〘 بسم الله الرحمن الرحيم 〙
السحر الأسود
لـِ الكاتبة وتين علي
- ميار
أول أيام رمضان متحمسة لـِ رمضان و لأجواء رمضان
نضفت البيت ساعدتهم بـِ الطبخ مشغلين قرآن باقي
ساعة على الاذان
ميار:- ماما
اميرة:- ها ماما
ميار:- ماما خلصت كلشي جاهز تكسرت ضهري والحسين
اميرة:- هاي هيه ماما روحي أرتاحي
ميار:- طالعة يوم لتضوجوني لان راح أقرا قرآن
اميرة:- تقبل الله ماما
ميار:- شكراً ماما
رحت توضيت و كعدت أقرا قرآن كلشي مشفت من رمضان بس شغل
اندمجت أقرا
ما حسيت غير حسين عاط بكل صوته
حسين:- مياااااار
ميار:- أني هنا حسين
فتح الباب وجهة محمر و معصب حيل
حطيت أيدي على صدري و گلت بتعجب
ميار:- ياستار خير شكو
ما حسيت غير أيده بـِ شعري و عاط بـِ صوت عالي
حسين:- لچ أنتِ تردين تنزلين روسناا إذا أبوچ ماعرف يربيچ اني اربيچ ساقطة
ميار:- لك حسين وخر أيدك شبيك تخبلت خوما تخبلت
حسين:- لچ أني تخبلت من أعمالچ ساقطة
ميار:- أحترم نفسك و وخر ايدك يمااااا
أجتي أمي و نسوان أبوية اراي من شاف حسنين شلون لازمني تدخل و يجر بيه يحاول يبعده عني بس لازمني بكل قوته ويصيح
"تردين تنزلين روسنه"
اراي:- لك عوفها شبيك بس فهمني شكو شصاير
سحبني منه حطني ورا ضهره و حسين بس يريد يلوحني
اراي:- بس باوعلي حاچيني شكو شصاير
من سمعت صوت أبوية حسيت أجاني الفرج بس مچنت متوقعة ردة فعلة !
هاشم:- لك حسيين تمد أيدك على أختك؟ لك بعدني ما متت حتى تاخذ مكاني أكسره لأيدك
حسين:-يابة أنتَ تعرف بنتك الشريفة العفيفة العلوية شنو مسوية؟ بنتك نزلت روسنه بـِ الطين ضيعت الأول و التالي
اراي:-أي غير نعرف شكو شنو صاير مو عدلة تجي تهجم على البنية هيچ ترى
حسين:-تدرون العلوية تتمعشگ ويه عبد الرحمن؟ تدرون كل يوم يسهرون سوه فوك السطوح؟ يابه خالة عامرة تگول البارحة عبد الرحمن مچيت فوك السطح الليل؟ تدري يابه لو لا؟ ولكم إذا أموتها بيدي ما أنلام
الكل مصدوم و اني منهم شديحچي؟ خالة عامرة؟ وصل بيها لهنا؟ و هسه هم مصدگين؟ صحت بصوت عالي أحس بيه قهر مصدگيها و ما مصدگين بنتهم
ميار:-ويابة وعلي أبن أبي طالب جذب والله العظيم أني مو هيچ لا حسين أني أختك بدال
ما تصدگني تصدگها؟
حسين:-لچ حلفتلي حلفتلي گالت بـِ عينها شافتچ
هاشم:-الضاهر اني ما ربيتچ سهام حليمة طلعو اميرة منا
أني واكفة ورا اراي مصدومة نسوان أبوية سحبن أمي طلعنها من الغرفه و حسين لزم اراي و ابويه سحبني من شعري ضربني راشدي وكعت على الجرباية نزع حزامه و بده يضرب ويحجي عليه اراي يريد يجي يخلصني حسين لازمه و يعت بي
شفت علي الاكبر من شافني فتح عيونه مصدوم ركض بسرعه ذب روحه عليّه أجت الضربة بـِ نص ضهره أنّ بوجع بس متمسك بيه بـِ قوة
هاشم:- وخرر لك وخر لا أحطك وياها و أربيكم من جديد
علي الاكبر:- أضربني بدالها عاقبني بدالها شنو هذا الذنب أللي مخليك تضرب بنتك بـِ هاي الوحشية
اراي:- يابة عليك الله كافي خلينه نفتهم
علي الاكبر شال راسه شاف وجهي كله دم خشمي طك دم صار يمسح بردنه بخوف ويردد
"مياري تسمعيني؟"
سمعت صوت مهدي؟ أي هذه مهدي باوعت شفته لازم دشداشته ويركض أجه وصار يرعد رغم مو من عادته يصيح على الاكبر منه
مهدي:- صدگ تحچون ولكم تطلعون عضلاتكم على بنية؟ تستقوون على بنية لا حول ولا قوة؟ ليش ليش
حسين:- أي صح انتَ متعرف اختك شتسوي ويه ولد الجيران؟ هاي العلوية مالتكم لچ شتفرقين عن الساقطة ولچ بس تلبسين عباة
مهدي:- حسين ما أسمحلك هاي تربيتنه شنو
جاي تحچي أنتَ
حسين: أي حقك العلوية ساترة روحها بعباية
هاشم:- أنجبو كلكم أني أبوها أني المسؤل عنها
جرني أبوية بين أدين علي الأكبر وسحبني شافني بس نفس ما بيه كل حيل شالني وصعد الدرج و أسمعهم ورايه جاي حچون يقنعون بي أمي تبچي و تتوسل بي بس ما يسمع لـِ أحد
أخذني فوگ غرفة فاضية شمرني بيها سمعت صوت راسي من أنرگع بالكاع طلع و قفل الباب
سمعت من بين الهوسة صوت الأذان كلت "يالله" و غبت عن الوعي
فزيت على صوت هبد يندگ الباب بـِ قوة حاولت أعرف شنو منو بس بـِ سبب الضلمة مدا أشوف شي
شفت شخص بس ما عرفته منو واگف ورا الباب و صوت حسين يكول
حسين:-أفتح الباب لا أكسرة..
نهاية البارت
لا تنسون التصويت ☆
دمتم بـِ خير
أنت تقرأ
السِحرُ الاسود
Mystery / Thrillerالسحر الأسود لـِ الكاتبة وتين علي حقيقية || عراقية خوف ، هلع ، بيت فاضي ، و بس أني ويا هنا الخوف دب بـِ گلبي و جسمي صار يرجف بـِ شَكل مو طبيعي فزيت علىٰ صوت رگعة الباب و قشعر جسمي مجرد تخيلت شنو ناوي ألتفتت أباوع عليه يتقدم بـِ خطوات مسرعة يريد...
