🦋 إسكريبتات شروق حسام 🦋

الجزء الثالث 🦋

بقلم شروق حسام 🦋

عدى شهر ورهف بدأت تشتغل خدامة في فيلا جوزها وكل ما تروح الشغل تسيب بنتها مع نورا وكل ده وأحمد عارف إنها بتشتغل بس هو مش عرف هي بتشتغل إيه هو مش باله غير جاسمين اللي واكلة عقله وشاغلة كل تفكيره وهو عايز يقضي معاها أكبر وقت ممكن قبل ما يرجع تاني لرهف لأنه بيعشقها لا هو بيعشقهم هم الإتنين وعايز يقضي أكبر قدر ممكن مع كل واحدة فيهم

_" وردة يااا وردة "

_" نعم ياست هانم تؤمري بحاجة "

فيروز والدة أحمد بتكبر " حضري 5 فناجين قهوة وهاتي شوكليت عشان الضيوف "

_" حاضر يا هانم تؤمري بحاجة تانية "

فيروز بتكبر وهي بتشاور لها بإيديها إنها تمشي " No يا خدامة روحي كملي شغلك "

بصت لفيروز بهدوء وسابتها وراحت تحضر اللي طلبته منها

_" يا الله إيه العيلة دي بجد محدش فيهم عدل أنا كنت عايزة أقولها الحقيقة بس بأسلوبها ده لو قولت لها مش هتصدقني "

خلصت القهوة وهي عمالة تفكر كتير في اللي هيحصل هي بتفكر تسيب الشغل وتطلب الطلاق بس هي مش عايزة كده هي عايزة تذل جوزها الأول

خرجت الصالون وهي شايلة الصنية وجت تحطها إيديها إرتشعت فوقعت القهوة علي رجل فيروز

_" ااااااه يا غبية ااااه "

رهف بخوف " أنا آسفة ماكنتش أقصد "

رهف ساعدت فيروز تروح التويلت وفيروز زقتها بحدة ودخلت حطت ميه باردة مكان القهوة وحطت مرهم ومرطبات كتير وغيرت هدومها وخرجت بغضب وهي بتدور علي رهف

_" وردة أنتِ فيييين يا ززفتة تعالِ هناااا حالًا "

رهف جت بسرعة وهي بتدعي في سرها إن الموضوع يعدي على خير

رهف وقفت قدامها وهي باصة لها في عيونها

فيروز بغضب " بصي في الأرض فااااهمة أنتِ بتبصي لأسيادك في عيونهم يا حيوانة بتتمردي وتتنمردي "

رهف حطت عينيها في الأرض وإتكلمت بسرعة " مش قصدي يا هانم حقك عليا أنا آسف... "

فيروز بشر وحقد " آسفة صح "

وفي لحظات كان فيه قلم نزل علي وش رهف جت تستوعب لقت قلم تاني وتالت نزل علي وشها وفيروز مسكت شعرها وفضلت تجرجرها علي الأرض لحد ما وصلت أوضة قديمة عاملة زي المخزن

فيروز زقتها جوا الأوضة وقفلت الباب وفضلت تضرب فيها وقطعت شعرها بين إيديها وبضوافرها خربشت وشها

رهف حاولت تدافع عن نفسها عشان فيروز أزيد منها في الوزن حوالي 80 أو 85 كيلو

فيروز ماقامتش من عليها غير لما تعبت بعدين بصت لها بغضب وحدة