رغبتك أنا أصلًا مش بطيقه ولا بطيقك "

حنان بحزن " يا عثمان أنا أعتذرت لك كتير وأنت كل مرة تقول لي إنك نسيت بس أنا عارفة إن عمرك ما هتنسي إنِ إتجوزت غيرك "